પંકજ ઉધાસને રાજકીય સન્માન સાથે વિદાય, શ્રદ્ધાંજલિ આપવા પહોંચ્યા સેલિબ્રિટીઝ
- પંકજ ઉધાસને અંતિમ વિદાય આપવા વિદ્યા બાલન, સુનીલ ગવાસ્કર, સોનુ નિગમ, શંકર મહાદેવન સહિત અનેક સેલિબ્રિટીઝ પહોંચ્યા છે.
મુંબઈ, 27 ફેબ્રુઆરીઃ લોકપ્રિય ગઝલ ગાયક પંકજ ઉધાસના અંતિમ સંસ્કાર આજે સંપૂર્ણ રાજકીય સન્માન સાથે કરવામાં આવ્યા. આજે તેઓ પંચતત્વમાં વિલીન થઈ ગયા છે. પંકજ ઉધાસને અંતિમ વિદાય આપવા વિદ્યા બાલન, સુનીલ ગવાસ્કર, સોનુ નિગમ, શંકર મહાદેવન સહિત અનેક સેલિબ્રિટીઝ પહોંચ્યા છે.
ગઝલ સમ્રાટ પંકજ ઉઘાસે 26 જાન્યુઆરીના રોજ 11 વાગ્યે મુંબઈની બ્રીચ કેન્ડી હોસ્પિટલમાં અંતિમ શ્વાસ લીધા હતા. તેઓ થોડા સમયથી હોસ્પિટલમાં એડમિટ હતા. થોડા દિવસો પહેલા તેમને કેન્સર ડિટેક્ટ થયું હતું અને તેઓ છેલ્લા થોડા સમયથી કોઈને મળી રહ્યા ન હતા.
Pankaj Saab's Funeral ♥️#pankajudhas pic.twitter.com/bykMAkTYTZ
— Viral Bhayani (@viralbhayani77) February 27, 2024
ગઝલ ગાયકના અંતિમ સંસ્કાર વરલીના હિંદુ સ્મશાન ઘાટ પર કરવામાં આવ્યા. પંકજ ઉધાસના પાર્થિવ શરીરને અંતિમ સલામી આપવામાં આવી, તેમને ગાર્ડ ઓફ ઓનર અપાયું. તેમને અંતિમ વિદાય આપવા પહોંચેલા સેલિબ્રિટીઝમાં વિશાલ ભારદ્વાજ, રેખા ભારદ્વાજ, સલીમ સુલેમાન ફેમ સુલેમાન હરિહણ પણ સામેલ હતા. પંકજ ઉધાસના નિધનથી બોલિવુડમાં શોકનો માહોલ છે.
View this post on Instagram
અંતિમ યાત્રામાં દિકરીઓ માતાને સંભાળતી જોવા મળી
પંકજ ઉધાસની અંતિમ યાત્રામાં પરિવારના લોકો એકબીજાને સંભાળતા જોવા મળ્યા. પંકજ ઉધાસની દિકરીઓ માતાનો હાથ પકડીને તેમની હિંમત વધારતી જોવા મળી. દરેક વ્યક્તિ આંખોમાં આંસુ સાથે એકબીજાને હિંમત આપતી જોવા મળી.
આ પણ વાંચોઃ પંકજ ઉધાસના નિધન પર રાજનેતા અને બોલિવૂડ સેલેબ્સે પાઠવી ભાવભીની શ્રદ્ધાંજલિ
