કૃતિ ખરબંદા-પુલકિત સમ્રાટે સ્લાઈડિંગ ગેમ સાથે એન્જોય કરી રિસેપ્શન પાર્ટી, જુઓ નવા ફોટોઝ
- બોલિવૂડ કપલ પુલકિત સમ્રાટ અને કૃતિ ખરબંદાએ તાજેતરમાં જ લગ્ન કર્યા છે. આ દિવસોમાં બંને સોશિયલ મીડિયા પર તેમના લગ્ન સાથે જોડાયેલા ફંક્શનની તસવીરો શેર કરી રહ્યાં છે. આ દરમિયાન, આજે કપલે રિસેપ્શન પાર્ટીની તેમની લેટેસ્ટ તસવીરો શેર કરી છે.
23 માર્ચ, મુંબઈઃ લાંબા સમય સુધી રિલેશનશિપમાં રહ્યા બાદ બોલિવૂડ કપલ પુલકિત સમ્રાટ અને કૃતિ ખરબંદા લગ્ન કરી ચૂક્યા છે. આ કપલે 15 માર્ચ, 2024ના રોજ દિલ્હી નજીક માનેસરના એક લક્ઝરી રિસોર્ટમાં ભવ્ય લગ્ન કર્યા હતા. હાલમાં કપલના લગ્નની તસવીરો ઇન્ટરનેટ પર છવાયેલી છે.
આજે અભિનેત્રી કૃતિ ખરંબદાએ ઇન્સ્ટાગ્રામ પર લગ્ન સમારંભ સાથે જોડાયેલી તસવીરો શેર કરી હતી. તસ્વીરોમાં સ્પષ્ટપણે જોઈ શકાય છે કે આ કપલે લગ્ન પછીની પાર્ટીને ખૂબ એન્જોય કરી હતી. ફોટોમાં પુલકિત અને કૃતિ એકબીજાનો હાથ પકડીને રિસેપ્શન પાર્ટીની મજા લેતા જોવા મળે છે.
પુલકિત સમ્રાટ અને કૃતિ મિસ્ટર એન્ડ મિસિસ ડેકોરેશનની સામે બેસીને પોઝ આપતા જોઈ શકાય છે. તસ્વીરોમાં આ ક્ષણોને જોતા સ્પષ્ટ થાય છે કે પતિ-પત્નીના સંબંધમાં આવ્યા બાદ કપલ કેટલું ખુશ છે.
આ દરમિયાન કૃતિએ સ્લીવલેસ મલ્ટીકલર લોંગ ગાઉન પહેર્યું હતું. જેમાં તે ખૂબ જ સુંદર લાગી રહી છે. પુલકિત પણ બ્લેક-વ્હાઈટ થ્રી પીસ સૂટ પહેરેલો જોવા મળે છે અને તેનો લુક પણ એકદમ ડેશિંગ લાગે છે. સરકતી વખતે બંને મસ્તીના મૂડમાં છે.
બંને ડાન્સ કરતા પણ જોવા મળ્યા હતા. પાર્ટીમાં કપલ એક-બીજામાં ખોવાયેલા અને મસ્તીના મૂડમાં દેખાય છે.
પોતાના ડિઝાઈનર ડ્રેસમાં કૃતિએ ફોટો શેર કર્યો, જેમાં તે સ્ટનિંગ લાગી રહી છે.
View this post on Instagram
પુલકિત અને કૃતિએ 15 માર્ચના રોજ હોમટાઉન દિલ્હીમાં લગ્ન કર્યા હતા. આ પહેલા 13 માર્ચથી તેમના લગ્નના પ્રી-વેડિંગ ફંકશન્સ શરૂ થઈ ગયા હતા. ઉલ્લેખનીય છે કે પુલકિત સમ્રાટના આ બીજા લગ્ન છે. આ પહેલા તેણે સલમાન ખાનની માનેલી બહેન શ્વેતા રોહિરા સાથે લગ્ન કર્યા હતા, પરંતુ તેમના લગ્ન એક વર્ષની અંદર જ તૂટી ગયા હતા.
આ પણ વાંચોઃ કૈટરિના વિકી કૌશલને કહેતી હતી ‘ખડૂસ’, જાણો કોણ માંગે છે પહેલા માફી?
