મનુષ્ય વાયરસના કારણે આપે છે બાળકને જન્મ, જાણો કારણ..

અમેરિકા, 26 ફેબ્રુઆરી : વિશ્વમાં અનેક પ્રકારના વાયરસ જોવા મળે છે. એક વાયરસ જે આપણને બીમાર બનાવે છે અને બીજો વાઈરસ જે આપણને નુકસાન પહોંચાડતો નથી અને પર્યાવરણમાં રહીને તેને સંતુલિત બનાવે છે.

છેલ્લાં કેટલાંક વર્ષોમાં જો મનુષ્યો કોઈ બાબતથી સૌથી વધુ પરેશાન હોય તો તે છે વાયરસ. કોરોના વાયરસે સમગ્ર વિશ્વમાં હાહાકાર મચાવ્યો હતો, તેના કારણે લાખો લોકોના મૃત્યુ થયા હતા. પરંતુ શું બધા વાયરસ મનુષ્યો માટે ખરાબ છે? નિષ્ણાતો માને છે કે આવું નથી. હકીકતમાં જો આ પૃથ્વી પર વાયરસ ન હોત તો અહીં જીવન શક્ય જ ન હોત. જો આજે પૃથ્વી પરથી તમામ વાયરસ ખતમ થઈ જશે તો પૃથ્વી પરના તમામ જીવો માત્ર દોઢ દિવસમાં જ મરી જશે. ચાલો જાણીએ જીવન માટે વાયરસ શા માટે જરૂરી છે.

નિષ્ણાતો શું કહે છે

એક અહેવાલ અનુસાર, અમેરિકાની વિસ્કોન્સિન-મેડિસન યુનિવર્સિટીના રોગચાળાના નિષ્ણાત ટોની ગોલ્ડબર્ગ આ અંગે કહે છે કે, જો અચાનક પૃથ્વી પરથી તમામ વાયરસ ખતમ થઈ જશે તો પૃથ્વી પર તમામ જીવોનું મૃત્યુ માત્ર એકથી દોઢ દિવસમાં થઈ જશે. ગોલ્ડબર્ગ કહે છે કે વાયરસ આ પૃથ્વી પરના જીવનની કરોડરજ્જુ છે. તેથી આપણે તેની ખામીઓને અવગણવી જોઈએ.

વાયરસ કેટલો મહત્વપૂર્ણ છે?

વિશ્વમાં અનેક પ્રકારના વાયરસ જોવા મળે છે. એક વાયરસ જે આપણને બીમાર બનાવે છે અને બીજો વાઈરસ જે આપણને નુકસાન પહોંચાડતો નથી અને પર્યાવરણમાં રહીને તે તેને સંતુલિત બનાવે છે. નિષ્ણાતો કહે છે કે તે દુઃખદ છે કે આપણે મોટા ભાગે બેક્ટેરિયાનો અભ્યાસ કરીએ છીએ અને તેમના વિશે શોધ કરીએ છીએ. જ્યારે આપણે આવા વાયરસ વિશે બહુ ઓછું જાણીએ છીએ જે આપણને જીવનની નજીક રાખે છે. જેમ કે એક વાયરસ હતો હર્પીસ.

આ વાયરસ આપણને પ્લેગ અને લિસ્ટેરિયા નામના રોગોથી બચાવી શકે છે. હર્પીસથી પીડિત ઉંદર આવી બિમારિયોના બેક્ટેરિયાથી બચી જાઈ છે. એ જ રીતે, GB વાયરસ C પણ આવો જ એક વાયરસ છે. તે ડેન્ગ્યુ માટે જવાબદાર વાયરસનો દૂરનો સંબંધી છે. જો તમે આ વાયરસથી સંક્રમિત હોવ તો તમારામાં એઈડ્સનો રોગ ઝડપથી ફેલાતો નથી. તેથી તેના કારણે ઇબોલા વાયરસથી મૃત્યુનું જોખમ પણ ઘટી જાય છે.

શા માટે મનુષ્ય ઈંડાને બદલે બાળકોને જન્મ આપે છે?

એક રિપોર્ટ અનુસાર, મનુષ્ય ઇંડાને બદલે સીધા બાળકોને જન્મ આપે છે, તો આ પણ એક વાયરસના ઇફેક્શનના કારણે જ છે. હકીકતમાં, 130 મિલિયન વર્ષો પહેલા રેટ્રોવાયરસનો ચેપ મનુષ્યના પૂર્વજોમાં મોટા પાયે ફેલાયો હતો. આ સંક્રમણને કારણે મનુષ્યમાં ગર્ભ ધારણ કરવાની ક્ષમતા શક્ય બની.

આ પણ વાંચો : અન્ય કોઈ એપ્લિકેશન ડાઉનલોડ કર્યા વગર વાપરો એક જ ફોનમાં બે વોટ્સએપ