ઉદ્યોગપતિએ વીડિયો શેર કરીને કહ્યું: આ સ્ટાર્ટઅપમાં રોકાણ કરવા જેવું છે
- સ્ટાર્ટઅપ શરૂ કરવા માંગતા હોય તેવા લોકો માટે એક સારી તક
- આનંદ મહિન્દ્રાએ નવા સ્ટાર્ટઅપમાં રોકાણ કરવાની તૈયારી બતાવી
નવી દિલ્હી, 2 ફેબ્રુઆરી: નવું સ્ટાર્ટઅપ શરૂ કરવા માંગતા લોકો માટે એક સારી તક છે. જેમણે ફક્ત આ વાતને ધ્યાનમાં રાખીને પોતાનું સ્ટાર્ટઅપ શરૂ કરવું પડશે. આ સ્ટાર્ટઅપમાં રોકાણ કરવા મહિન્દ્રા એન્ડ મહિન્દ્રા કંપનીના માલિક આનંદ મહિન્દ્રાએ તૈયારી બતાવી છે. આનંદ મહિન્દ્રાએ આ નવા સ્ટાર્ટઅપનો વીડિયો સોશિયલ મીડિયા પ્લેટફોર્મ પર શેર કર્યો છે. જે હાલ સોશિયલ મીડિયામાં વાયરલ થઈ રહ્યો છે. ટેકનોલોજી અને વિજ્ઞાનના આજના યુગમાં સૌથી મોટો પડકાર પ્રકૃતિને બચાવવાનો છે. આ માટે વિવિધ પ્રકારની નવીનતાઓ કરવામાં આવી રહી છે. ઘણા અભિયાનો અને NGO ચલાવવામાં આવી રહ્યા છે. આ સાથે વૈશ્વિક સ્તરે પણ કામ થઈ રહ્યું છે. દરેક દેશની સરકાર હવા, માટી, જંગલો, વૃક્ષો, છોડ અને નદીઓને સ્વચ્છ રાખવા માટે યુદ્ધના ધોરણે કામ કરી રહી છે. આપણા દેશમાં પણ સ્વચ્છ ગંગાનો સૌથી મોટો પ્રોજેક્ટ ચાલી રહ્યો છે. જેમાં દેશની તમામ નદીઓને સ્વચ્છ અને શુદ્ધ રાખવા અપીલ કરવામાં આવી રહી છે. નદીઓની સફાઈ માટે અનેક મશીનોનો ઉપયોગ કરવામાં આવી રહ્યો છે. જે નદીઓમાં ફેલાતા કચરાને સાફ કરે છે.
Autonomous robot for cleaning rivers.
Looks like it’s Chinese?
We need to make these….right here…right now..
If any startups are doing this…I’m ready to invest…
— anand mahindra (@anandmahindra) February 2, 2024
પાણી સાફ કરતા રોબોટનો વીડિયો થયો વાયરલ
હાલમાં જ સોશિયલ મીડિયા પર પાણી સાફ કરતા રોબોટનો વીડિયો વાયરલ થઈ રહ્યો છે જે પાણીમાં તરતો કચરો ખેંચી લે છે. જેના કારણે સમગ્ર નદીની સફાઈ કરવામાં થઈ રહી છે. આ મશીન ફ્લોટિંગ રોબોટ જેવું છે જેને ચાલુ કરીને પાણીમાં છોડી દેવામાં આવે છે. આ રોબોટ એન્ટિફોગ લાઇટ્સ અને પેનોરેમિક ઝૂમ કેમેરાથી સજ્જ છે, જે તમામ હવામાન પરિસ્થિતિઓમાં ચલાવી શકાય છે. આ મશીનમાં સોલાર પેનલની સીરિઝ અને ડબલ હેલિક્સ મોટર લગાવવામાં આવી છે. તે મશીનમાં સંપૂર્ણ રીતે ડૂબીને પણ કામ કરી શકે છે. આ મશીનથી એક દિવસમાં 600 કિલો જેટલો કચરો સાફ કરી શકાય છે. એટલે કે દર વર્ષે 200 ટન કચરો સાફ કરી શકાય છે.
આનંદ મહિન્દ્રાએ આ વીડિયો કર્યો શેર
આનંદ મહિન્દ્રાએ માઇક્રોબ્લોગિંગ સાઇટ X(ટ્વિટર) પર આ મશીનનો વીડિયો શેર કર્યો છે અને વીડિયો શેર કરીને તેમણે દેશના યુવાનોને આવા મશીન બનાવવા માટે પ્રોત્સાહિત કર્યા છે. તેમણે કહ્યું છે કે, જે આ પ્રકારના સ્ટાર્ટઅપ્સ કરી શકે છે તેણે કરવું જોઈએ, હું રોકાણ કરવા તૈયાર છું. કેપ્શનમાં તેણે લખ્યું- “નદીઓની સફાઈ માટે ઓટોનોમસ રોબોટ્સ. એવું લાગે છે કે તે ચાઈનીઝ છે? આપણે આવા મશીનો બનાવવાની જરૂર છે. જો કોઈ સ્ટાર્ટઅપ આવું કરી રહ્યું હોય તો હું રોકાણ કરવા તૈયાર છું.” માત્ર કલાકો પહેલા જ શેર કરવામાં આવેલા આ વિડિયોને અત્યાર સુધીમાં 30 હજાર લોકોએ જોયો છે અને 18 હજાર લોકોએ તેને લાઈક કર્યો છે.
આ પણ જુઓ: Tendulkar I Miss You લખેલી ટીશર્ટ પહેરીને જઈ રહેલા ફેનને મળ્યા તેંડુલકર, જૂઓ વીડિયો
