એપ્રિલમાં 14 દિવસ માટે બેંક રહેશે બંધ, બેંક સંબધિત કોઈ મહત્ત્વનું કામ બાકી હોઇ તો જુઓ આ યાદી

અમદાવાદ, 23 માર્ચ : આવતા મહિને એટલે કે એપ્રિલમાં ઘણી બધી રજાઓ આવી રહી છે. એપ્રિલ, 2024માં વિવિધ ઝોનમાં કુલ 14 દિવસની બેંક રજા રહેશે. આજકાલ બેંકો સંબંધિત મોટા ભાગનું કામ ઓનલાઈન થાય છે. પરંતુ હજુ પણ બેંક એકાઉન્ટ ખોલવા અને લોન લેવા જેવા ઘણા કામ છે, જેના માટે બેંકની શાખામાં જવું પડે છે. જો તમે બેંકની રજાઓની યાદી જોયા વગર બેંકની શાખામાં જશો તો તમે નિરાશ થઈ શકો છો. આ ઉપરાંત તમારા મહત્ત્વપૂર્ણ કામ પણ અટકી જશે. આવી સ્થિતિમાં બેંકની રજાઓ ક્યારે છે તે અગાઉથી જાણી લો. દર અઠવાડિયે રવિવારે અને મહિનાના બીજા અને ચોથા શનિવારે બેંકમાં રજા હોય છે.

એપ્રિલ, 2024 માં આ તારીખો પર બેંકમાં રજાઓ રહેશે

1 એપ્રિલ, 2024: નાણાકીય વર્ષના અંતે બેંક ખાતા બંધ થવાને કારણે 1 એપ્રિલે બેંકમાં રજા રહેશે.

5 એપ્રિલ 2024: બાબુ જગજીવન રામના જન્મદિવસ અને જુમાત-ઉલ-વિદાના કારણે, શ્રીનગર, જમ્મુ અને તેલંગાણામાં બેંક રજા રહેશે.

7 એપ્રિલ 2024: રવિવારના કારણે બેંકો માટે સાપ્તાહિક રજા રહેશે.

9 એપ્રિલ 2024: ગુડી પડવા/ઉગાદી તહેવાર/તેલુગુ નવું વર્ષ અને પ્રથમ નવરાત્રિના કારણે, બેલાપુર, બેંગલુરુ, ચેન્નાઈ, હૈદરાબાદ, ઈમ્ફાલ, જમ્મુ, મુંબઈ, નાગપુર, પણજી અને શ્રીનગરમાં બેંક રજા રહેશે.

10 એપ્રિલ 2024: કોચી અને કેરળમાં ઈદને કારણે બેંકો બંધ રહેશે.

11 એપ્રિલ 2024: ઈદના કારણે દેશભરમાં બેંકો બંધ રહેશે.

13 એપ્રિલ 2024: બીજા શનિવારને કારણે બેંકો બંધ રહેશે.

14 એપ્રિલ 2024: રવિવારના કારણે બેંકોમાં સાપ્તાહિક રજા રહેશે.

15 એપ્રિલ 2024: હિમાચલ દિવસને કારણે ગુવાહાટી અને શિમલા ઝોનમાં બેંકો બંધ રહેશે.

17 એપ્રિલ 2024: શ્રી રામ નવમીના કારણે, અમદાવાદ, બેલાપુર, ભોપાલ, ભુવનેશ્વર, ચંદીગઢ, દેહરાદૂન, ગંગટોક, હૈદરાબાદ, જયપુર, કાનપુર, લખનૌ, પટના, રાંચી, શિમલા, મુંબઈ અને નાગપુરમાં બેંક રજા રહેશે.

20 એપ્રિલ 2024: અગરતલામાં ગરિયા પૂજાને કારણે બેંકમાં રજા રહેશે.

21 એપ્રિલ 2024: રવિવારના કારણે બેંકો માટે સાપ્તાહિક રજા રહેશે.

27 એપ્રિલ 2024: ચોથા શનિવારને કારણે બેંકમાં રજા રહેશે.

28 એપ્રિલ 2024: રવિવારના કારણે બેંકો માટે સાપ્તાહિક રજા રહેશે.

આ પણ વાંચો : મોસ્કોના ક્રોકસ સિટી હોલના આતંકવાદી હુમલામાં થયા 70 લોકોના મૃત્યુ