અનંત અંબાણીની પ્રી-વેડિંગ સેરેમનીમાં MS ધોની, સાક્ષી અને બ્રાવોએ રમ્યા દાંડિયા રાસ, વીડિયો થયો વાયરલ
જામનગર, 3 માર્ચ: દેશના સૌથી ધનિક વ્યક્તિ મુકેશ અંબાણીના પુત્ર અનંત અંબાણીની પ્રી-વેડિંગ વિધિ જામનગરમાં ચાલુ છે. અનંત અંબાણી અને રાધિકા મર્ચન્ટના લગ્ન પહેલાની વિધિઓને દેશ અને દુનિયાની હજારો હસ્તીઓ જોઈ રહી છે. ફિલ્મ સ્ટાર્સ, ક્રિકેટરો, ઉદ્યોગપતિઓ અને ઘણા મોટા લોકો જામનગરના મહેમાન બન્યા છે. ભારતીય ટીમના પૂર્વ કેપ્ટન એમએસ ધોનીએ પણ આ ઈવેન્ટમાં હાજરી આપી હતી. તેમનો ભૂતપૂર્વ CSK ટીમ સાથી બ્રાવો પણ જામનગર પહોંચ્યો હતો. આ બંને ક્રિકેટરો એકસાથે દાંડિયા રાસ રમતા જોવા મળ્યા હતા, જેનો વીડિયો વાયરલ થઈ રહ્યો છે.
અહીં જૂઓ વાયરલ વીડિયો:
View this post on Instagram
2 માર્ચે એમએસ ધોની તેની પત્ની સાક્ષી અને સાઉથના સુપરસ્ટાર રામચરણ સાથે જોવા મળ્યા હતા. બાદમાં તે બ્રાવો સાથે દાંડિયા રમતા પણ જોવા મળ્યા હતા. CSKની ફેન સેનાએ તેનો વીડિયો શેર કર્યો છે. કેપ્શનમાં વિસાલાપોડુ આર્મીએ લખ્યું, “થાલા ધોની, સાક્ષી અને ડીજે બ્રાવો અનંત-રાધિકાના લગ્ન પહેલાના તહેવારોમાં દાંડિયા રમતા જોવા મળ્યા” બ્રાવોએ મુંબઈ ઈન્ડિયન્સ માટે કેટલીક સીઝન રમી છે અને જે કોઈ મુંબઈ ઈન્ડિયન્સ ટીમ માટે રમે છે તે હંમેશ માટે એમઆઈ પરિવારમાં જોડાય છે. આ જ કારણ છે કે તેમને પણ આ આમંત્રણ મળ્યું છે.
સનેડાના ગીત પર ઝૂમી ઉઠ્યા મહેમાનો, જૂઓ વીડિયો:
View this post on Instagram
માત્ર ધોની જ નહીં પરંતુ સચિન તેંડુલકર, રોહિત શર્મા, ઝહીર ખાન, કિરોન પોલાર્ડ, હાર્દિક પંડ્યા, બ્રાવો, ટિમ ડેવિડ, ટ્રેન્ટ બોલ્ટ, નિકોલસ પૂરન સહિત દેશ અને દુનિયાના ડઝનબંધ ક્રિકેટરોએ અનંતના લગ્ન પહેલાના સમારોહમાં ભાગ લીધો હતો. આ કાર્યક્રમ આજે એટલે કે 3 માર્ચે પણ ચાલુ રહેશે. એક યા બીજા સમયે મુંબઈ ઈન્ડિયન્સ તરફથી રમતા મોટાભાગના ક્રિકેટરોને આ ઈવેન્ટ માટે આમંત્રણ મળ્યું હતું. જો કે ઘણા ક્રિકેટરો વિવિધ સંજોગોને કારણે હાજરી આપી શક્યા ન હતા, પરંતુ મોટાભાગના ખેલાડીઓએ આ કાર્યક્રમમાં હાજરી આપી હતી.
આ પણ વાંચો: અનંત અંબાણીના પ્રી-વેડિંગમાં પ્રેગ્નન્ટ દીપિકાએ પતિ સાથે કર્યો ડાન્સ, લોકોએ લીધો ક્લાસ
