બનાસકાંઠા : ડીસાના બેકરી કુવા વ્હોળામાં રહેણાંકમાં શોર્ટ સર્કિટથી આગ લાગતા દોડધામ

પાલનપુર 3 ફેબ્રુઆરી 2024 :ડીસાના બેકરી કુવા વ્હોળા વિસ્તારમાં એક મકાનમાં શોર્ટ સર્કિટથી આગ લાગતા અફડા તફડી મચી હતી બનાવની પગલે નગરપાલિકાની ટીમ બનાવ સ્થળે પહોંચી આગ પર કાબુ મેળવ્યો હતો. ડીસાના બેકરી કુવા વ્હોળા વિસ્તારમાં રહેતા રામાભાઇ મધાજી રાજપુત મજૂરી કામ કરી પરિવારનુ ગુજરાન ચલાવે છે. તેમજ આજે અચાનક ઘરમાં શોર્ટ સર્કિટ થતાં અચાનક આગ ભભુકી ઉઠી હતી અને જોત જોતામાં આખા ઘરમાં આગ પ્રસરી ગઈ હતી બનાવને પગલે પરિવારના સભ્યો સહિત આજુબાજુના લોકોએ દોડી આવી રાહત કામગીરી શરૂ કરી હતી.

અચાનક ઘરમાં આગ લાગતા દોડધામ મચી ગઈ હતી ઘટનાની જાણ થતા જ ડીસા નગરપાલિકાની ફાયર ફાઇટરની ટીમ પણ બનાવ સ્થળે પહોંચી હતી. પરંતુ ત્યાં સુધીમાં ઘરવખરીનો સંપૂર્ણ માલ સમાન બનીને ખાખ થઈ ગયો હતો. આગની ઘટનામાં મોટી દુર્ઘટના ટળી હતી પરંતુ અનાજ સહિતનો માલ સામાન અને ઘરવખરી બળીને ખાખ થઈ જતા ગરીબ પરિવારને મોટુ નુકસાન સહન કરવાનો વારો આવ્યો છે.

આ પણ વાંચો : બનાસકાંઠા : ડીસામાં ઓવરબ્રિજ નીચે બિસ્માર સર્વિસરોડથી વાહનચાલકો ત્રાહીમામ