ISRO 17 ફેબ્રુઆરીએ તેનો સૌથી આધુનિક હવામાન સેટેલાઈટ INSAT-3DS લોન્ચ કરશે
ISRO, 10 ફેબ્રુઆરી : ISRO દ્વારા પૃથ્વી વિજ્ઞાન મંત્રાલય દ્વારા બનાવવામાં આવેલા INSAT-3DS સેટેલાઈટને 17 ફેબ્રુઆરી 2024 ના રોજ લોન્ચ કરવામાં આવશે. શ્રીહિકોટાના સતીશ ધવન સ્પેસ સેન્ટર ખાતે સાંજે 5:30 વાગ્યે જીએસએલવી રોકેટ દ્વારા પ્રક્ષેપણ થશે. આ સેટેલાઈટને જીઓસિંક્રોનસ ટ્રાન્સફર ઓર્બિટ (GRO)માં તૈનાત કરવામાં આવશે. રોકેટને એસેમ્બલ કરવાનું કામ શરૂ થઈ ગયું છે. સેટેલાઇટને રોકેટના છેલ્લા સ્ટેજ એટલે કે નોજમાં મૂકવામાં આવ્યું છે.
આ સેટેલાઈટનો મુખ્ય ઉદ્દેશ્ય જમીન, સમુદ્ર, હવામાન અને ઈમરજન્સી સિગ્નલ સિસ્ટમ વિશે માહિતી આપવાનો છે. આ સિવાય રાહત અને બચાવ કાર્યમાં પણ મદદ કરશે. INSAT-3 શ્રેણીના સેટેલાઈટમાં છ વિવિધ પ્રકારના જીઓસ્ટેશનરી સેટેલાઈટ છે. આ સાતમું સેટેલાઈટ છે. INSAT શ્રેણીના અગાઉના તમામ સેટેલાઈટ 2000 થી 2004 ની વચ્ચે લોન્ચ કરવામાં આવ્યા હતા. જેના દ્વારા સંદેશાવ્યવહાર, ટીવી પ્રસારણ અને હવામાન સંબંધિત માહિતી ઉપલબ્ધ થતી હતી. આ સેટેલાઈટમાં 3A, 3D અને 3D પ્રાઇમ સેટેલાઈટમાં હવામાન સંબંધિત આધુનિક સાધનો લાગેલા છે.
આ તમામ સેટેલાઈટ ભારત અને તેની આસપાસના મોસમી ફેરફારો વિશે સચોટ અને સમયસર માહિતી પૂરી પાડે છે. આમાંના દરેક સેટેલાઈટએ ભારત અને તેની આસપાસના વિસ્તારોમાં સંચાર ટેકનીકો અને હવામાન સબંધિત ટેકનીકો વિકસાવવામાં મદદ કરી છે. આ સેટેલાઈટને વિષુવવૃત્તની ઉપર તૈનાત કરવામાં આવે છે, જેના કારણે તેઓ ભારતીય વિસ્તારો પર નજીકથી નજર રાખી શકે છે. આ સેટેલાઈટને પૃથ્વી વિજ્ઞાન મંત્રાલય (Ministry of Earth Sciences) દ્વારા ભંડોળ પૂરું પાડવામાં આવ્યું છે. આ સેટેલાઈટનું વજન 2275 કિલોગ્રામ છે અને તેમાં 6 ચેનલ ઈમેજર્સ અને 19 ચેનલ સાઉન્ડર મેટરીઓલૉજી પેલેડ્સ ઉપલબ્ધ છે.
આ સેટેલાઈટનું સંચાલન ISRO સહિત ભારતીય હવામાન વિભાગ (IMD) દ્વારા કરવામાં આવે છે. જેથી લોકોને કુદરતી આફતોની પહેલા જ તેની જાણકારી મળી શકે અને લોકોને સુરક્ષિત સ્થાનો પર પહોંચાળી શકાય. આ વર્ષે ISROનું આ બીજું સેટેલાઇટ લોન્ચિંગ હશે. આ પહેલા આ સેટેલાઇટને જાન્યુઆરીમાં લોન્ચ કરવાનું હતું, પરંતુ બાદમાં તેને રીશેડ્યુલ કરવામાં આવ્યું હતું.
આ પણ વાંચો : બ્લેક હૉલના ખુલશે રહસ્યો ! ISROએ નવા વર્ષે XPoSAT સેટેલાઈટ કર્યું લોન્ચ
