વીર સાવરકર માટે રણદીપ હુડ્ડાનું ખતરનાક બોડી ટ્રાન્સફોર્મેશન, જુઓ ફોટા
- રણદીપ હુડ્ડાનું આ ટ્રાન્સફોર્મેશન જોઈને દરેક વ્યક્તિ શોક્ડ છે. તેણે સોશિયલ મીડિયા પર એક તસવીર શેર કરીને બૉડી ટ્રાન્સફોર્મેશનની ઝલક બતાવી છે, જે ખૂબ જ ઈમ્પ્રેસ કરી રહી છે.
19 માર્ચ, મંગળવારઃ બોલિવૂડના મોસ્ટ ટેલેન્ટેડ અભિનેતાઓમાં જેની ગણતરી થાય છે, તેમાંથી એક છે રણદીપ હુડા. રણદીપ તેના અભિનય અને ડેડિકેશનથી પાત્રમાં જીવ રેડી દે છે. તે પોતાના પાત્રમાં એટલી મહેનત કરે છે કે તેનું પરિણામ દર્શકો સુધી ખૂબ જ સારી રીતે પહોંચે છે. તેથી જ આજે તે ઇન્ડસ્ટ્રીના અનુભવી કલાકારોની યાદીમાં સામેલ છે. તેણે ફરી એકવાર એવું જ કંઈક કર્યું છે જેને જોઈને લોકો તેની ખૂબ જ પ્રશંસા કરી રહ્યા છે.
ફિલ્મના પાત્ર માટે કરી છે સખત મહેનત
અભિનેતા હાલમાં તેની આગામી ફિલ્મ ‘સ્વાતંત્ર્ય વીર સાવરકર’ માટે ચર્ચામાં છે. આ ફિલ્મમાં તે ક્રાંતિકારી અને સ્વાતંત્ર્ય સેનાની વિનાયક દામોદર (વીર) સાવરકરની ભૂમિકામાં જોવા મળશે. રણદીપ હુડ્ડાએ ફિલ્મમાં અભિનયની સાથે સાથે તેનું દિગ્દર્શન પણ કર્યું છે. મોસ્ટ અવેઈટેડ ફિલ્મ માટે, અભિનેતાએ જે મહેનત કરી છે તેની એક ઝલક તેણે ચાહકોને બતાવી છે. તેણે આ રોલ માટે પોતાનો પરસેવો પાડી દીધો છે. રણદીપ હુડ્ડાનું આ ટ્રાન્સફોર્મેશન જોઈને દરેક વ્યક્તિ શોક્ડ છે. તેણે સોશિયલ મીડિયા પર એક તસવીર શેર કરીને બૉડી ટ્રાન્સફોર્મેશનની ઝલક બતાવી છે, જે ખૂબ જ ઈમ્પ્રેસ કરી રહી છે.
View this post on Instagram
બૉડી ટ્રાન્સફોર્મેશન જોઈને ફેન્સ રહ્યા હક્કાબક્કા!
હાલમાં જ રણદીપ હુડ્ડાએ તેના ઈન્સ્ટાગ્રામ હેન્ડલ પર એક લેટેસ્ટ તસવીર શેર કરી છે, જેમાં તેનો લુક લોકોને આશ્ચર્યમાં મૂકી રહ્યો છે. આ તસવીરમાં તમે રણદીપ હુડ્ડાનું જબરદસ્ત ટ્રાન્સફોર્મેશન જોઈ શકો છો. ફિલ્મ ‘વીર સાવરકર’માં પોતાના રોલ માટે તેણે કેટલાય કિલો વજન ઘટાડ્યું છે. આ ફોટામાં રણદીપને ઓળખવો મુશ્કેલ બની રહ્યો છે. તસવીરમાં તેનું પેટ સાવ અંદર ઉતરી ગયેલું જોવા મળે છે, તેના માથા પરના વાળ ઉડતા જોવા મળે છે અને તેનું શરીર ખૂબ જ પાતળું અને નબળું દેખાય છે. આ તસવીર સાથે અભિનેતાએ કેપ્શનમાં લખ્યું છે ‘કાલા પાની’.
આ પણ વાંચોઃ ઘરેથી કામ કરતા કર્મચારીઓને નહીં મળે પ્રમોશન, પરંતુ આવું કેમ?
