બોરવેલમાં પડેલો યુવક જીવનની લડાઈ હારી ગયો, રાજ્યના તમામ બંધ બોરવેલને 48 કલાકની અંદર સીલ કરવાના આદેશ
નવી દિલ્હી, 10 માર્ચ: દિલ્હીના કેશોપુરમાં બોરવેલમાં પડી ગયેલા એક વ્યક્તિનું અવસાન થયું છે. મળતી માહિતી મુજબ 14 કલાકથી વધુ ચાલેલા રેસ્ક્યુ ઓપરેશન બાદ તેને બોરવેલમાંથી બહાર કાઢવામાં આવ્યો હતો. આ પછી તેને ડીડીયુ હોસ્પિટલમાં લઈ જવામાં આવ્યો, જ્યાં તેને મૃત જાહેર કરવામાં આવ્યો. બોરવેલ એક બંધ રૂમમાં હતો. પ્રાથમિક દ્રષ્ટિએ એવું લાગી રહ્યું છે કે બળજબરીથી તાળા તોડી અંદર પ્રવેશવાનો પ્રયાસ કરવામાં આવ્યો હતો.
મૃતકની ઉંમર 30 વર્ષની આસપાસ હતી
બોરવેલમાં પડી ગયેલા વ્યક્તિના મૃત્યુ અંગે માહિતી આપતાં દિલ્હી સરકારના મંત્રી આતિશીએ કહ્યું કે હું ખૂબ જ દુઃખની સાથે સમાચાર શેર કરું છું કે બોરવેલમાં પડેલા વ્યક્તિનું રેસ્ક્યુ ટીમ દ્વારા મૃત હાલતમાં મળી આવ્યું છે. ભગવાન તેમને તેમના ચરણોમાં સ્થાન આપે. પ્રાથમિક માહિતી મુજબ મૃતક આશરે 30 વર્ષનો પુરૂષ હતો. તે બોરવેલ રૂમમાં કેવી રીતે પ્રવેશ્યા, બોરવેલની અંદર કેવી રીતે પડ્યા – પોલીસ દ્વારા આની તપાસ કરવામાં આવશે.
बहुत दुख के साथ यह ख़बर साझा कर रही हूँ कि जो पुरुष बोरवेल में गिरे थे, उन्हें रेस्क्यू टीम ने मृत पाया है। ईश्वर अपने श्री चरणों में उन्हें स्थान दे।
प्रथम सूचना के मुताबिक़ मृत व्यक्ति 30 साल के आस पास की उम्र के पुरुष थे। वे बोरेवेल के कमरे में कैसे घुसे, बोरेवेल के अंदर कैसे… https://t.co/ZC9smgPD9l
— Atishi (@AtishiAAP) March 10, 2024
આ ઘટના બાદ દિલ્હી સરકારના જળ મંત્રી ઘટના સ્થળે પહોંચ્યા હતા. તેમણે કહ્યું કે ઘટનાની તપાસ પોલીસને સોંપવામાં આવી છે. આ સાથે દિલ્હી જળ બોર્ડ પણ આની તપાસ કરશે. તેમણે કહ્યું કે દિલ્હીમાં તમામ બંધ ખાનગી અને સરકારી બોરવેલને 48 કલાકની અંદર વેલ્ડીંગ દ્વારા સીલ કરવામાં આવશે.
