કમલનાથની ભાજપમાં જોડાવવાની અટકળો પર પૂર્ણ વિરામ, કહ્યું: આખી જિંદગી કોંગ્રેસી જ રહીશ
- કમલનાથ તો રોકાયા પણ રાજસ્થાન કોંગ્રેસના ધારાસભ્ય મહેન્દ્રજીતસિંહ માલવિય ભાજપમાં જોડાયા
HD ન્યૂઝ ડેસ્ક, 19 ફેબ્રુઆરી: મધ્યપ્રદેશના પૂર્વ મુખ્યમંત્રી અને કોંગ્રસના વરિષ્ઠ નેતા કમલનાથ અને તેમના પુત્ર નકુલનાથ કોંગ્રેસ છોડીને ભાજપમાં જોડાવા અંગેની અટકળો છેલ્લા બે દિવસથી ચર્ચામાં છે, પરંતુ આજે સોમવારે આ ચર્ચાનો અંત આવ્યો છે કારણ કે પાર્ટીના વિશ્વસનીય સૂત્રોએ જણાવ્યું છે કે, “કમલનાથ ક્યાંય જઈ રહ્યા નથી. તેઓ કોંગ્રેસના હતા અને કોંગ્રેસ સાથે જ રહેશે.” ત્યારે કમલનાથ તો કોંગ્રેસમાં રોકાઈ ગયા હોય તેવું લાગે છે, પરંતુ રાજસ્થાનમાં કોંગ્રેસને મોટો ફટકો પડ્યો છે. ચાર વખત કોંગ્રેસના ધારાસભ્ય અને રાજસ્થાનના પૂર્વ મંત્રી મહેન્દ્રજીતસિંહ માલવિય સોમવારે ભાજપમાં જોડાયા છે. રાજ્ય અને કેન્દ્રમાં ભાજપ સરકારનો ઉલ્લેખ કરતાં મહેન્દ્રજીત સિંહે કહ્યું કે, રાજસ્થાનમાં ડબલ એન્જિનની સરકાર છે અને તેઓ તેમના રાજ્યના વિકાસ માટે ભાજપમાં જોડાયા છે.
#WATCH | Congress leader Mahendrajeet Malviya joins Bharatiya Janata Party in Jaipur, in the presence of party’s state in-charge Arun Singh and the president of party’s state unit, CP Joshi pic.twitter.com/oaPKhNI5R7
— ANI MP/CG/Rajasthan (@ANI_MP_CG_RJ) February 19, 2024
કમલનાથ વિશે પાર્ટીના લોકોએ શું કહ્યું ?
#WATCH | Delhi: On talks of Congress leader Kamal Nath and his son Nakul Nath to join BJP, Madhya Pradesh LoP Umang Singhar says, “All of these are rumours. He (Kamal Nath) has never said that he is joining the BJP. He is a senior, former CM and an asset to the party. All the… pic.twitter.com/ufaDLYtXYA
— ANI (@ANI) February 19, 2024
મધ્યપ્રદેશ કોંગ્રેસના પ્રદેશ સચિવ તિરુપતિ કનકૈયાએ કહ્યું કે, “કમલનાથ ક્યાંય નથી જઈ રહ્યા અને જ્યારે પિતા નથી જઈ રહ્યા તો પુત્ર કેવી રીતે જઈ શકે. આજે તમામ અટકળોનો સંપૂર્ણ અંત આવશે.” પૂર્વ વિધાનસભા ઉમેદવાર અને કમલનાથ સમર્થક મનોજ માલવિયાએ કહ્યું કે, કમલનાથ કોંગ્રેસના હતા અને કોંગ્રેસના જ રહેશે. કમલનાથ પોતે તમને થોડા સમયમાં નિવેદન આપશે અને તમને જણાવશે કે તેઓ ક્યાંય નથી જઈ રહ્યા.”
કમલનાથે જવાબ આપ્યો ?
કમલનાથે કહ્યું કે, “હું કાલ્પનિક પ્રશ્નનો જવાબ કેમ આપું. ક્યાંય જવાનો પ્રશ્ન જ નથી. જે વ્યક્તિ ઈન્દિરાજીનો પુત્ર કહેવાતો હતો તે બીજે ક્યાંય કેવી રીતે જઈ શકે?” સજ્જન વર્માના કહેવા પ્રમાણે, કમલનાથ હાલમાં મીડિયા સાથે વાત કરશે નહીં. તેણે મીડિયાના કાલ્પનિક પ્રશ્નોના જવાબ કેવી રીતે આપવા જોઈએ અને તે શા માટે જવાબ આપશે?
કમલનાથનું બીજેપીમાં ન જોડાવાનું કારણ બહાર આવ્યું
કમલનાથના ભાજપમાં ન જોડાવા પાછળનું સૌથી મોટું કારણ બહાર આવ્યું છે. એવું કહેવામાં આવી રહ્યું છે કે, તેમના સમર્થકો બીજેપી સાથે જવા ઇચ્છુક નથી. કમલનાથ પણ પોતાના સમર્થકોની વાત સાથે સહમત થયા છે અને કહ્યું છે કે, તેઓ તેમના સમર્થકો સાથે છે. તેમના સમર્થકોના કારણે જ તેઓ ક્યાંય જશે નહીં અને કોંગ્રેસ સાથે જ રહેશે.
“જય શ્રી રામ”નો ધ્વજ છત પરથી નીચે ઉતાર્યો
રાજકીય વર્તુળોમાં ચાલી રહેલી તમામ અટકળો અને ચર્ચાઓ વચ્ચે કોંગ્રેસના દિગ્ગજ નેતા કમલનાથે પણ તેમના નિવાસસ્થાન ઉપર લહેરાવેલા જય શ્રી રામના ધ્વજને હટાવી દીધો છે. આ ધ્વજ રવિવારે દિલ્હીમાં કમલનાથના ઘરની છત પર જોવા મળ્યો હતો. આ અંગે છેલ્લા કેટલાક દિવસોથી કમલનાથ અને તેમના પુત્ર નકુલનાથે કોંગ્રેસ છોડવાની અફવાઓ ફેલાઈ રહી હતી.
મહેન્દ્રજીત સિંહ માલવિય ભાજપમાં જોડાયા
#WATCH | Jaipur: After joining the BJP, former Congress leader Mahendrajeet Malviya says, “The only reason for joining the BJP is the development of Vagad region. Only the BJP can do the development. Congress has no vision… If I became an MLA from Congress and then joined the… https://t.co/zEHbxXIzc9 pic.twitter.com/Rp6NapwJ7k
— ANI MP/CG/Rajasthan (@ANI_MP_CG_RJ) February 19, 2024
ભાજપના રાજસ્થાનના પ્રભારી અરુણસિંહ, રાજ્ય એકમના વડા સી.પી.જોશી અને અન્ય નેતાઓએ મહેન્દ્રજીતસિંહ માલવિયનું ભાજપમાં સ્વાગત કર્યું હતું. રાજ્ય અને કેન્દ્રમાં ભાજપ સરકારનો ઉલ્લેખ કરતા તેમણે કહ્યું કે, “રાજસ્થાનમાં ડબલ એન્જિનની સરકાર છે અને તેઓ તેમના રાજ્યના વિકાસ માટે ભાજપમાં જોડાયા છે.”
આ પણ વાંચો: PMLAની કલમ 45 શું છે જેના પર અરવિંદ કેજરીવાલે નવી ચર્ચા શરૂ કરી?
