કૃતિ ખરબંદા-પુલકિત સમ્રાટે સંગીત પાર્ટીમાં કરી ખૂબ મસ્તી, ફોટોઝ વાયરલ
- ફુકરે 3 સ્ટાર પુલકિત સમ્રાટ અને કૃતિ ખરબંદાએ લગ્ન બાદ પોતાની સંગીત સેરેમનીની તસવીરો ફેન્સ સાથે શેર કરી છે. સંગીત પાર્ટીમાં આ કપલે ખૂબ મસ્તી કરી છે.
22 માર્ચ, શુક્રવારઃ પુલકિત સમ્રાટ અને કૃતિ ખરબંદાએ લગ્નની સુંદર તસવીરો શેર કર્યા બાદ કપલે પોતાની સંગીત સેરેમનીની તસવીરો શેર કરી છે. સોશિયલ મીડિયા પર પુલકિત-કૃતિની સંગીત સેરેમનીની તસવીરો ખૂબ વાયરલ થઈ રહી છે. આ બોલિવૂડ સ્ટાર કપલે માનેસરમાં પરિવારની હાજરીમાં ધૂમધામથી લગ્ન કર્યા હતા. ત્યારબાદ તેમના ફોટોઝ અને વીડિયોઝ ઈન્સ્ટાગ્રામ પર ખૂબ વાયરલ થઈ રહ્યા છે. ફુકરે 3 સ્ટાર પુલકિત સમ્રાટ અને કૃતિ ખરબંદાએ લગ્ન બાદ પોતાની સંગીત સેરેમનીની તસવીરો ફેન્સ સાથે શેર કરી છે. સંગીત પાર્ટીમાં આ કપલે ખૂબ મસ્તી કરી છે.
પુલકિત સમ્રાટની પત્ની કૃતિ ખરબંદાએ તેના ઈન્સ્ટાગ્રામ હેન્ડલ પર કેટલીક તસવીરો શેર કરી છે. પ્રથમ તસ્વીરમાં પુલકિત કૃતિ સાથે ડાન્સ કરી રહ્યો છે અને તેને નજીક પકડીને પ્રેમભરી આંખે જોઈ રહ્યો છે. બીજી તસવીરમાં તેઓ સાથે ડાન્સ કરતા જોઈ શકાય છે. ત્રીજી તસવીરમાં અભિનેત્રી ઢોલ પર બેસીને ડાન્સ કરતી અને મસ્તી કરતી દેખાય છે. એક સુંદર તસવીરમાં બંને એકબીજાની આંખોમાં ડૂબેલા જોઈ શકાય છે.
View this post on Instagram
પુલકિત સમ્રાટ-કૃતિ ખરબંદાનું ડાન્સ પરફોર્મન્સ
તસવીરો શેર કરતી વખતે કૃતિ ખરબંદાએ લખ્યું છે, ‘સંગીત અમારા લગ્નની સૌથી ખાસ પળ હતી. ત્યાં આખો પરિવાર તેમના બાળકો સાથે ઉજવણીમાં ડૂબી ગયો હતો. સમ્રાટ અને ખરબંદાની ટીમ પરફેક્ટ હતી.’ કૃતિ ખરબંદાએ તેની સંગીત પાર્ટીમાં સુંદર બ્લૂ કલરનો સુંદર લહેંગો પહેર્યો હતો. તેમજ અભિનેતા પુલકિત સમ્રાટે કાળા રંગનો ડિઝાઈનર સૂટ પહેર્યો હતો. અભિનેત્રીએ સ્ટેજ પર એકલા પરફોર્મન્સ દરમિયાનની તસવીરો પણ શેર કરી છે.
કૃતિ ખરબંદાની પહેલી રસોઈ
પુલકિત સમ્રાટ સાથે લગ્ન કર્યાના થોડા દિવસો બાદ જ કૃતિએ તેના ઈન્સ્ટાગ્રામ ફોલોઅર્સને તેની પહેલી રસોઈની ઝલક આપી હતી. કૃતિ ખરબંદાએ તેની પહેલી રસોઈમાં હલવો બનાવ્યો હતો. તેની પહેલી તસવીર પણ શેર કરવામાં આવી હતી. લગ્ન પછી પુલકિત સમ્રાટ-કૃતિ ખરબંદાએ ફેન્સને વેડિંગ આલ્બમ બતાવ્યો હતો, જેમાં બંને રોમેન્ટિક થતા જોવા મળી રહ્યા છે.
આ પણ વાંચોઃ બોલિવૂડની હોટ અભિનેત્રી ઉર્વશી રૌતેલા રાજકારણમાં આવશે? કયા પક્ષે આપી ટિકિટ?
