લોકસભા ચૂંટણી 2024માં કેટલા લોકો મતદાન કરી શકશે? નવા મતદારોની સંખ્યા કેટલી છે?
નવી દિલ્હી, 9 ફેબ્રુઆરી: ભારતમાં લોકસભા ચૂંટણી 2024ની તૈયારીઓ શરુ થઈ ગઈ છે. એવું માનવામાં આવે છે કે ફેબ્રુઆરી મહિનામાં જ ચૂંટણી પંચ દ્વારા લોકસભા ચૂંટણીની તારીખોની જાહેરાત કરવામાં આવી શકે છે. આવી સ્થિતિમાં, ભારતના ચૂંટણી પંચે શુક્રવારે દેશના કેટલા લોકો લોકસભા ચૂંટણી 2024માં મતદાન કરવા માટે લાયક છે તેની માહિતી શેર કરી છે. આ સાથે પંચે પ્રથમ વખત મતદાન કરનારા લોકોની સંખ્યા પણ શેર કરી છે.
દેશના કેટલા લોકો મતદાન કરી શકશે?
ભારતના ચૂંટણી પંચે માહિતી આપી છે કે લગભગ 97 કરોડ ભારતીયો આ વર્ષની લોકસભા ચૂંટણીમાં મતદાન કરવા માટે લાયક છે. પંચના જણાવ્યા અનુસાર, છેલ્લી લોકસભા ચૂંટણી 2019 થી નોંધાયેલા મતદારોની સંખ્યામાં છ ટકાનો વધારો થયો છે. ચૂંટણી પંચે કહ્યું છે કે વિશ્વનો સોથી મોટો મતદાતા વર્ગ લગભગ 96.88 કરોડ મતદારોએ આગામી સામાન્ય ચૂંટણીઓ માટે મતદાન કરવા માટે નોંધણી કરાવી છે.
View this post on Instagram
નવા મતદારોની સંખ્યા કેટલી?
દેશના મુખ્ય ચૂંટણી કમિશનર રાજીવ કુમારે એક પ્રેસ કોન્ફરન્સમાં દરેક તબક્કે રાજકીય પક્ષોની ભાગીદારી સાથે મતદાર યાદીની સુધારણા સાથે સંકળાયેલા વિવિધ કાર્યો વિશે માહિતી આપી હતી. તેમણે માહિતી આપી છે કે 18 થી 29 વર્ષની વયજૂથના બે કરોડથી વધુ યુવા મતદારો મતદાર યાદીમાં ઉમેરાયા છે. આ સાથે મતદાર યાદીની ચોકસાઈ અને પવિત્રતા પર ખાસ ભાર મુકવામાં આવ્યો છે.
આ પણ વાંચો: આમ આદમી પાર્ટી પણ ઈન્ડી ગઠબંધનને કરશે બાયબાય?
