BJP નેતા નિલેશ રાણેની કાર પર પથ્થરમારો, ભાજપ-ઉદ્ધવ જૂથના કાર્યકરો વચ્ચે સર્જાયું ઘર્ષણ
મુંબઈ (મહારાષ્ટ્ર), 17 ફેબ્રુઆરી: મહારાષ્ટ્રના રત્નાગીરીમાં બીજેપી નેતા અને પૂર્વ સાંસદ નિલેશ રાણેના કાફલા પર હુમલો થયો છે. માહિતી અનુસાર, પૂર્વ સાંસદ નિલેશ રાણેની કાર પર પથ્થરમારો કરવામાં આવ્યો હતો, ત્યારબાદ 16 ફેબ્રુઆરી મહારાષ્ટ્રના રત્નાગિરીમાં ભાજપ અને શિવસેના (UBT) કાર્યકર્તાઓ વચ્ચે અથડામણ થઈ હતી. હોબાળો એટલો વધી ગયો કે બાદમાં પોલીસે પરિસ્થિતિને કાબૂમાં લેવા માટે ટીયર ગેસના સેલ છોડવા પડ્યા.
#WATCH | Stones were pelted at the convoy of BJP leader and former MP Nilesh Rane by unidentified persons in Chiplun of Maharasthra’s Ratnagiri yesterday. The incident happened after Shiv Sena UBT faction workers and BJP workers clashed in front of the office of Shiv Sena (UBT)… pic.twitter.com/exC1dj67lu
— ANI (@ANI) February 17, 2024
નિલેશ રાણેની કાર પર પથ્થરમારો કરાયો
નિલેશ રાણે અને ભાસ્કર જાધવના સમર્થકો વચ્ચેની અથડામણને કાબૂમાં લેવા માટે પોલીસ ફોર્સ પણ મોકલવામાં આવી હતી. બંને પક્ષના સમર્થકો મોટી સંખ્યામાં ઘટના સ્થળે પહોંચી ગયા હતા. આ વિસ્તારમાં સ્થિતિ સામાન્ય બનાવવા માટે ટીયર ગેસના શેલ છોડવા પડ્યા હતા. એવું કહેવામાં આવી રહ્યું છે કે જ્યારે નિલેશ રાણે એક જાહેર સભામાં ભાગ લેવા જઈ રહ્યા હતા ત્યારે તેમની કાર પર પહેલા કોઈએ પથ્થરમારો કર્યો હતો. ગુહાગર પોલીસ સ્ટેશનના એક અધિકારીના જણાવ્યા અનુસાર, બીજેપી કાર્યકર્તાઓ સ્થળ પર એકઠા થયા હતા, ત્યારબાદ બંને પક્ષના કાર્યકર્તાઓ વચ્ચે ઘર્ષણ થયું હતું. અનેક કાર્યકરો ઘાયલ થયા છે. પથ્થરમારામાં અનેક વાહનોને નુકસાન થયું હતું.
Maharashtra Deputy CM & BJP leader Devendra Fadnavis yesterday said,” The disappointment of the opposition can be seen clearly from this kind of political attack. Strict action will be taken against the culprits in connection with the incident at Chiplun.” pic.twitter.com/EOO2sK5gOK
— ANI (@ANI) February 17, 2024
નારાયણ રાણે અને ઉદ્ધવ જૂથ વચ્ચે રાજકીય મતભેદ
નિલેશ રાણે પૂર્વ સાંસદ અને ભાજપના નેતા છે. તેઓ કેન્દ્રીય મંત્રી નારાયણ રાણેના મોટા પુત્ર છે અને ભાજપના ધારાસભ્ય નિતેશ રાણેના ભાઈ પણ છે. આ ઘટના પર પ્રતિક્રિયા આપતા રાજ્યના ડેપ્યુટી સીએમ દેવેન્દ્ર ફડણવીસે કહ્યું છે કે વિપક્ષની ચીડ સ્પષ્ટ દેખાઈ રહી છે. તેમણે કહ્યું છે કે ચિપલુણ ઘટનામાં દોષિતો સામે કડક કાર્યવાહી કરવામાં આવશે. એવું કહેવાય છે કે ભાજપના વરિષ્ઠ નેતા નારાયણ રાણે અને શિવસેના યુબીટી ધારાસભ્ય ભાસ્કર જાધવ વચ્ચે પહેલેથી જ રાજકીય મતભેદો છે.
આ પણ વાંચો: મહારાષ્ટ્ર : ઉદ્ધવ ઠાકરે જૂથના નેતાની હત્યા, આરોપીએ પણ કર્યો આપઘાત
