જજો માટે આ રીતે તો જીવવું મુશ્કેલ થઈ જશે: CJI ચંદ્રચુડે ચિંતા વ્યક્ત કરી, કેન્દ્ર કરે મદદ

• SCએ કેન્દ્ર સરકારના એટર્ની જનરલને આ મામલામાં ‘ન્યાયીક ઉકેલ’ લાવવામાં મદદ કરવા કહ્યું

નવી દિલ્હી, 27 ફેબ્રુઆરી: નિવૃત્ત જિલ્લા ન્યાયાધીશોને મળેલી પેન્શનની રકમે પણ સુપ્રીમ કોર્ટને ચિંતામાં મૂકી છે. સુપ્રીમ કોર્ટે એટર્ની જનરલ આર. વેંકટરામાણીને આ મામલામાં ‘ન્યાયીક ઉકેલ’ લાવવામાં મદદ કરવા કહ્યું છે. સુપ્રીમ કોર્ટના ચીફ જસ્ટિસ ડી.વાય. ચંદ્રચુડે એમ પણ કહ્યું હતું કે, “હાઈકોર્ટના કેટલાક ન્યાયાધીશોએ પગાર ન ચૂકવવાને લઈને સુપ્રીમ કોર્ટનો સંપર્ક કર્યો છે કારણ કે તેમને જિલ્લા ન્યાયતંત્રમાંથી પ્રમોશન પછી નવા GPF ખાતાની ફાળવણી કરવામાં આવી નથી.

CJI DY Chandrachud flags the issue of retired District judicial officers being paid a meagre pension of Rs 19,000 to Rs 20,000

CJI: It is a very serious issue Attorney General. Retired District judges being paid 19 to 20k after such long service is not proper. Imagine it is not… pic.twitter.com/yPbL2dzqRL

— Bar & Bench (@barandbench) February 26, 2024

ઓલ ઈન્ડિયા જજ એસોસિએશનની અરજી પર સુનાવણી કરતી વખતે CJI ચંદ્રચુડે પૂછ્યું હતું કે, ‘રિટાર્ડેડ ડિસ્ટ્રિક્ટ જજને 19,000-20,000 રૂપિયાનું પેન્શન મળે છે. આના થકી તેઓ લાંબી સેવા કર્યા પછી તેમના જીવનનું સંચાલન કેવી રીતે જીવી શકશે?’

નિવૃત્ત ન્યાયાધીશો 61-62 વર્ષની ઉંમરે પ્રેક્ટિસ કરી શકતા નથી: CJI

જસ્ટિસ ચંદ્રચુડે વધુમાં એમ પણ કહ્યું કે, ‘આ એવી ઓફિસ છે,જ્યાં તમે સંપૂર્ણપણે અસમર્થ બની જાઓ છો. તમે અચાનક પ્રેક્ટિસ કરવા આવી શકતાં નથી અને 61-62 વર્ષની ઉંમરે હાઈકોર્ટમાં પણ જઈ શકતા નથી. અમે આ મામલાનો યોગ્ય ઉકેલ ઈચ્છીએ છીએ. તમે જાણો છો કે જિલ્લા ન્યાયાધીશ ખરેખર પીડાઈ રહ્યા છે.

કેન્દ્ર સરકારનું પ્રતિનિધિત્વ કરતા એટર્ની જનરલે શું કહ્યું?

આ કેસમાં કેન્દ્ર સરકારનું પ્રતિનિધિત્વ કરતા એટર્ની જનરલે કહ્યું કે, તેઓ આ મુદ્દાને જોશે. અગાઉ, કોર્ટે બીજા રાષ્ટ્રીય ન્યાયિક પગાર પંચની ભલામણોના આધારે ન્યાયાધીશોના પગાર અને સેવાની શરતો અંગે નિર્દેશ જારી કર્યા હતા. આમાં રાજ્યોને બાકી લેણાં ચૂકવી દેવા માટે કહેવામાં આવ્યું હતું અને યોગ્ય અમલીકરણ સુનિશ્ચિત કરવા માટે ઉચ્ચ અદાલતોને સમિતિઓ બનાવવા માટે કહેવામાં આવ્યું હતું.

સર્વોચ્ચ અદાલતે અગાઉ કહ્યું હતું કે, ન્યાયિક સ્વતંત્રતા જે કાયદાના શાસનમાં નાગરિકોનો વિશ્વાસ જાળવવા માટે જરૂરી છે, તે ફક્ત ત્યાં સુધી જ સુનિશ્ચિત કરી શકાય છે જ્યાં સુધી ન્યાયાધીશો નાણાકીય ગૌરવની ભાવના સાથે જીવી શકે.

આ પણ જુઓ: સંદેશખલી કેસમાં હાઈકોર્ટે મમતા સરકારને ફટકાર લગાવી, શાહજહાંની ધરપકડનો આપ્યો આદેશ