PM મોદીએ પરિવારવાદને લઈ વિરોધીઓ પર કર્યા વાર, ‘તેમના માટે પરિવાર પ્રથમ અને મોદી માટે દેશ પ્રથમ છે’

તેલંગાણા, 05 માર્ચ 2024: વડાપ્રધાન નરેન્દ્ર મોદી તેલંગાણાના પ્રવાસે છે જ્યાં તેમણે શ્રી ઉજ્જૈની મહાકાલી મંદિરમાં પૂજા અર્ચના કરી હતી. આ પછી પીએમએ સંગારેડીમાં રૂ. 7200 કરોડના પ્રોજેક્ટને લીલી ઝંડી બતાવી. અહીં એક સભાને સંબોધિત કરતી વખતે વડાપ્રધાને ભત્રીજાવાદના મુદ્દે વિપક્ષી પાર્ટીઓ પર જોરદાર નિશાન સાધ્યું હતું. પીએમ મોદીએ કહ્યું, “તેમના માટે પરિવાર પ્રથમ છે અને મોદી માટે દેશ પ્રથમ છે.”

#WATCH | At a public gathering in Sangareddy, Telangana, PM Modi says "…They say that they have ideological differences with me. They believe in 'Family First', and I believe in 'Nation First'. For them, their family is everything; for me, my country is everything. They… pic.twitter.com/zlV8bS6ITr

— ANI (@ANI) March 5, 2024

વિરોધ પક્ષ મને જવાબ આપતો નથી

વિપક્ષ પર નિશાન સાધતા પીએમ મોદીએ કહ્યું કે જ્યારે હું કહું છું કે ભત્રીજાવાદ લોકશાહી માટે ખતરો છે, જ્યારે હું કહું છું કે ભત્રીજાવાદ યુવાનો પાસેથી તકો છીનવી લે છે ત્યારે તેઓ જવાબ આપતા નથી. તેમણે સભામાં હાજર લોકોને પૂછ્યું કે, શું આ વિચારધારાની લડાઈ છે? મોદીએ વધુમાં કહ્યું કે વિરોધીઓ માટે પરિવાર પ્રથમ છે અને મોદી માટે દેશ પ્રથમ છે.

‘મોદી માટે દેશ પરિવાર છે’

પીએમ મોદીએ કહ્યું કે વિરોધીઓ માટે પરિવાર પહેલા આવે છે પરંતુ મારા માટે દેશ પરિવાર છે. તેમણે વધુમાં કહ્યું કે, “હું દેશની રાજનીતિમાં યુવાનોને આગળ લાવવા માંગુ છું. પરિવારવાદે દેશને લૂંટ્યો છે, પરિવારના સભ્યોએ મોંઘી ભેટો દ્વારા કાળા નાણાને સફેદમાં ફેરવી દીધું છે. પરંતુ મને મળેલી ભેટની હરાજી કરીને સરકારી તિજોરીમાં અથવા માતા ગંગાની સેવામાં ઉપયોગ કરવામાં આવ્યો હતો.”