IPL પહેલા MS ધોનીના લુકે સોશિયલ મીડિયામાં મચાવી ધૂમ, થાલાને જોઈ ફેન્સ પાગલ
- ધોનીની એક ઝલક જોઈને ચાહકો ઉમટી પડ્યા, CSKએ વીડિયો કર્યો શેર
- માહીએ CSK ટીમ માટે પોતાની કેપ્ટનશિપ હેઠળ પાંચ વખત IPL ટાઇટલ જીત્યું
નવી દિલ્હી, 12 માર્ચ: ભારતીય ટીમના પૂર્વ કેપ્ટન મહેન્દ્રસિંહ ધોની મેદાનની અંદર અને બહાર ઘણી ચર્ચા બનાવે છે. તેના ચાહકોની કોઈ કમી નથી. MS ધોની ઘણીવાર ચાહકોનું દિલ જીતતો જોવા મળે છે. ત્યારે આ દિવસોમાં માહીનો નવો લુક પણ ખૂબ ચર્ચાનો વિષય બન્યો છે. તાજેતરમાં, CSK ફ્રેન્ચાઇઝી દ્વારા શેર કરવામાં આવેલા વિડિયોમાં માહી IPL 2024 પહેલા પ્રેક્ટિસ સેશન માટે જતો જોવા મળે છે. આ દરમિયાન ધોનીની એક ઝલક જોઈને ચાહકોની ખુશીની કોઈ સીમા ન રહી.
Bandanas just got a lot cooler! 🔥🦁#WhistlePodu 🦁💛 pic.twitter.com/b4SqdPBX0o
— Chennai Super Kings (@ChennaiIPL) March 11, 2024
હવે IPL શરૂ થવામાં માત્ર 10 દિવસ બાકી છે. IPLએ 22 માર્ચથી શરૂ થવાનું છે, જે પહેલા ટીમના તમામ ખેલાડીઓ નેટમાં પ્રેક્ટિસ કરી રહ્યા છે. હાલમાં જ CSK ટીમના કેપ્ટન મહેન્દ્રસિંહ ધોનીનો એક વીડિયો સોશિયલ મીડિયા પર વાયરલ થઈ રહ્યો છે જેમાં માહીની એક ઝલક જોઈને ચાહકો પાગલ થઈ ગયા હતા.
ચાહકો IPL પહેલા MS ધોનીની એક ઝલક મેળવવા બન્યા ઉત્સુક
હકીકતમાં, CSKએ એક ટ્વિટર પર એક વીડિયો શેર કર્યો છે, જેમાં ફેન્સ MS ધોની વિશે તેમના વિચારો શેર કરી રહ્યા છે. એક પ્રશંસકે કહ્યું કે, “અમે અહીં ધોનીની રાહ જોઈ રહ્યા છીએ. હું માત્ર તેમને તેમના ગ્લોવ્ઝ એડજસ્ટ કરતા જોવા અને તેમને ચીયર(Cheer) કરવા માંગુ છું. આખી દુનિયા ભલે ધોનીને ચીયર કરે, પરંતુ ચેન્નાઈના લોકો માટે તે અમારા થાલા છે.” આ સિવાય અન્ય એક યુઝરે કહ્યું કે, “ધોનીને જોવાનો અર્થ છે કે આપણે ભગવાનને જોઈ રહ્યા છીએ.”
eMotionS that mean everything! 🦁💛#WhistlePodu #EndrendrumYellove pic.twitter.com/GyzSO70fOe
— Chennai Super Kings (@ChennaiIPL) March 11, 2024
આ વીડિયોમાં, કેપ્ટન કૂલ પ્રેક્ટિસ સેશન માટે જતા સમયે ચાહકોને જોઈને હાથ લહેરાવતો જોવા મળ્યા હતા. IPL 2024 પહેલા માહી તેના ઓરિજિનલ અવતારમાં જોવા મળી રહ્યો છે. તેની એક તસવીર વાયરલ થઈ રહી છે, જેમાં તે લાલ હેર બેન્ડ પહેરેલો જોવા મળે છે. ધોની IPL 2024માં લાંબા વાળ સાથે રમશે.
ચેન્નાઈ સુપર કિંગ્સ પાંચ વખતની IPL ચેમ્પીયન
IPL 2023માં, ચેન્નાઈ સુપર કિંગ્સ (CSK)એ ડકવર્થ-લુઈસ નિયમ દ્વારા ફાઇનલમાં ગુજરાત ટાઇટન્સ (GT)ને 5 વિકેટે હરાવ્યું અને પાંચમી વખત IPL ટાઇટલ જીત્યું હતું. આવી સ્થિતિમાં આ વખતે પણ ધોની પોતાની કેપ્ટનશીપમાં CSKને ટાઈટલ જીતાડવાના ઈરાદા સાથે મેદાનમાં ઉતરશે. IPL 2024 ની પ્રથમ મેચ CSK અને RCB (CSK vs RCB) વચ્ચે એમ ચિદમ્બરમ સ્ટેડિયમ ખાતે યોજાશે.
આ પણ જુઓ: મોહમ્મદ શમી IPL 2024 અને T20 વર્લ્ડ કપમાંથી બહાર, ટીમ ઈન્ડિયાને મોટો ફટકો
