કતરમાંથી નૌસેનિકોને મુક્ત કરાવવા પાછળ શાહરૂખ ખાનનો હાથ? SRKની ટીમે કર્યો ખુલાસો

મુંબઈ (મહારાષ્ટ્ર), 13 ફેબ્રુઆરી: ભારત સરકારે કતરમાં જેલમાં બંધ નૌકાદળના આઠ ભૂતપૂર્વ અધિકારીઓને મુક્ત કર્યા છે. અધિકારીઓના પરત ફરવા પર ભાજપના નેતા સુબ્રમણ્યમ સ્વામીએ કહ્યું કે આ રિલીઝમાં બોલિવૂડ અભિનેતા શાહરૂખ ખાનનો હાથ છે. શાહરૂખે કતર દ્વારા ભારતીય નૌકાદળના આઠ સૈનિકોને છોડાવવામાં સામેલ હોવાના દાવાને નકારી કાઢ્યા છે. શાહરુખ ખાને તેની મેનેજર પૂજા દદલાની મારફત નિવેદન બહાર પાડ્યું હતું. આ ઉપરાંત આ દાવાઓના પાયાવિહોણા ગણાવ્યા છે. મહત્ત્વનું છે કે, શાહરૂખ ખાન હાલમાં જ AFC ફાઇનલમાં સ્પેશિયલ ગેસ્ટ તરીકે ભાગ લેવા માટે કતરમાં હતો.

શાહરૂખની ટીમે એક નિવેદન જારી કર્યું

શાહરૂખ ખાનની ટીમે ઈન્સ્ટાગ્રામ પર પોતાનું નિવેદન શેર કર્યું છે. કતરથી નૌકાદળના અધિકારીઓને છોડાવવામાં શાહરૂખ ખાન સામેલ હોવાનું કહેવાય છે. અમે સ્પષ્ટ કરવા માંગીએ છીએ કે તેમની આમાં કોઈ સંડોવણી નથી. આ રિલીઝ ભારત સરકારના કારણે જ થઈ છે. ખાનને આની સાથે કોઈ લેવાદેવા નથી. સાથે જ અમે એ પણ જણાવવા માંગીએ છીએ કે આપણા દેશના નેતાઓ જ કૂટનીતિ અને શાસન કળા સારી રીતે જાણે છે. મિસ્ટર ખાન, અન્ય ભારતીયોની જેમ  નૌકાદળના અધિકારીઓના સુરક્ષિત વાપસીથી ખુશ છે અને તેમને શુભેચ્છા પાઠવે છે.

સુબ્રમણ્યમ સ્વામીએ કિંગ ખાનનો હાથ હોવાનો કર્યો હતો દાવો

Modi should take Cinema star Sharuk Khan to Qatar with him since after MEA and NSA had failed to persuade the Shiekhs of Qatar, Modi pleaded with Khan to intervene , and thus got an expensive settlement from the Qatar Shiekhs to free our Naval officers.

— Subramanian Swamy (@Swamy39) February 13, 2024

સુબ્રમણ્યમ સ્વામીએ કતરના મુદ્દે પીએમ મોદીને ઘેર્યા અને દાવો કર્યો કે ફિલ્મ સ્ટાર શાહરૂખ ખાન જ રિયલ કિંગ છે. સુબ્રમણ્યમ સ્વામીએ પીએમ મોદીની એક પોસ્ટ પર દાવો કર્યો અને લખ્યું, પીએમ મોદીએ સ્ટાર શાહરૂખ ખાનને તેમની સાથે કતર લઈ જવું જોઈએ કારણ કે વિદેશ મંત્રાલય અને NSA કતરના શેખને મનાવવામાં નિષ્ફળ રહ્યા હતા. સુબ્રમણ્યમ સ્વામીએ દાવો કર્યો હતો કે, નિષ્ફળતા પછી પીએમ મોદીએ શાહરૂખ ખાનને દખલગીરી કરવા વિનંતી કરી અને પછી અમારા ભૂતપૂર્વ નૌકાદળ અધિકારીઓની મુક્તિ માટે કતરના શેખ સાથે ખર્ચાળ ડીલ કરી. જો કે સુબ્રમણ્યમ સ્વામીના આ દાવા પર ભાજપ તરફથી કોઈ પ્રતિક્રિયા આપવામાં આવી નથી.

શાહરૂખ ખાનની મેનેજરે નિવેદન પોસ્ટ કર્યું

શાહરૂખ ખાનની મેનેજર પૂજા દદલાનીએ તેના ઓફિશિયલ ઈન્સ્ટાગ્રામ હેન્ડલ પરથી પોસ્ટ શેર કરીને સ્પષ્ટતા આપી હતી.  પૂજા દદલાની ઘણા વર્ષોથી શાહરૂખ ખાનની મેનેજર છે. તે શાહરૂખના પ્રોજેક્ટ્સથી લઈને ઈવેન્ટ્સ અને રજાઓ પર જવાનું બધું જ ધ્યાન રાખે છે. બંને વચ્ચેનો સંબંધ પણ ઘણો ઊંડો છે. શાહરૂખ ખાનના પ્રોજેક્ટ્સની વાત કરીએ તો તે છેલ્લે ફિલ્મ ‘ડિંકી’માં જોવા મળ્યો હતો. આમાં તેની સાથે તાપસી પન્નુ, વિકી કૌશલ અને બોમન ઈરાની હતા. નિર્દેશક રાજકુમાર હિરાની દ્વારા બનાવવામાં આવેલી આ ફિલ્મ બોક્સ ઓફિસ પર સફળ રહી હતી. 2023માં ધમાલ મચાવ્યા બાદ હવે કિંગ ખાન પણ 2024ની તૈયારી કરી રહ્યો છે.

આ પણ વાંચો: કતર દ્વારા મુક્ત કરવામાં આવેલા 8 ભૂતપૂર્વ મરીનનો કેસ શું છે? જાણો અત્યાર સુધીનો ઘટનાક્રમ