નવી દિલ્હી, 8 ફેબ્રુઆરી : ભારતની સંઘીય ચૂંટણીઓમાં દખલગીરીના કેનેડાના આરોપો પર ભારત સરકારે આકરી પ્રતિક્રિયા આપી છે. ભારતીય વિદેશ મંત્રાલયે કહ્યું છે કે અમે આવા વાહિયાત આરોપોને સંપૂર્ણપણે ફગાવીએ છીએ. સત્ય એ છે કે કેનેડા આપણી આંતરિક બાબતોમાં દખલ કરી રહ્યું છે.
ગુરુવારે આયોજિત વિદેશ મંત્રાલયની સાપ્તાહિક પ્રેસ કોન્ફરન્સમાં જ્યારે વિદેશ મંત્રાલયના પ્રવક્તા રણધીર જયસ્વાલને પૂછવામાં આવ્યું કે, કેનેડિયન એજન્સી ત્યાંની ચૂંટણીમાં ભારતના સંભવિત દખલની તપાસ કરી રહી છે અને ત્યાંની સરકારને ભારત સંબંધિત માહિતી પ્રદાન કરવા વિનંતી કરી રહી છે. કેટલાક કેનેડાના સાંસદોએ પણ આ મુદ્દો ઉઠાવ્યો છે. શું તમે આ અંગે ટિપ્પણી કરવા માંગો છો?
આના જવાબમાં તેમણે કહ્યું, અમે કેટલાક મીડિયા અહેવાલો પણ જોયા છે જેમાં કેનેડિયન કમિશન દ્વારા તપાસની વાત કરવામાં આવી છે. અમે આવા વાહિયાત આરોપોને સંપૂર્ણપણે ફગાવીએ છીએ કે કેનેડાની ચૂંટણીમાં ભારતે હસ્તક્ષેપ કર્યો છે. આ તેની નીતિ નથી. ભારત સરકાર અન્ય દેશોની લોકતાંત્રિક પ્રક્રિયાઓમાં દખલગીરી કરે. સત્ય તો એ છે કે તેનાથી વિપરીત, કેનેડા આપણી આંતરિક બાબતોમાં દખલ કરી રહ્યું છે. અને અમે સમયાંતરે કેનેડાની સરકાર સમક્ષ આ મુદ્દો ઉઠાવીએ છીએ.
ઉલ્લેખનીય છે કે, કેનેડિયન ન્યૂઝ વેબસાઈટ ગ્લોબલ ન્યૂઝ અનુસાર, કેનેડાની ટોચની વિદેશી ગુપ્તચર એજન્સીએ તેના રિપોર્ટમાં આરોપ લગાવ્યો છે કે ભારતે દેશની ચૂંટણીમાં સંભવિત હસ્તક્ષેપ કર્યો છે. તેના અહેવાલમાં, ગુપ્તચર એજન્સીએ ભારતને ‘વિદેશી હસ્તક્ષેપનો ખતરો’ ગણાવ્યો છે અને સરકારને દેશની લોકતાંત્રિક સંસ્થાઓ અને પ્રક્રિયાઓની સુરક્ષા માટે વધુ કરવા કહ્યું છે. રિપોર્ટમાં એમ પણ કહેવામાં આવ્યું છે કે જો આ મામલે હસ્તક્ષેપ નહીં કરવામાં આવે તો સ્થિતિ વધુ બગડશે. આ પહેલીવાર છે જ્યારે કેનેડામાં યોજાયેલી ચૂંટણીમાં ભારત પર હસ્તક્ષેપ કરવાનો આરોપ લાગ્યો છે. અગાઉ ચીન અને રશિયા પર કેનેડાની રાજનીતિમાં હસ્તક્ષેપ કરવાનો આરોપ લાગ્યો હતો.
