RBI મોનિટરી પોલિસી: રેપોરેટ 6.5 ટકા પર સ્થિર રાખવામાં આવ્યો

• RBIએ વ્યાજ દરો રાખ્યા યથાવત, લોનની EMI વધશે નહીં

નવી દિલ્હી, 8 ફેબ્રુઆરી: ભારતીય રિઝર્વ બેંક (RBI) (MPC મીટિંગ પરિણામો)ની નાણાકીય નીતિ સમિતિની બેઠકના પરિણામો જાહેર કરવામાં આવ્યા છે. બેઠકમાં લેવાયેલા નિર્ણયોની માહિતી આપતા રિઝર્વ બેંક ઓફ ઈન્ડિયાના ગવર્નર શક્તિકાંત દાસે કહ્યું છે કે, આ વખતે પણ રેપોરેટમાં કોઈ ફેરફાર કરવામાં આવ્યો નથી, એટલે કે આ દરોને 6.5 ટકા પર યથાવત રાખવામાં આવ્યા છે. જેનો અર્થ એ છે કે તમારી EMIમાં કોઈ ફેરફાર થશે નહીં. બેઠકમાં હાજર છમાંથી પાંચ સભ્યો રેપો રેટ યથાવત રાખવાની તરફેણમાં હતા.

VIDEO | “After a detail assessment of the evolving micro-economic and financial developments and the outlook, the Monetary Policy Committee (MPC) decided by a 5:1 majority to keep the policy rate unchanged at 6.5 per cent,” says RBI Governor Shaktikanta Das. #MPC… pic.twitter.com/WU9xSSzHoT

— Press Trust of India (@PTI_News) February 8, 2024

RBIની મોનિટરી પોલિસી મિટિંગ (MPC) બાદ રિઝર્વ બેંકના ગવર્નર શક્તિકાંત દાસે સવારે 10 વાગ્યે MPC મીટિંગના પરિણામોની જાહેરાત કરી હતી અને આ વખતે પણ રેપોરેટમાં કોઈ ફેરફાર કરવામાં આવ્યો નથી. આ બેઠક 6 ફેબ્રુઆરીએ શરૂ થઈ હતી.

રિવર્સ રેપોરેટને પણ સ્થિર રાખવામાં આવ્યો

રિઝર્વ બેંક ઓફ ઈન્ડિયા (RBI)એ ગયા વર્ષે 8 ફેબ્રુઆરી, 2023ના રોજ રેપો રેટમાં છેલ્લે વધારો કર્યો હતો. ત્યારબાદ આરબીઆઈએ તેમાં 25 બેસિસ પોઈન્ટ અથવા 0.25 ટકાનો વધારો કરીને 6.5 ટકા કર્યો હતો. ત્યારથી, આ દરો સતત છ એમપીસી મીટિંગમાં યથાવત રાખવામાં આવ્યા છે અને આ વખતે પણ પહેલાથી જ એવી અપેક્ષા રાખવામાં આવી હતી કે તેમાં કોઈ ફેરફાર થશે નહીં. રેપો રેટની સાથે, રિઝર્વ બેંકે રિવર્સ રેપોરેટને 3.35% પર સ્થિર રાખ્યો છે. માર્જિનલ સ્ટેન્ડિંગ ફેસિલિટી (MSF) દર અને બેંક દર 6.75% પર રાખ્યો છે. જ્યારે, સ્ટેન્ડિંગ ડેપોઝિટ ફેસિલિટી (SDF) દર 6.25% પર સ્થિર છે.

#WATCH | RBI Governor Shaktikanta Das says, “…The Reserve Bank undertook six fine-tuning variable rate reverse repo auctions, that is, VRRR auctions from February 2 to February 7, 2024 to absorb surplus liquidity. Financial market segments have adjusted to the evolving… pic.twitter.com/j5WLX1zJDy

— ANI (@ANI) February 8, 2024

GDP ગ્રોથ 7% રહેવાની ધારણા

રેપોરેટને સ્થિર રાખવાની જાહેરાતની સાથે RBI ગવર્નર શક્તિકાંત દાસે મોંઘવારી અંગે જણાવ્યું હતું કે મોનેટરી પોલિસી કમિટી ખાદ્ય ચીજોની કિંમતો (ફૂડ ઈન્ફ્લેશન) પર નજર રાખી રહી છે. મોંઘવારીમાં મંદી છે. આ જોતાં MPCની બેઠકમાં ફુગાવાનો લક્ષ્યાંક 4 ટકા જાળવવામાં આવ્યો છે. GDP ગ્રોથ અંગે ગવર્નર શક્તિકાંત દાસે જણાવ્યું હતું કે, FY24માં ભારતનો વાસ્તવિક GDP ગ્રોથનો અંદાજ 7 ટકાથી ઉપર રાખવામાં આવ્યો છે. અગાઉના અંદાજમાં પણ રિઝર્વ બેન્કે તેને 7.3 ટકા પર રાખ્યો હતો. આ સાથે તેમણે કહ્યું કે, ગ્રામીણ ક્ષેત્રમાં માંગ સતત મજબૂતી બતાવી રહી છે.

