વિદ્યુત જામવાલની અનોખી ફિલ્મ જંગલીનું ટીઝર રીલીઝ, જુઓ વીડિયો

• ‘જંગલી’ એક એક્શન થ્રિલર છે, જે મનુષ્ય અને હાથીઓ વચ્ચેના અદ્ભુત સંબંધની વાર્તા પર આધારિત છે. વિદ્યુતની આ ફિલ્મની આતુરતાથી રાહ જોવાઈ રહી છે.

બોલિવુડ અભિનેતા વિદ્યુત જામવાલની આગામી ફિલ્મ ‘જંગલી’નું ટીઝર રિલીઝ થઈ ગયું છે. ટીઝરની સાથે ફિલ્મની નવી પોસ્ટ પણ રીલીઝ કરવામાં આવી છે. ટીઝરની વાત કરીએ તો વિદ્યુત જામવાલ હાથીની સામે એક્શન કરતો જોવા મળશે અને બેકગ્રાઉન્ડમાં ‘વક્રતુંડ મહાકાય’ મંત્રનું ઉચ્ચારણ સંભળાય છે.

વિદ્યુત મંત્ર અનુસાર એક્શન કરતો જોવા મળે છે. વિદ્યુતે સોશિયલ મીડિયા પર ટ્વિટ દ્વારા ફિલ્મનું ટીઝર દર્શકો સાથે શેર કર્યું છે. ફિલ્મ વિશે વાત કરીએ તો, ‘જંગલી’ એક એક્શન થ્રિલર છે, જે મનુષ્ય અને હાથીઓ વચ્ચેના અદ્ભુત સંબંધની વાર્તા પર આધારિત છે. વિદ્યુતની આ ફિલ્મની આતુરતાથી રાહ જોવાઈ રહી છે.

વિદ્યુતે કરી છે અઢળક મહેનત

આ એક્શન ફિલ્મ માટે વિદ્યુતે ઘણી મહેનત કરી છે. ફિલ્મની તૈયારી સમયનો વિદ્યુતનો એક વીડિયો સોશિયલ મીડિયા પર ચાહકોમાં ખૂબ જ લોકપ્રિય થઈ રહ્યો છે, જેમાં વિદ્યુત ચાર બોટલ ઉપર એક્સર્સાઈઝ કરી રહ્યો છે. તે આ ખાલી બોટલો પર પોતાનું વજન નાખીને પુશઅપ કરી રહ્યો છે. આ ફિલ્મમાં વિદ્યુત એક પ્રાણીઓના ડોક્ટરની ભૂમિકા ભજવી રહ્યો છે, જે હાથી રિઝર્વમાં શિકારીઓ સામે લડે છે.

સ્ટાર કાસ્ટની વાત કરીએ તો તેમાં વિદ્યુત જામવાલ સાથે આશા ભટ્ટ, વિશ્વનાથ ચેટર્જી, કુમકુમ દાસ અને ગૌરવ દેસાઈ છે. આ ફિલ્મમાં ગૌરવ દેસાઈ રામની ભૂમિકામાં છે.

આ પણ વાંચોઃ બાબા રામદેવના વેક્સ સ્ટેચ્યૂનું અનાવરણ, મેડમ તુસાદ મ્યુઝિયમમાં સ્થાપિત કરાશે પ્રતિમા