સરહદ પાર કરીને ભારતમાં ઘૂસ્યો પાકિસ્તાની શખ્સ, BSFના જવાનોએ દબોચી લીધો
જલંધર (પંજાબ), 17 ફેબ્રુઆરી: ભારતીય સુરક્ષા દળોએ દેશની સરહદમાં ઘૂસણખોરીના પ્રયાસને નિષ્ફળ બનાવ્યો છે. BSF જવાનોએ શુક્રવારે એક પાકિસ્તાની નાગરિકને ઝડપી પાડ્યો છે. સુરક્ષા દળોએ જણાવ્યું કે આ પાકિસ્તાની નાગરિક પંજાબના ગુરદાસપુર જિલ્લાના ઠાકુરપુર ગામ પાસે ભારતીય સરહદમાં પ્રવેશી રહ્યો હતો. અધિકારીઓએ જણાવ્યું હતું કે પાકિસ્તાની નાગરિક અજાણતાં ભારતીય ક્ષેત્રમાં ઘૂસી ગયો હતો અને તેની પાસેથી કંઈ વાંધાજનક મળ્યું નથી. BSFએ ધરપકડ કરાયેલ વ્યક્તિને વધુ તપાસ માટે પંજાબ પોલીસને સોંપી દીધો હતો.
𝐎𝐧𝐞 𝐏𝐚𝐤𝐢𝐬𝐭𝐚𝐧𝐢 𝐧𝐚𝐭𝐢𝐨𝐧𝐚𝐥 𝐚𝐩𝐩𝐫𝐞𝐡𝐞𝐧𝐝𝐞𝐝 𝐛𝐲 𝐁𝐒𝐅
On 16th February 2024, forward deployed BSF troops apprehended one Pakistani national near the border fence as he crossed the International Boundary and entered into Indian territory near Village… pic.twitter.com/mIkvBuLDGl
— BSF PUNJAB FRONTIER (@BSF_Punjab) February 17, 2024
સોશિયલ મીડિયા પ્લેટફોર્મ X પર માહિતી આપતાં, BSF પંજાબે કહ્યું, 16 ફેબ્રુઆરીએ BSF સૈનિકોએ સરહદ નજીક એક પાકિસ્તાની નાગરિકને પકડ્યો જ્યારે તે આંતરરાષ્ટ્રીય સરહદ પાર કરીને ગુરદાસપુર જિલ્લાના ઠાકુરપુર ગામ નજીક ભારતીય ક્ષેત્રમાં પ્રવેશ કર્યો. BSF પંજાબે વધુમાં જણાવ્યું હતું કે, પૂછપરછ દરમિયાન એવું બહાર આવ્યું છે કે પકડાયેલો પાકિસ્તાની નાગરિક અજાણતાં ભારતીય વિસ્તારમાં ઘૂસ્યો હતો અને તેની પાસેથી કંઈ વાંધાજનક મળ્યું ન હતું. BSFએ પકડાયેલા શખ્સને વધુ તપાસ માટે પંજાબ પોલીસને સોંપી દીધો હતો.
અગાઉ પણ પકડાયેલા પાકિસ્તાની નાગરિકો
આ પહેલા 6 ફેબ્રુઆરીએ BSFએ બે અલગ-અલગ ઘટનાઓમાં પંજાબમાં ભારત-પાકિસ્તાન બોર્ડર પર બે ગેરકાયદે ઘૂસણખોરોને પકડ્યા હતા. ગયા વર્ષે ઑક્ટોબર મહિનામાં પણ BSFએ પંજાબના ગઝનીવાલા ગામમાંથી ભારતીય સરહદમાં ઘૂસ્યા બાદ એક પાકિસ્તાની નાગરિકને ઝડપી પાડ્યો હતો. બીએસએફના જવાનોએ પાકિસ્તાન રેન્જર્સનો સંપર્ક કરીને આ અંગે ઉગ્ર વિરોધ નોંધાવ્યો હતો. અધિકારીએ કહ્યું હતું કે પકડાયેલા પાકિસ્તાની નાગરિકને બાદમાં માનવતાના આધારે પાકિસ્તાન રેન્જર્સને સોંપવામાં આવ્યો હતો.
આ પણ વાંચો: દેશમાં ફરીવાર ઘૂસણખોરીનો પ્રયાસ: સરહદે ઝડપાયા પાકિસ્તાની-અફઘાન નાગરિક
