યુપી પોલીસ ભરતી પરીક્ષા રદ, ઉમેદવારોના વિરોધ બાદ સીએમ યોગીએ લીધો નિર્ણય

• યુપી સરકારે પોલીસ કોન્સ્ટેબલની ભરતી રદ કરી, ગેરરીતિ કરનાર સામે કરશે કડક કાર્યવાહી
• 6 મહિનામાં ફરીથી પરીક્ષા લેવાશે, મફત મુસાફરીની સુવિધા મળશે

લખનઉ, 24 ફેબ્રુઆરી: યુપી પોલીસ કોન્સ્ટેબલની ભરતી રદ કરીને યોગી સરકારે લાખો ઉમેદવારોને મોટી રાહત આપી છે. પેપર લીકના દાવા પછી લાખો ઉમેદવારો પરીક્ષા રદ કરવા અને ફરીથી પરીક્ષા લેવાની માંગ કરી રહ્યા હતા. પરીક્ષા રદ કરવાની સાથે રાજ્ય સરકારે 6 મહિનામાં ફરીથી પરીક્ષા લેવાનો પણ આદેશ કર્યો છે. સીએમ યોગીએ કહ્યું કે યુવાનોની મહેનત અને પરીક્ષાની પવિત્રતા સાથે ખેલ કરનારાઓ સામે કડક કાર્યવાહી કરવામાં આવશે.

સીએમ યોગી આદિત્યનાથે તેમના સોશિયલ મીડિયા એકાઉન્ટ ‘X’ (અગાઉ ટ્વિટર) દ્વારા યુપી પોલીસ કોન્સ્ટેબલ ભરતી પરીક્ષા રદ કરવાની માહિતી આપી છે. તેમણે કહ્યું કે, ‘પરીક્ષાઓની પવિત્રતા સાથે કોઈ બાંધછોડ કરી શકાય નહીં.’

.@Uppolice आरक्षी नागरिक पुलिस के पदों पर चयन के लिए आयोजित परीक्षा-2023 को निरस्त करने तथा आगामी 06 माह के भीतर ही पुन: परीक्षा कराने के आदेश दिए हैं।

परीक्षाओं की शुचिता से कोई समझौता नहीं किया जा सकता।

युवाओं की मेहनत के साथ खिलवाड़ करने वाले किसी भी दशा में बख्शे नहीं…

— Yogi Adityanath (@myogiadityanath) February 24, 2024

રાજ્ય સરકાર દ્વારા જારી કરવામાં આવેલી નોટિસમાં કહેવામાં આવ્યું છે કે, ’17 અને 18 ફેબ્રુઆરી 2024 ના રોજ યોજાયેલી પોલીસ ભરતી પરીક્ષા સંદર્ભે પ્રાપ્ત ડેટા અને માહિતીના આધારે, યોગ્ય વિચારણા કર્યા પછી, સરકારે શુદ્ધતા અને પારદર્શિતાના ઉચ્ચતમ ધોરણોને ધ્યાનમાં રાખીને આ પરીક્ષા રદ કરવાનો નિર્ણય લીધો છે. સરકારે ભરતી બોર્ડને કોઈપણ સ્તરની બેદરકારી સામે એફઆઈઆર નોંધીને આગોતરી કાનૂની કાર્યવાહી સુનિશ્ચિત કરવા સૂચનાઓ આપી છે.’

STF પેપર લીકની તપાસ કરશે

યોગી સરકાર યુપી પોલીસ કોન્સ્ટેબલની ભરતી પેપર લીક કેસની તપાસની જવાબદારી સ્પેશિયલ ટેસ્ટ ફોર્સ (STF)ને સોંપશે. દોષિતો સામે કડક કાર્યવાહી કરવા સૂચના આપવામાં આવી છે. ઉપરાંત, સરકારે ભરતી બોર્ડને સૂચના આપી છે કે જે પણ સ્તરે બેદરકારી થઈ હોય તેની સામે એફઆઈઆર નોંધીને યોગ્ય પગલાં લેવા જોઈએ.

6 મહિનામાં ફરીથી પરીક્ષા લેવાશે, મફત મુસાફરીની સુવિધા મળશે

ભરતી પરીક્ષા રદ કરવાની સાથે UP પોલીસ કોન્સ્ટેબલ ભરતી પરીક્ષાનું પેપર 6 મહિનાની અંદર સંપૂર્ણ સચોટતા સાથે ફરી લેવા સૂચના આપવામાં આવી છે. આ સિવાય પરીક્ષા માટે મુસાફરી કરવા માટે ઉમેદવારો પાસેથી કોઈ પૈસા લેવામાં આવશે નહીં. આ આદેશમાં લખવામાં આવ્યું છે કે ઉત્તર પ્રદેશ પરિવહન નિગમની સેવાઓ દ્વારા ઉમેદવારોને મફત સુવિધા આપવાના નિર્દેશો આપવામાં આવ્યા છે.

આ પણ વાંચો: ભારતમાં AI બૂમઃ 2027 સુધીમાં માર્કેટ $17 બિલિયન સુધી પહોંચવાનો અંદાજ