સંદેશખલીમાં શાહજહાં શેખના ઠેકાણાઓ પર EDની મોટી કાર્યવાહી, ચાર જગ્યાએ પાડયા દરોડા

• મોટી સંખ્યામાં સેન્ટ્રલ ફોર્સના જવાનોને સાથે રાખીને EDના અધિકારીઓએ નાખ્યા ધામા

સંદેશખલી, 14 માર્ચ: શાહજહાં શેખના ઠેકાણાઓ પર ફરી એકવાર EDએ દસ્તક આપી છે. પશ્ચિમ બંગાળના સંદેશખલીમાં તૃણમૂલ કોંગ્રેસ (TMC)ના પૂર્વ નેતા શાહજહાં શેખના ઠેકાણાઓ પર એન્ફોર્સમેન્ટ ડિરેક્ટોરેટ (ED)એ વહેલી સવારથી દરોડા પાડવાનું શરૂ કર્યું છે. EDની ટીમ સાથે કેન્દ્રીય સુરક્ષા દળના જવાનોએ ચાર જગ્યાએ ધામા નાખ્યા છે. સંદેશખલીમાં શાહજહાંના ઈંટના ભઠ્ઠા તેમજ ધમખલીમાં તેના ઠેકાણા પર આ દરોડા પાડવામાં આવી રહ્યા છે. EDના અધિકારીઓ મોટી સંખ્યામાં સેન્ટ્રલ ફોર્સના જવાનોને પોતાની સાથે લાવ્યા છે. મહિલા સેન્ટ્રલ ફોર્સની એક ટીમ પણ ED અધિકારીઓ સાથે આવી છે. દરોડા માટે ટીમો સવારે 6.30 વાગ્યે સંદેશખાલી પહોંચી ગઈ હતી.

VIDEO | ED raids at multiple locations in Sandeshkhali, West Bengal. More details are awaited.

(Full video available on PTI Videos – https://t.co/n147TvrpG7) pic.twitter.com/gc4ZsiUanM

— Press Trust of India (@PTI_News) March 14, 2024

ઉલ્લેખનીય છે કે, 5 જાન્યુઆરીના રોજ લગભગ 200 સ્થાનિક લોકોએ પશ્ચિમ બંગાળ રાશન કૌભાંડ કેસમાં અકુંજીપારા સ્થિત શાહજહાં શેખના ઘરે દરોડો પાડવા આવેલા ED અધિકારીઓ પર હુમલો કર્યો હતો. આ અથડામણમાં ઘણા અધિકારીઓ ઘાયલ થયા હતા.

#WATCH | Arrested expelled TMC leader Sheikh Shahjahan taken by CBI, in Kolkata pic.twitter.com/E25oymVmxa

— ANI (@ANI) March 14, 2024

ED પર હુમલા બાદ શાહજહાં ફરાર થઈ ગયો હતો

ઉલ્લેખનીય છે કે, EDએ દાવો કર્યો છે કે પશ્ચિમ બંગાળના રાશન વિતરણ કૌભાંડમાં લગભગ 10 હજાર કરોડ રૂપિયાનો ભ્રષ્ટાચાર થયો છે. આ કેસમાં EDએ પહેલા બંગાળના પૂર્વ મંત્રી જ્યોતિપ્રિયા મલિકની ધરપકડ કરી હતી. બાદમાં TMC નેતા શાહજહાં શેખ અને બોનગાંવ નગરપાલિકાના પૂર્વ અધ્યક્ષ શંકર આદ્યની સંડોવણી પણ સામે આવી હતી. આ સંબંધમાં 5 જાન્યુઆરીએ જ્યારે EDની ટીમ શાહજહાં શેખના ઘરે દરોડા પાડવા પહોંચી ત્યારે ત્યાં કેટલાક લોકોએ ED અધિકારીઓ પર હુમલો કર્યો હતો. હુમલા બાદ શાહજહાં શેખ ફરાર થઈ ગયો હતો અને બાદમાં તેની ધરપકડ કરવામાં આવી હતી. હાલ તેઓ CBIની કસ્ટડીમાં છે.

શાહજહાં શેખ જ્યોતિપ્રિયા મલિકની નજીક

હકીકતમાં, 5 જાન્યુઆરીના હુમલા પછી, EDની ટીમે TMCના પૂર્વ બાણગાંવ નગરપાલિકા પ્રમુખ શંકર આદ્યની ધરપકડ કરી હતી. આદ્યા અને શાહજહાં પૂર્વ ખાદ્ય મંત્રી જ્યોતિપ્રિયા મલિકના નજીકના માનવામાં આવે છે. આદ્યાને રાશન કૌભાંડમાં પણ આરોપી બનાવવામાં આવ્યા છે. અગાઉ, કેન્દ્રીય એજન્સીએ આદ્યા અને તેના પરિવારના સભ્યોની સંપત્તિની તપાસ કરી હતી. બોનગાંવના સિમલ્ટોલા સ્થિત તેમના નિવાસસ્થાનેથી તેની ધરપકડ કરવામાં આવી હતી.

રાશન કૌભાંડ શું છે?

EDએ ખુલાસો કર્યો હતો કે, પશ્ચિમ બંગાળમાં જાહેર વિતરણ પ્રણાલી હેઠળ વિતરણ કરવામાં આવતા લગભગ 30 ટકા રાશનનું વેચાણ થયું હતું. ED અનુસાર, રાશન વેચીને મળેલા પૈસા મિલ માલિકો અને PDS વિતરકો વચ્ચે વહેંચવામાં આવ્યા હતા. આરોપ છે કે આ આખો ખેલ કેટલીક સહકારી મંડળીઓની મિલીભગતથી થયો છે. આ માટે રાઇસ મિલોના માલિકોએ ખેડૂતોના નકલી ખાતા ખોલાવ્યા હતા અને તેઓએ તેમના અનાજના બદલામાં તેમને આપવામાં આવેલા નિશ્ચિત MSP (લઘુત્તમ ટેકાના ભાવ) નાણા ખિસ્સામાં નાખ્યા હતા. જ્યારે સરકારી એજન્સીઓ ખેડૂતો પાસેથી સીધું અનાજ ખરીદવા જતી હતી.

આ પણ જુઓ: ‘હવે મારે કોઈ ભાઈ નથી…..’: મમતા બેનર્જીએ પોતાના સગા ભાઈ સાથે તોડ્યા સંબંધો