રાહુલ ગાંધીની ‘ભારત જોડો ન્યાય યાત્રા’ ફરી મોકૂફ, જાણો કારણ

Shailesh Chaudhary વારાણસીLast Updated: ફેબ્રુવારી 17, 2024

444 1 minute read

રાહુલ ગાંધીની યાત્રા આજથી વારાણસીમાં શરૂ થવાની હતી, પરંતુ હવે ફરી એકવાર તેમની ભારત જોડો ન્યાય યાત્રા સ્થગિત કરવામાં આવી છે

વારાણસી, 17 ફેબ્રુઆરી: કોંગ્રેસ નેતા રાહુલ ગાંધી આ દિવસોમાં ભારત જોડો ન્યાય યાત્રા કાઢી રહ્યા છે. આ યાત્રા સાથે તેઓ યુપીની સરહદમાં પ્રવેશ્યા છે. રાહુલ ગાંધીની યાત્રા આજથી વારાણસીમાં શરૂ થવાની હતી, પરંતુ હવે ફરી એકવાર તેમની ભારત જોડો ન્યાય યાત્રા સ્થગિત કરવામાં આવી છે. કોંગ્રેસ પાર્ટીના નેતા જયરામ રમેશે સોશિયલ મીડિયા X પર આ જાણકારી આપી છે. જયરામ રમેશે સોશિયલ મીડિયા પ્લેટફોર્મ X પર રાહુલ ગાંધીની વાયનાડ યાત્રા વિશે માહિતી આપી છે. તેમણે એમ પણ કહ્યું કે રાહુલ ગાંધી આ યાત્રાની શરૂઆત યુપીના પ્રયાગરાજ જિલ્લામાંથી જ કરશે.

જયરામ રમેશે X પર આપી માહિતી

वायनाड में @RahulGandhi की उपस्थिति की तत्काल आवश्यकता है। वह आज शाम 5 बजे वाराणसी से प्रस्थान कर रहे हैं। भारत जोड़ो न्याय यात्रा कल 18 फरवरी को दोपहर 3 बजे प्रयागराज में फिर से शुरू होगी।

Rahul Gandhi’s presence is required urgently in Wayanad. He is leaving this evening from…

— Jairam Ramesh (@Jairam_Ramesh) February 17, 2024

કોંગ્રેસ પાર્ટીના નેતા જયરામ રમેશે X પરની તેમની પોસ્ટમાં લખ્યું છે કે ‘વાયનાડમાં રાહુલ ગાંધીની હાજરીની તાત્કાલિક જરૂર છે. તેઓ આજે સાંજે 5 વાગ્યે વારાણસીથી રવાના થશે. ભારત જોડો ન્યાય યાત્રા આવતીકાલે 18મી ફેબ્રુઆરીના રોજ બપોરે 3 વાગ્યે પ્રયાગરાજમાં ફરી શરૂ થશે. બાદમાં તેમણે અંગ્રેજીમાં પણ આ જ વાત લખી છે. રાહુલ ગાંધીને શા માટે વાયનાડ મોકલવામાં આવી રહ્યા છે તેની સંપૂર્ણ માહિતી હજુ પ્રકાશમાં આવી નથી, પરંતુ તેમની આજની યાત્રા રોકાવામાં ક્યાંકને કયાંક કોંગ્રેસ માટે મોટો ફટકો ગણી શકાય. કારણ કે રાહુલ ગાંધીની યાત્રા આજે પીએમ મોદીના લોકસભા ક્ષેત્ર વારાણસીમાંથી પસાર થવાની હતી.