આંધ્ર પ્રદેશમાં બે ટ્રક અને બસ વચ્ચે ભીષણ ટક્કર, અકસ્માતમાં 6નાં મૃત્યુ

નેલ્લોર (આંધ્ર પ્રદેશ), 10 ફેબ્રુઆરી: આંધ્રપ્રદેશના નેલ્લોર જિલ્લામાં એક ભયાનક માર્ગ અકસ્માત થયો છે. જિલ્લાના મુસુનુરુ ટોલ પ્લાઝા પર એક ટ્રક અને બસ વચ્ચે ટક્કર થઈ હતી. આ અકસ્માતમાં 6 લોકોનાં મૃત્યુ થયાં છે અને 20 લોકો ઘાયલ થયા છે. મળતી માહિતી મુજબ, આ દુર્ઘટના રાત્રે 2 વાગ્યે બની હતી જ્યારે બે બળદોને લઈને શ્રીકાલહસ્તી જઈ રહેલી ટ્રકને પાછળથી લોખંડ ભરેલી બીજી ટ્રકે ટક્કર મારી હતી.

VIDEO | Several injured after a collision between two lorries and a bus near Musunur Toll Plaza on the National Highway in Nellore, Andhra Pradesh. More details are awaited.

(Source: Third Party) pic.twitter.com/eaMWLlboiL

— Press Trust of India (@PTI_News) February 10, 2024

20થી વધુ લોકો ઘાયલ થયા

લોખંડ ભરેલી ટ્રકના ડ્રાઇવરે વાહન પરનો કાબૂ ગુમાવ્યો હતો અને વિરુદ્ધ દિશામાંથી આવતી ખાનગી બસને ટક્કર મારી હતી.  દુર્ઘટના વિશે માહિતી આપતા કાવલી ડીએસપી વેંકટરામને જણાવ્યું કે નેલ્લોર જિલ્લાના મુસુનુરુ ટોલ પ્લાઝા પર એક ટ્રક અને બસની ટક્કર થઈ. ચાર લોકોના ઘટનાસ્થળે જ મૃત્યુ થયા હતા અને અન્ય બે લોકો નેલ્લોરની સરકારી હોસ્પિટલમાં મૃત્યુ પામ્યા હતા. જ્યારે 20 લોકો ઘાયલ થયા હતા. તેમણે કહ્યું કે ઘાયલોને હોસ્પિટલમાં દાખલ કરવામાં આવ્યા છે.

કાનપુર રોડ અકસ્માતમાં પણ 6નાં મૃત્યુ થયા હતા

આ પહેલા ઉત્તર પ્રદેશના કાનપુર દેહાતમાં એક મોટો રોડ અકસ્માત સર્જાયો હતો. અહીં તિલક સમારોહમાંથી ઘરે પરત ફરી રહેલા વાહનચાલકોની કાર બેકાબૂ બની ગટરમાં પડી હતી. આ અકસ્માતમાં છ લોકોનાં મૃત્યુ થયા હતા જ્યારે બે બાળકોને નાની મોટી ઈજાઓ થઈ હતી. મળતી માહિતી મુજબ, અકસ્માતનો ભોગ બનેલા લોકો ઈટાવામાં તિલક સમારોહમાંથી ઘરે પરત ફરી રહ્યા હતા. આ અકસ્માત કાનપુર દેહતના સિકંદરા પોલીસ સ્ટેશન વિસ્તારના જગન્નાથપુર ગામ પાસે થયો હતો.

આ પણ વાંચો: ડમ્પર ચાલકે અચાનક બ્રેક મારતા જીપડાલુ, કાર અને ટ્રક સહિત ચાર વાહનો વચ્ચે અકસ્માત