કેજરીવાલે કહ્યું, ‘દિલ્હીની જનતા તમામ સાત સીટો AAPને આપશે’, શું રાજધાનીમાં પણ ગઠબંધન તૂટ્યું?

• એક નાની પાર્ટીએ 10 વર્ષમાં બે રાજ્યમાં સરકાર બનાવી અને બે રાજ્યમાં ધારાસભ્યો બન્યા: કેજરીવાલ
• આજે ભાજપને ડર છે કે જો તેઓ (આપ) આમ જ આગળ વધતા રહેશે તો એક દિવસ કેન્દ્રમાં સરકાર બનાવશે: કેજરીવાલ

દિલ્હી, 11 ફેબ્રુઆરી: આગામી લોકસભા ચૂંટણીમાં આમ આદમી પાર્ટી અને કોંગ્રેસ દિલ્હીની 7 સીટો પર સાથે મળીને લડશે કે નહીં તે અંગે હજુ સસ્પેન્સ છે. કારણ કે આ અંગે હજુ સુધી કોઈ સત્તાવાર જાહેરાત કરવામાં આવી નથી. આ દરમિયાન આમ આદમી પાર્ટીના રાષ્ટ્રીય સંયોજક અરવિંદ કેજરીવાલે પંજાબના તરનતારનમાં રેલી દરમિયાન મોટું નિવેદન આપ્યું છે. કેજરીવાલે કહ્યું કે દિલ્હીની જનતાએ નક્કી કર્યું છે કે આ વખતે તેઓ દિલ્હીની તમામ સાત લોકસભા સીટો આમ આદમી પાર્ટીને આપશે.

રેલીને સંબોધતા કેજરીવાલે કહ્યું કે ભાજપને ડર છે કે AAP કેન્દ્રમાં સરકાર બનાવશે. તેમણે કહ્યું કે આજે ભાજપ માત્ર આમ આદમી પાર્ટીથી ડરે છે. સમગ્ર દેશમાં આમ આદમી પાર્ટીનો વિકાસ ઝડપથી થયો છે. આમ આદમી પાર્ટી 10 વર્ષનું નાનું બાળક છે. આ નાના બાળકે આટલી મોટી પાર્ટીને બરબાદ કરી નાખી છે. AAP તેમને ઊંઘવા નથી દેતી. તેઓ ઊંઘતા નથી. અમે તેના સપનામાં રાત્રે ભૂતની જેમ આવીએ છીએ. તેમણે કહ્યું કે અહીં પંજાબમાં અમને કામ કરતા રોકવામાં આવી રહ્યા છે અને બીજી તરફ દિલ્હીમાં આ લોકો અમને રોકી રહ્યા છે. હું જે કામ કરવા માંગુ છું તે મને રોકી રહ્યા છે.

दिल्ली के लोगों ने AAP को 7 की 7 Seats देने की ठान ली है

Punjab की भी 13 की 13 Loksabha seats देकर Bhagwant Mann जी के हाथ मज़बूत कर दो

फिर केंद्र सरकार और Governor की हिम्मत नहीं होगी कि वो Punjab का पैसा और कोई काम रोकें

-Delhi CM @ArvindKejriwal pic.twitter.com/AONzDvvvey

— AAP (@AamAadmiParty) February 11, 2024

કેજરીવાલે કહ્યું કે એક નાની પાર્ટીએ 10 વર્ષમાં પંજાબ અને દિલ્હીમાં સરકાર બનાવી. ગુજરાત અને ગોવામાં ધારાસભ્ય બન્યા. જ્યાં પણ ચૂંટણી લડવામાં આવે છે, ત્યાં ઘણા બધા મત મળી રહ્યા છે. આજે ભાજપને ડર છે કે જો તેઓ (આપ) આમ જ આગળ વધતા રહેશે તો એક દિવસ કેન્દ્રમાં આમ આદમી પાર્ટીની સરકાર બનાવશે.

પંજાબમાં કેજરીવાલે કહ્યું કે ભાજપ ગુજરાતમાં 30 વર્ષથી અને મધ્યપ્રદેશમાં 15 વર્ષથી સરકાર ચલાવી રહી છે, પરંતુ એક પણ શાળાને ઠીક કરી શકી નથી કે વીજળી વ્યવસ્થામાં સુધારો કરી શકી નથી. તેમણે કહ્યું કે જો તમારામાં હિંમત હોય તો કામ કરીને બતાવો. જે કામ આમ આદમી પાર્ટી કરે છે તે તેમના દ્વારા નથી થતું. તેઓ માત્ર આમ આદમી પાર્ટીને પૂરી કરીનાખવાનું, ધરપકડ કરવા અને બદનામ કરવા માગે છે, પરંતુ જનતા અમારી સાથે છે તો ડરવાની શી જરુર.

આ પણ વાંચો: ઓપરેશન લોટસને પછાડશે ઓપરેશન લાલટેનઃ આરજેડીના દાવાથી બિહારમાં રાજકારણ ગરમાયું