ભારતે ફરી વધુ એક વાર ઈતિહાસ રચી દીધો છે. વધુ એક સિદ્ધિ ભારતે પોતાના નામ કરી છે. વેકસીનેશનનાં ડોઝની કુલ સંખ્યા બે અબજ સુધી પહોંચી ગઈ છે. આ સાથે ભારત બે અબજથી વધુ ડોઝ આપનારોવિશ્વનો બીજો દેશ બની ગયો છે. ચીન પછી ભારત વિશ્વનો એકમાત્ર એવો દેશ છે જ્યાં કોરોનાના 200 કરોડથી વધુ ડોઝ આપવામાં આવ્યા છે. ચીનમાં હવે 3.4 અબજથી વધુ ડોઝ આપવામાં આવ્યા છે.
India creates history again! Congrats to all Indians on crossing the special figure of 200 crore vaccine doses. Proud of those who contributed to making India’s vaccination drive unparalleled in scale and speed. This has strengthened the global fight against COVID-19. https://t.co/K5wc1U6oVM
— Narendra Modi (@narendramodi) July 17, 2022
ભારતે વધુ એક સિદ્ધિ હાંસિલ કરી
પ્રધાનમંત્રી નરેન્દ્ર મોદીએ પણ આ અવસરે અભિનંદન પાઠવતા લખ્યું હતું કે, ”ભારતે ફરી ઇતિહાસ રચ્યો! 200 કરોડ રસીના ડોઝનો વિશેષ આંકડો પાર કરવા બદલ તમામ ભારતીયોને અભિનંદન. ભારતની રસીકરણ અભિયાનને સ્કેલ અને સપીડમાં અપ્રતિમ બનાવવામાં ફાળો આપનારાઓ પર ગર્વ છે. આનાથી કોવિડ-19 સામેની વૈશ્વિક લડાઈ મજબૂત બની છે. તો બીજી તરફ કેન્દ્રીય સ્વાસ્થ્ય મંત્રી મનસુખ માંડવિયાએ ટ્વિટ કરીને કહ્યું કે,17 જુલાઈ, 2022.. આ દિવસ હંમેશા યાદ રહેશે. તેમણે કહ્યું હતું કે , અમારા માટે ગર્વની વાત છે કે ભારતે અત્યાર સુધીમાં લોકોને 2 અબજ કોરોના ડોઝ આપ્યા છે. આ સિદ્ધિ બદલ હું આરોગ્ય કર્મચારીઓ અને નાગરિકોને અભિનંદન આપું છું.
