WhatsAppનો આખો લુક બદલાયો, હવે મળશે નવી ડિઝાઈન

20 માર્ચ, 2024: WhatsApp તેની એપમાં સમયાંતરે ફેરફાર કરતું રહે છે. યુઝર્સને નવો અનુભવ આપવા માટે કંપની આ પ્લેટફોર્મમાં સતત કંઈક નવું ઉમેરે છે. આવું જ કંઈક WhatsApp એન્ડ્રોઈડ યુઝર્સ માટે થયું છે. કંપનીએ હાલના WhatsAppનો આખો લુક બદલી નાખ્યો છે.

યુઝર્સ લાંબા સમયથી આ અપડેટની રાહ જોઈ રહ્યા હતા. હાલમાં જ કંપની તેનું બીટા વર્ઝન પર ટેસ્ટિંગ કરી રહી હતી. આ અપડેટ પછી એન્ડ્રોઇડ યુઝર્સને iOS જેવી WhatsAppની ડિઝાઇન પણ જોવા મળશે.

કેવી છે નવી ડિઝાઇન?

જો તમે વોટ્સએપનું લેટેસ્ટ વર્ઝન ઇન્સ્ટોલ કર્યું છે, તો તમને નવો લુક મળશે. હવે ચેટ્સ, અપડેટ્સ, કોમ્યુનિટી અને કોલ્સ, આ બધા વિકલ્પો ઉપર દેખાશે નહીં. કંપનીએ આ સમગ્ર બારને નીચે શિફ્ટ કરી દીધો છે. તેની સ્થિતિમાં પણ ફેરફાર કરવામાં આવ્યો છે.

જ્યાં પહેલા કમ્યુનિટી શરૂઆતમાં દેખાતી હતી. ત્યારપછી ચેટ્સ, અપડેટ્સ અને કોલના ઓપ્શન આવ્યા. હવે સૌથી પહેલા ચેટ, પછી અપડેટ્સ, કોમ્યુનિટી અને કોલનો વિકલ્પ મળશે. જો કે, કંપનીએ હજુ સુધી આ અપડેટ અંગે કોઈ સત્તાવાર માહિતી આપી નથી.

આ રીતે WhatsApp અપડેટ કરી શકો છો

જો આ ફેરફાર તમારા WhatsApp પર દેખાતો નથી, તો તમારે નવીનતમ અપડેટ ઇન્સ્ટોલ કરવાની જરૂર પડશે. આ માટે તમારે ગૂગલ પ્લે સ્ટોર પર જવું પડશે. અહીં તમારે WhatsApp સર્ચ કરવાનું રહેશે. તે પછી તમને અપડેટનો વિકલ્પ મળશે. તમે તેના પર ક્લિક કરીને એપ્લિકેશનને અપડેટ કરી શકો છો.

કંપનીએ હાલમાં જ આ પ્લેટફોર્મમાં ઘણા નવા ફીચર્સ એડ કર્યા છે. તમે આના પર એક મિનિટ સુધીનો વીડિયો રેકોર્ડ કરીને મોકલી શકો છો. તમે આ ઝડપી વીડિયોને ખૂબ જ સરળતાથી શૂટ કરી શકો છો. આ સિવાય તમે વ્યૂ વન્સ મોડમાં વૉઇસ મેસેજ પણ મોકલી શકો છો. કંપનીએ અન્ય ઘણા ફીચર્સ પણ ઉમેર્યા છે.