લો હવે આવી ગયું આર્ટિફિશિયલ ઈન્ટેલિજન (AI)થી “જન્મેલું” બાળક

ચીન, 20 ફેબ્રુઆરી : આર્ટિફિશિયલ ઇન્ટેલિજન્સ એટલે કે AIના આગમનથી ટેક્નોલોજી ક્ષેત્રમાં ઘણા ચમત્કારો જોવા મળ્યા છે. ChatGPT, Gemini AI જેવા જનરેટિવ AI ટૂલ્સ પછી Microsoft Co-Pilot એ હવે વિશ્વનું પ્રથમ AI બાળક બનાવ્યું છે. જે મનુષ્યની જેમ વર્તે છે. ચીની સંશોધકોએ આ AI બાળકનું નામ ટોંગ ટોંગ રાખ્યું છે, જેનો અર્થ થાય છે “નાની છોકરી”. આ AI બાળક માનવીની જેમ વર્તવાની સાથે-સાથે તે તમારા પ્રશ્નોના જવાબ પણ ફટાફટ આપે છે.

ઓટોનોમસ લર્નિંગ પર કામ કરે છે

બેઇજિંગ ઇન્સ્ટિટ્યૂટ ઑફ જનરલ આર્ટિફિશિયલ ઇન્ટેલિજન્સ (BIGAI) ના વિજ્ઞાનીઓએ આ AI બાળક બનાવ્યું છે. ચીનના વિજ્ઞાની દ્વારા બનાવવામાં આવેલુ આ AI બાળક સામાન્ય માનવ બાળકની જેમ જ ઓટોનોમસ લર્નિંગ પર કામ કરે છે, એટલે કે તે બાળકોની જેમ આસપાસની વસ્તુઓ અને વાતાવરણમાંથી શીખે છે. તેમજ, આ AI બાળકમાં ઈમોશનલ ઈન્ટેલિજન્સ ફીચર પણ આપવામાં આવ્યું છે.આ ઉપરાંત, વિજ્ઞાનીએ તેને લગભગ 600 જેટલા શબ્દો શીખવ્યા છે.

વિજ્ઞાનીઓ દ્વારા બનાવવામાં આવેલુ આ AI બાળક હાલમાં 3 થી 4 વર્ષના બાળકની જેમ કામ કરે છે અને વાત કરે છે. સંશોધકોનું કહેવું છે કે ધીમે ધીમે આ બાળક ઓટોનોમસ લર્નિંગ દ્વારા નવા શબ્દો શીખશે. જો કે, આ બાળક ભવિષ્યમાં કેટલી ઝડપથી વસ્તુઓ શીખી શકશે તે કહેવું મુશ્કેલ છે. આ AI બાળક અત્યારે તો માત્ર ડિજિટલ વર્લ્ડમાં જ ઉપલબ્ધ હશે.

માનવી જેવી સામાન્ય સમજ

તેને બનાવનાર વિજ્ઞાની કહે છે કે ટોંગ ટોંગમાં સામાન્ય જ્ઞાન એટલે કે માનવીની જેમ વ્યવહારુ જ્ઞાન મેળવવાની ક્ષમતા છે. આ AI બાળકનું વીડિયો પ્રેઝન્ટેશન પણ બતાવવામાં આવ્યું હતું, જેમાં તેને અલગ-અલગ પરિસ્થિતિઓમાં એક્ટ કરવામાં તે સક્ષમ દેખાયું હતું. આ AI ચાઈલ્ડ બનાવવા માટે, વિજ્ઞાનીઓએ મશીન લર્નિંગને નેચરલ લેંગ્વેજ પ્રોસેસિંગ સાથે જોડ્યું છે.

𝐖𝐨𝐫𝐥𝐝’𝐬 𝐟𝐢𝐫𝐬𝐭 𝐀𝐈 𝐜𝐡𝐢𝐥𝐝

Tong Tong is a virtual AI entity that can assign herself tasks, learn autonomously, and explore her environment.

She can display behavior and abilities similar to those of a three or four-year-old child🤖… pic.twitter.com/SoZpKLegwY

— CodingNerds COG (@CodingnerdsCog) February 6, 2024

AI બેબી ટોંગ ટોંગ લોકોને ઓળખી શકે છે.તેમજ, તે દરેક પ્રકારની લાગણીઓ વ્યક્ત કરી શકે છે. તેનું વર્તન નાના બાળક જેવું લાગશે. એટલું જ નહીં તે માનવ બાળકની જેમ પડે છે, ઊભુ થાય છે, રડે છે અને પોતાની લાગણીઓ વ્યક્ત કરે છે.

આ પણ વાંચો : ગૂગલની મનમાની નહીં ચાલે હવે, ભારતીય યુઝર્સ માટે લોન્ચ થશે નવું પ્લે સ્ટોર