ભારત અને ઈંગ્લેન્ડ વચ્ચે ત્રણ મેચોની વનડે શ્રેણીની બીજી મેચ ગુરુવારે લંડનના લોર્ડ્સ ક્રિકેટ ગ્રાઉન્ડમાં રમાઈ રહી છે. ટોસ હાર્યા બાદ પ્રથમ બેટિંગ કરતા ઈંગ્લેન્ડે 49 ઓવરમાં તમામ વિકેટ ગુમાવીને 246 રન બનાવ્યા હતા. ભારતે હવે T20 બાદ વનડે શ્રેણી જીતવા માટે 247 રન બનાવવા પડશે. યજમાન ટીમ તરફથી મોઈન અલીએ સૌથી વધુ 47 રન બનાવ્યા હતા. તેના સિવાય ડેવિડ વિલીએ 41 રનનું યોગદાન આપ્યું હતું. જેસન રોય (23), જોની બેરસ્ટો (38), જો રૂટ (11), કેપ્ટન જોસ બટલર (4), બેન સ્ટોક્સ (21) અને લિયામ લિવિંગ્સ્ટન (33) જલ્દી પેવેલિયનમાં ગયા હતા.
ભારત તરફથી યુઝવેન્દ્ર ચહલ સૌથી સફળ બોલર રહ્યો હતો જેણે 10 ઓવરમાં 47 રન આપીને 4 વિકેટ લીધી હતી. તેમના સિવાય હાર્દિક પંડ્યા અને જસપ્રિત બુમરાહે બે-બે વિકેટ લીધી હતી. જ્યારે મોહમ્મદ અને પ્રખ્યાત કૃષ્ણાએ એક-એક વિકેટ લીધી હતી. મોઈન અલી અને ડેવિડ વિલીની શાનદાર ઈનિંગ્સના આધારે ઈંગ્લેન્ડે બીજી વનડેમાં ભારત સામે જીતવા માટે 247 રનનો ટાર્ગેટ આપ્યો હતો. પ્રથમ બેટિંગ કરતા ઈંગ્લેન્ડે 49 ઓવરમાં 247 રન બનાવ્યા હતા. ભારત તરફથી યુઝવેન્દ્ર ચહલે ચાર વિકેટ ઝડપી હતી.
