હેમા માલિનીની અયોધ્યા મંદિરમાં કરશે રાગ સેવા, કરાવ્યા દિવ્ય દર્શન!

• હેમા માલિની રામલલ્લા પ્રાણ પ્રતિષ્ઠાના 22 દિવસ બાદ ફરી વખત અયોધ્યા પહોંચી છે. તેણે ગઈકાલે રામલલ્લાના દર્શન કર્યા હવે આજે તે રાગસેવા કરશે.

અયોધ્યા, 17 ફેબ્રુઆરીઃ બોલિવૂડની ડ્રીમ ગર્લ હેમા માલિનીએ અભિનયથી લઈને રાજકારણમાં પોતાની એક અલગ ઓળખ ઊભી કરી છે. હેમા હંમેશા કોઈક ને કોઈક કારણોથી ચર્ચામાં રહે છે. હવે તેને લઈને એક ખાસ સમાચાર આવ્યા છે. હેમા માલિની રામલલ્લા પ્રાણ પ્રતિષ્ઠાના 22 દિવસ બાદ ફરી વખત અયોધ્યા પહોંચી છે. તેણે ગઈકાલે (શુક્રવારે) રામલલ્લાના દર્શન કર્યા હવે આજે તે રાગસેવા કરશે. આ વાતની જાણકારી તેણે ખુદ સોશિયલ મીડિયા પોસ્ટ દ્વારા આપી છે.

In Ayodhya now with family and enjoying the divine darshan of Ram Lalla. Feel truly blessed esp as I will be doing my Raag Seva in the mandir for Ram Lalla. Many eminent artistes have already performed here and many more are lined up. It is a divine bulaava🙏 pic.twitter.com/sbEf90u31P

— Hema Malini (@dreamgirlhema) February 17, 2024

હાલમાં જ અમિતાભ બચ્ચન પણ પ્રાણ પ્રતિષ્ઠા બાદ ફરી એક વખત અયોધ્યા પહોંચ્યા હતા અને રામ મંદિરમાં માથું ટેકવ્યું હતું. તે જ સમયે, હેમા માલિની ફરી એકવાર રામલલાના દર્શન કરવા અયોધ્યા પહોંચી હતી. અભિનેત્રીએ એમ પણ કહ્યું કે તે મંદિરમાં રાગ સેવા કરશે. તેણે સોશિયલ મીડિયા પોસ્ટમાં લખ્યું છે કે, અત્યારે અયોધ્યામાં પરિવાર સાથે હું રામ લલ્લાના દિવ્ય દર્શનનો આનંદ માણી રહી છું. ખરેખર હું દિવ્ય અનુભૂતિ કરી રહી છું. હું રામ લલ્લા માટે મંદિરમાં મારી રાગ સેવા કરીશ. ઘણા પ્રતિષ્ઠિત કલાકારો અહીં પરફોર્મ કરી ચૂક્યા છે અને ઘણા વધુ લાઈનમાં છે. આ એક દિવ્ય આમંત્રણ છે. આ પોસ્ટથી સ્પષ્ટ થાય છે કે હેમા માલિની સંપૂર્ણ રીતે રામ ભક્તિમાં લીન થઈને રાગ સેવા આપશે.

હેમા માલિનીએ શુક્રવારે 16 ફેબ્રુઆરીએ અયોધ્યામાં નવનિર્મિત રામ મંદિરની મુલાકાત લીધી હતી. તેમણે મુલાકાત બાદ મીડિયા સાથે વાત કરતા કહ્યું કે મંદિરના નિર્માણને કારણે ઘણા લોકોને રોજગારી મળી છે. તેમણે મંદિરની વ્યવસ્થાની પણ પ્રશંસા કરી હતી. હેમા માલિનીએ વધુમાં કહ્યું કે, ખૂબ સારો વિકાસ થઈ રહ્યો છે, એક મંદિરને કારણે અહીં કેટલા લોકોને રોજગાર મળે છે. શહેરનું ઈન્ફ્રાસ્ટ્રક્ચર પણ વિસ્તરી રહ્યું છે જે ખૂબ જ સારી બાબત છે.

આ પણ વાંચોઃ રાજકુમાર સંતોષીને જામનગર કોર્ટે સંભળાવી 2 વર્ષની જેલની સજા, બે કરોડનો દંડ