ગુજરાતમાં ડોર ટુ ડોર છાણા એકત્રિત કરાશે, હવે છાણમાંથી પશુપાલકો કમાણી કરી શકશે
- આ યોજનામાં પ્રત્યેક કિલોગ્રામ છાણનો એક રૂપિયો ચૂકવવામાં આવશે
- ગોબરથી ડેરીઓ દ્વારા વીજળી પણ પેદા કરવામાં આવશે
- છાણ ખરીદી તેમાંથી જૈવિક ખાતરનું તથા બાયોગેસનું ઉત્પાદન કરવાનું શરૂ કરાશે
ગુજરાતમાં ડોર ટુ ડોર છાણા એકત્રિત કરાશે તથા હવે છાણમાંથી પશુપાલકો કમાણી કરી શકશે. તેમજ રાજ્યમાં ટૂંક સમયમાં બધી ડેરીઓ દ્વારા એક રૂપિયે કિલો છાણ ખરીદાશે. જેમાં વિધાનસભામાં મંત્રી જગદીશ પંચાલે જાહેરાત કરી છે. જેમાં ગોબરથી ડેરીઓ દ્વારા વીજળી પણ પેદા કરવામાં આવશે.
આ પણ વાંચો: કેન્દ્રીય ગૃહમંત્રી અમિત શાહ ગુજરાતની મુલાકાતે, લોકસભા વિસ્તારમાં વિકાસકાર્યોની આપશે ભેટ
આ યોજનામાં પ્રત્યેક કિલોગ્રામ છાણનો એક રૂપિયો ચૂકવવામાં આવશે
રાજ્યકક્ષાના મંત્રી જગદીશ પંચાલે સહકાર વિભાગ તથા માર્ગ-મકાન વિભાગની ચર્ચા વખતે નવી જાહેરાત કરી હતી કે, રાજ્યમાં તમામ ડેરી સંસ્થાઓ-દૂધ ઉત્પાદક સંઘો દ્વારા આવતા સમયમાં પશુપાલકો પાસેથી છાણ ખરીદી તેમાંથી જૈવિક ખાતરનું તથા બાયોગેસનું ઉત્પાદન કરવાનું શરૂ કરશે, સંઘો-ડેરીઓ દ્વારા ખેડૂતો-પશુપાલકોના ઘરે જઈ ડોર-ટુ-ડોર છાણનું એકત્રીકરણ કરવામાં આવશે અને આ યોજનામાં પ્રત્યેક કિલોગ્રામ છાણનો એક રૂપિયો ચૂકવવામાં આવશે. આમ ખેડૂતો-પશુપાલકોને દૂધનાં તો રૂપિયા મળશે. પરંતુ છાણમાંથી પણ કમાણી થશે. આ ગોબરથી ડેરીઓ દ્વારા વીજળી પણ પેદા કરવામાં આવશે.
આ પણ વાંચો: અમદાવાદ: AMC દ્વારા ઇજનેરથી લઇ સફાઇ કર્મીઓને ફરજમાં બેદરકારી બદલ નોટિસ
2047 સુધીમાં આખો દેશ ફાટકમુક્ત બની જશે
રાજ્યમાં 50 વર્ષ જૂના પુલોના 1 હજાર કામો માટે 797 કરોડની જોગવાઈ મંત્રી જગદીશ પંચાલે વિધાનસભામાં જણાવ્યું હતું કે, રાજ્યમાં 50 વર્ષ જૂના બ્રિજના રિપેરિંગના એક હજાર કામો માટે નવા વર્ષના બજેટમાં રૂ.797 કરોડ ફાળવાયા છે અને 2047 સુધીમાં ગુજરાત અને આખો દેશ ફાટકમુક્ત બની જશે, પરિણામે ઇંધણ, સમય અને નાણાની બચત થશે. રાજ્યના માર્ગ-મકાન વિભાગની 36 નવી બાબતો માટે નવા વર્ષના બજેટમાં રૂ.1692.92 કરોડ તથા ચાલુ કામો માટે રૂ.17058.44 કરોડની જોગવાઈ કરાઈ છે.
