મોદી સરકાર NAREGA યોજના ખતમ કરવા માંગે છે: જયરામ રમેશ

રાંચી (ઝારખંડ), 15 ફેબ્રુઆરી: ભારત જોડો ન્યાય યાત્રા 14 ફેબ્રુઆરી ઝારખંડમાં પહોંચી હતી. જ્યાં ગઢવા જિલ્લાના રંકા ખાતે એક હાઈસ્કૂલના ગ્રાઉન્ડ NREGA સંઘર્ષ મોરચા અને ઝારખંડ નરેગા વોચના નેજા હેઠળ જાહેર સંવાદ યોજાયો હતો. કોંગ્રેસના વરિષ્ઠ નેતા જયરામ રમેશે કહ્યું કે,મોદી સરકાર એક ષડયંત્રના ભાગરૂપે NAREGA યોજનાને ખતમ કરવા માંગે છે. વર્તમાન કેન્દ્ર સરકાર પારદર્શિતાના નામે NREGAમાં બિનજરૂરી ટેકનિકલ જટિલતા લાવી રહી છે. તે લોકોના કામ કરવાના અધિકારનું ઉલ્લંઘન કરી રહ્યું છે. તેમણે એમ પણ કહ્યું કે, સરકારનો ઉદ્દેશ્ય NREGA નાબૂદ કરવાનો છે.

ઝારખંડમાં રોજગાર ગેરંટી લાગુ થવી જોઈએ: જયરામ રમેશ

જનસુનાવણી દરમિયાન જયરામ રમેશે કહ્યું કે, રાજસ્થાન પછી ઝારખંડ બીજું રાજ્ય બની શકે છે જ્યાં શહેરી રોજગાર ગેરંટી લાગુ થવી જોઈએ. તેમણે ભારપૂર્વક જણાવ્યું હતું કે આવી જાહેર સુનાવણીમાં ભાગ લેવો એ જનપ્રતિનિધિઓની ફરજ છે. જમીની વાસ્તવિકતા પર નજર દોરીને લોકશાહી ઢબે નીતિઓ પસાર થવી જરૂરી છે. તેમણે કહ્યું કે પીએમે રોગચાળા પહેલા મનરેગાની આકરી ટીકા કરી હતી, પરંતુ, રોગચાળા પછી તેમને સમજાયું કે નોકરીઓ આપવા માટે સરકારના હાથમાં મનરેગાનો કોઈ વિકલ્પ નથી.

રમેશની સાથે ઝારખંડ કોંગ્રેસના અધ્યક્ષ રાજેશ ઠાકુર, ઝારખંડના પ્રભારી ગુલામ અહમદ મીર, NSUIના રાષ્ટ્રીય પ્રભારી કન્હૈયા કુમાર અને અન્ય ઘણા નેતાઓ વાતચીત દરમિયાન હતા. જો કે, કોંગ્રેસ નેતા રાહુલ ગાંધી ભારત જોડો ન્યાય યાત્રાના ભાગ રૂપે કાર્યક્રમમાં ભાગ લેવાના હતા, પરંતુ તેમની યાત્રાનો બીજો તબક્કો રદ કરવામાં આવ્યો હતો. આ જનસુનાવણીમાં કોંગ્રેસ યુવા નેતા કન્હૈયા કુમાર પણ હાજર હતા. પોતાની વાત રાખતાં તેમણે કહ્યું કે, દેશનું નિર્માણ મજૂરોએ કર્યું છે. મજૂરો વગર દેશ એક પણ ડગલું આગળ વધી શકતો નથી. તેમણે એમ પણ કહ્યું કે, ગેરંટી શબ્દ દેશના મજૂર આંદોલનમાંથી આવ્યો છે.

મહત્ત્વનું છે કે, 15 ફેબ્રુઆરીએ ભારત જોડો ન્યાય યાત્રાનો 35મો દિવસ છે. અને આ યાત્રા આજે બિહારના રોહતાસમાં પહોંચી છે. ગઈકાલે એટલે 14 ફેબ્રુઆરીએ ઝારખંડના રાંકામાં જનસુનાવણી યોજાઈ હતી. જેમાં ઝારખંડ, બિહાર, ઉત્તર પ્રદેશ, છત્તીસગઢ, રાજસ્થાનના રાજ્યોમાંથી NREGA શ્રમિકો, બિન-પક્ષીય ટ્રેડ યુનિયનો, સામૂહિક સંગઠનો અને પાયાના જન આંદોલન સાથે સંકળાયેલા કામદારોએ ભાગ લીધો હતો. જેમાં કોંગ્રેસ NREGA યોજના પર સવાલો ઉઠાવ્યા હતા.

આ પણ વાંચો: રાહુલ ગાંધીને અમે વડાપ્રધાન બનાવીને જ જંપીશુંઃ ગોવિંદસિંહ દોતાસરા