#WATCH | RBI Governor Shaktikanta Das says, “Amidst the current headwinds elevated levels of public debt are raising serious concerns on macroeconomic stability in many countries, including some of the advanced economies. The global public debt to GDP ratio is projected to reach… pic.twitter.com/hO11C9rO96

— ANI (@ANI) February 8, 2024

FY25 માટે છૂટક ફુગાવાનો દર 4.5% હોવાનો અંદાજ છે. જ્યારે FY24 માટે છૂટક ફુગાવાનો અંદાજ 5.4% પર જાળવવામાં આવ્યો છે. આ સિવાય આરબીઆઈએ નાણાકીય વર્ષ 2025ના પ્રથમ ત્રિમાસિક ગાળા માટે જીડીપી ગ્રોથનો અંદાજ 6.7%થી વધારીને 7.2% કર્યો છે. જ્યારે બીજા ક્વાર્ટરમાં જીડીપીનો અંદાજ 6.5%થી વધારીને 6.8% કરવામાં આવ્યો છે. ત્રીજા ક્વાર્ટરમાં તેને 6.4%થી વધારીને 7% અને ચોથા ક્વાર્ટરમાં 6.9% કરવામાં આવ્યો છે.

#WATCH | RBI Governor Shaktikanta Das says, “Global growth is expected to remain steady in 2024, with heterogeneity across regions. Though global trade momentum remains weak, it is exhibiting signs of recovery and is likely to grow faster in 2024. Inflation has softened… pic.twitter.com/gxbg1P11Pn

— ANI (@ANI) February 8, 2024

કેવી રીતે રેપોરેટ EMIને કરે છે અસર ?

રેપોરેટ એ દર છે કે, જેના પર દેશની મધ્યસ્થ બેંક ભંડોળની અછતના કિસ્સામાં વ્યાપારી બેંકોને નાણાં ધિરાણ પર આપે છે. રેપોરેટનો ઉપયોગ મોનેટરી ઓથોરિટી દ્વારા ફુગાવાને નિયંત્રિત કરવા માટે કરવામાં આવે છે. હકીકતમાં, રેપોરેટની અસર સામાન્ય લોકો દ્વારા બેંકોમાંથી લેવામાં આવેલી લોનની EMI પર જોવા મળે છે. જો રેપોરેટમાં ઘટાડો થાય છે તો સામાન્ય લોકોની હોમ અને કાર લોનની EMI ઘટે છે અને જો રેપોરેટ વધે છે તો કાર અને હોમ લોનના ભાવ વધે છે.

દેશની અર્થવ્યવસ્થા મજબૂત

ગવર્નર શક્તિકાંત દાસે વધુમાં જણાવ્યું હતું કે, છેલ્લા એક વર્ષથી ભારતીય ચલણમાં સ્થિરતા છે અને ભવિષ્યમાં પણ તે એવી જ રહેશે. તેમણે કહ્યું કે, સપ્લાય ચેઈનને લગતા નવા ઝટકાઓ પર સતર્ક રહેવાની જરૂર છે. આ વર્ષે હેડલાઇન ફુગાવો નોંધપાત્ર અસ્થિરતા સાથે ઊંચો છે અને 4%નો લક્ષ્યાંક હજુ સુધી હાંસલ થયો નથી. જોકે વૈશ્વિક સ્તરે અનિશ્ચિતતા વચ્ચે દેશની અર્થવ્યવસ્થા મજબૂતી બતાવી રહી છે. તેમણે કહ્યું કે, દેશનો આર્થિક વિકાસ ઝડપી થઈ રહ્યો છે અને તે મોટા ભાગના અનુમાનોથી આગળ છે.

આ પણ જુઓ: ભારત અને રશિયા દ્વારા બનાવવામાં આવી રહેલી બ્રહ્મોસ-NG મિસાઇલ કેટલી શક્તિશાળી હશે