મહિલાઓમાં ઘટ્યો પ્રસવકાળ, નિર્ધારિત સમય પહેલા બાળકોનો થઇ રહ્યો છે જન્મ

અમેરિકા, 07 ફેબ્રુઆરી : સામાન્ય રીતે મહિલાઓનો પ્રસવકાળ(Childbirth) 40 મહિનાનો હોય છે. જો કે અમેરિકામાં(America) બાળકોના જન્મને(Childbirth) લઈને એક વિચિત્ર સ્થિતિ સર્જાઈ છે. ડોક્ટરો પણ આનું કારણ સમજી શકતા નથી. હકીકતમાં, અમેરિકામાં, બાળકોનો જન્મ નિર્ધારિત સમય કરતાં 3 અઠવાડિયા પહેલા થઈ રહ્યો છે. આ અંગે સીડીસી સંશોધન બહાર પાડવામાં આવ્યું છે. આ રિસર્ચ રિપોર્ટ અનુસાર, અમેરિકામાં 40 અઠવાડિયાનો ગર્ભકાળ હવે ઘટીને 37 અઠવાડિયા થઈ ગયો છે. આશ્ચર્યની વાત તો એ છે કે આવું કેમ થઈ રહ્યું છે તેનું કારણ ખુદ ડૉક્ટરો પણ શોધી શક્યા નથી.

પ્રીમેચ્યોર જન્મના દરમાં 12 ટકાનો વધારો થયો છે

જો વર્ષ 2014 સાથે સરખામણી કરવામાં આવે તો 2014 થી 2022 વચ્ચે પ્રીમેચ્યોર બાળકોના જન્મ દરમાં(Premature birth rates) 12 ટકાનો વધારો થયો છે. જેના કારણે બાળક અને માતા બંનેને શારીરિક તકલીફો પડી રહી છે, બંને બીમાર પડી રહ્યાં છે. અકાળે જન્મેલું બાળક ચેપ, શ્વસન અને પેટની સમસ્યાઓનો સામનો કરી રહ્યું છે. રિપોર્ટ અનુસાર, અશ્વેત અને હિસ્પેનિક મહિલાઓમાં શ્વેત મહિલાઓ કરતાં પ્રિમેચ્યોર બાળકોને જન્મ આપવાનો દર વધુ છે. તે જ સમયે, મોટી ઉંમરની સ્ત્રીઓનો પ્રસૂતિનો સમયગાળો ઘટ્યો છે.

બાળકોના જન્મ સાથે જોડાયેલા આ આંકડા ઘણું બધું કહી જાય છે

જો આપણે તાજેતરના વર્ષોના અહેવાલો પર નજર કરીએ તો, વોશિંગ્ટન ઇન્સ્ટિટ્યૂટ ફોર હેલ્થ મેટ્રિક્સ એન્ડ ઇવેલ્યુએશન અનુસાર, 15 થી 19 વર્ષની વય જૂથમાં જન્મ દર એક વર્ષમાં 8% ઘટ્યો છે. તે 1991 થી સતત ઘટી રહ્યું છે. તે જ સમયે, એશિયન-અમેરિકન મહિલાઓમાં જન્મદરમાં 8%, હિસ્પેનિક મહિલાઓમાં 3% અને શ્વેત મહિલાઓમાં 6% ઘટાડો થયો છે. જ્યારે સિઝેરિયન ડિલિવરી 32% વધી છે. ગયા વર્ષે અમેરિકામાં લગભગ 36 લાખ બાળકોનો જન્મ થયો હતો. 2019માં તે 38 લાખની આસપાસ હતો. 2007માં આ આંકડો 43 લાખની આસપાસ હતો.

ચીન અને ઉત્તર કોરિયાની અલગ-અલગ સમસ્યાઓ છે

જ્યાં એક તરફ અમેરિકામાં ત્રણ અઠવાડિયા પહેલા બાળકોનો જન્મ થઈ રહ્યો છે તો બીજી તરફ ચીન અને ઉત્તર કોરિયા અલગ-અલગ સમસ્યાઓનો સામનો કરી રહ્યા છે. અહીંની સરકારો બાળકોની ઓછી સંખ્યાને લઈને ટેન્શનમાં છે. ચીનના રાષ્ટ્રપતિ શી જિનપિંગે પોતે લોકોને લગ્ન કરવા અને વધુ બાળકો પેદા કરવાનું કહ્યું છે.

આ પણ વાંચોઃ સમાન નાગરિક ધારો – UCC વિશે તમે જાણવા માગો એ બધું અહીં વાંચો