શું બિહારમાં નીતિશ સાથે “ખેલા” થઈ જશે? વિધાનસભા સ્પીકર રાજીનામું આપવા નથી તૈયાર

• NDA સરકારે વિધાનસભામાં વિશ્વાસ મત સાબિત કરવો પડશે
• ગૃહને વર્તમાન સ્પીકર પર કોઈ વિશ્વાસ રહ્યો નથી : ભાજપ

બિહાર, 7 ફેબ્રુઆરીઃ બિહારમાં નીતિશ કુમારની આગેવાની હેઠળની એનડીએ સરકારે 12 ફેબ્રુઆરીએ વિધાનસભામાં વિશ્વાસ મત સાબિત કરવો પડશે. જોકે, વિધાનસભાના વર્તમાન સ્પીકર અને આરજેડી નેતા અવધ બિહારી ચૌધરીએ રાજીનામું આપવાનો ઈન્કાર કરી દીધો છે.

બિહારમાં થોડા દિવસ પહેલા જ રાજકીય ઉથલ પાથલ થઈ છે. રાજ્યના સી.એમ નીતિશ કુમાર, લાલુ પ્રસાદ યાદવની આરજેડીનો સાથ છોડીને ભાજપમાં જોડાયા છે. આ સાથે નીતિશે નવમી વખત બિહારના સીએમ તરીકે શપથ લીધા છે. આ પછી, નવી સરકારની પ્રથમ કસોટી 12 ફેબ્રુઆરીએ વિધાનસભામાં થશે જ્યારે તેણે વિશ્વાસનો મત સાબિત કરવાનો રહેશે. જો કે આ પહેલા પણ એક મોટી સમસ્યા ઉભી થઇ છે. બિહાર વિધાનસભાના વર્તમાન સ્પીકર અને આરજેડી નેતા અવધ બિહારી ચૌધરીએ સ્પષ્ટ કહ્યું છે કે તેઓ રાજીનામું નહીં આપે.

અવિશ્વાસની દરખાસ્ત અંગે માહિતી મેળવી

વિધાનસભાના અધ્યક્ષ અવધ બિહારી ચૌધરીએ કહ્યું છે કે તેઓ તેમના પદ પરથી રાજીનામું આપી રહ્યા નથી. તેમને આજે અવિશ્વાસ પ્રસ્તાવ અંગે માહિતી મળી છે. તેમણે કહ્યું કે સંચાલનના નિયમો અનુસાર હું અવિશ્વાસ પ્રસ્તાવ પર મતદાન ન થાય ત્યાં સુધી આ પદ પર રહી શકું છું. જ્યારે પૂછવામાં આવ્યું કે ભાજપ કહે છે કે તેઓએ રાજીનામું આપવું જોઈએ, તો સ્પીકર અવધ બિહારીએ કહ્યું કે શા માટે રાજીનામું આપવું જોઈએ, તે કહેવું તેમનું કામ છે.

વર્તમાન પ્રમુખ પર ભાજપમાં અવિશ્વાસ

તાજેતરમાં જ ભાજપના નંદકિશોર યાદવે બિહાર વિધાનસભાના અધ્યક્ષ અવધ બિહારી ચૌધરી વિરુદ્ધ અવિશ્વાસ પ્રસ્તાવની નોટિસ વિધાનસભા સચિવને આપી હતી. નોટિસમાં કહેવામાં આવ્યું છે કે નવી સરકાર સત્તામાં આવ્યા બાદ આ ગૃહને વર્તમાન સ્પીકર અવધ બિહારી ચૌધરી પર કોઈ વિશ્વાસ રહ્યો નથી. નોટિસમાં પૂર્વ મુખ્યમંત્રી જીતન રામ માંઝી, પૂર્વ ડેપ્યુટી સીએમ તારકિશોર પ્રસાદ, જેડીયુના વિનય કુમાર ચૌધરી, રત્નેશ સદા સહિત ઘણા ધારાસભ્યોના હસ્તાક્ષર પણ છે.

શું છે વિધાનસભાનું સમીકરણ ?

બિહાર વિધાનસભામાં શાસક પક્ષને 128 ધારાસભ્યોનું સમર્થન છે જ્યારે વિપક્ષના મહાગઠબંધનને 114 ધારાસભ્યોનું સમર્થન છે. AIMIM ધારાસભ્ય અખ્તરુલ ઈમાન કોઈ ગઠબંધન સાથે નથી. સ્પીકર અવધ બિહારી ચૌધરી આરજેડીના ધારાસભ્ય છે. એસેમ્બલીના પ્રોસિજર એન્ડ કન્ડક્ટ ઓફ બિઝનેસ રૂલ્સના નિયમ 110 હેઠળ સ્પીકરને હટાવવાનો ઠરાવ છે.

આ પણ વાંચો : ઝારખંડ બાદ હવે બિહાર કોંગ્રેસના ધારાસભ્યોને પણ હૈદરાબાદ મોકલાયા