ગૂગલ ભારતમાં લાવ્યું ‘AI ડૉક્ટર’, જે માત્ર એક્સ-રે જોઈને જણાવશે બીમારી વિશે

ભારત, 21 માર્ચ : ગૂગલે તેના આર્ટિફિશિયલ ઈન્ટેલિજન્સ ટૂલના ઉપયોગની જાહેરાત કરી છે જે પ્રારંભિક તબક્કે ગંભીર રોગોને શોધી શકે છે. ગૂગલના આ ‘AI ડોક્ટર’ ભારતીય લોકોની 10 વર્ષ સુધી મફતમાં તપાસ કરશે અને તેમને ગંભીર બીમારીઓનો શિકાર થતા બચાવશે.

ગૂગલ ઈન્ડિયાએ મોટી બીમારીઓ શોધવા માટે AI એટલે કે આર્ટિફિશિયલ ઈન્ટેલિજન્સનો ઉપયોગ કરવાની જાહેરાત કરી છે. આ માટે ગૂગલે આર્ટિફિશિયલ ઈન્ટેલિજન્સ માટે એપોલો રેડિયોલોજી ઈન્ટરનેશનલ સાથે ભાગીદારી કરી છે. ગૂગલે કહ્યું કે એવો ‘એઆઈ ડોક્ટર’ તૈયાર કરવામાં આવ્યો છે, જે AI સક્ષમ ચેસ્ટ એક્સ-રે દ્વારા પ્રારંભિક તબક્કામાં ઘણા જીવલેણ રોગોને શોધી કાઢશે. જેના કારણે પ્રારંભિક તબક્કામાં દર્દીઓની સારવાર થઈ શકે છે અને તેમને બચાવી શકાય છે.

10 વર્ષ માટે પરીક્ષણ મફત 

ગૂગલે તેના બ્લોગ દ્વારા જણાવ્યું કે આ AI ટેક્નોલોજી દ્વારા સ્તન અને ફેફસાના કેન્સર જેવી ગંભીર બીમારીઓને શરૂઆતના તબક્કામાં સરળતાથી શોધી શકાય છે. ગૂગલે તેના બ્લોગમાં કહ્યું છે કે એપોલો રેડિયોલોજી ઈન્ટરનેશનલ સાથે અમારું AI મોડલ ભારતીયોની વચ્ચે લાવવામાં આવશે. તે આગામી 10 વર્ષ માટે ફ્રી સ્ક્રીનિંગ પ્રદાન કરશે. તેનો લાભ ભારતના તે દૂરના વિસ્તારોમાં પહોંચશે જ્યાં રેડિયોલોજિસ્ટની ભારે અછત છે.

ટેક કંપનીએ કહ્યું કે ભારતમાં દર વર્ષે 1 કરોડથી વધુ લોકો ટીબી જેવી બીમારીનો શિકાર બને છે. સમગ્ર વિશ્વમાં દર વર્ષે લગભગ 13 લાખ લોકો આ રોગને કારણે જીવ ગુમાવે છે. ટીબીની સારવાર કરી શકાય છે, પરંતુ સારવારમાં વિલંબ થવાને કારણે તે અન્ય લોકોમાં ફેલાય છે અને તેઓ પણ તેના માટે સંવેદનશીલ બની જાય છે.

પ્રારંભિક તબક્કામાં રોગની ઓળખ

આ ઉપરાંત, ગૂગલે કહ્યું કે ટીબી શોધવાની સામાન્ય પદ્ધતિ ચેસ્ટ એક્સ-રે છે. ભારતના ઘણા વિસ્તારોમાં, એવા કોઈ પ્રશિક્ષિત રેડિયોલોજિસ્ટ નથી કે જેઓ છાતીનો એક્સ-રે જોઈને પ્રારંભિક તબક્કામાં ટીબીને સરળતાથી શોધી શકે. આ સમસ્યા ભારતના ગ્રામીણ વિસ્તારોમાં સૌથી વધુ છે. ગૂગલ હેલ્થકેર તેની સિસ્ટમ AI ટેક્નોલોજી સાથે ઇન્સ્ટોલ કરશે અને પ્રારંભિક તબક્કામાં જ ટીબીને શોધી શકશે.

આ પણ વાંચો : શું તમે જાણો છો કે ચૂંટણી વખતે પકડાયેલો દારૂ અને પૈસા ક્યાં જાય છે?