Realme 12 Pro 5G અને Realme 12 Pro Plus 5G લોન્ચ, જાણો- બન્ને ફોનમાં શું છે ખાસ?
29 જાન્યુઆરી, 2024: Realme કંપનીએ Realme 12 Pro 5G અને Realme 12 Pro Plus 5G સ્માર્ટફોન લોન્ચ કર્યા છે. કંપનીએ બંને નવા સ્માર્ટફોન Realme UI 5.0 કસ્ટમ સ્કીન અને ટ્રિપલ રીઅર કેમેરા સેટઅપ સાથે લોન્ચ કર્યા છે. મહત્વના ફીચર્સની વાત કરીએ તો પ્લસ વેરિઅન્ટમાં સ્નેપડ્રેગન 7 જનરેશન પ્રોસેસર આપવામાં આવ્યું છે, જ્યારે સ્નેપડ્રેગન 6 જનરેશન પ્રોસેસર સ્ટાન્ડર્ડ વેરિઅન્ટમાં આપવામાં આવ્યું છે. ખાસ વાત એ છે કે Realme 12 Pro Plus 5G સ્માર્ટફોનમાં 12 GB સુધી વર્ચ્યુઅલ રેમ સપોર્ટનો લાભ મળશે.
ભારતમાં Realme 12 Pro Plus 5G ની કિંમત
આ Realme ફોનના 8 GB RAM/128 GB સ્ટોરેજ વેરિઅન્ટની કિંમત 29,999 રૂપિયા છે. આ ડિવાઇસના 8 જીબી રેમ / 256 જીબી સ્ટોરેજ વેરિઅન્ટની કિંમત 31,999 રૂપિયા હશે અને 12 જીબી રેમ / 256 જીબી સ્ટોરેજવાળા ટોપ વેરિઅન્ટને ખરીદવા માટે તમારે 33,999 રૂપિયા ખર્ચવા પડશે.
ભારતમાં Realme 12 Pro 5G ની કિંમત
આ ફોનના 8 જીબી રેમ / 128 જીબી મોડલની કિંમત 25,999 રૂપિયા છે. 8 જીબી રેમ / 256 જીબી સ્ટોરેજવાળા આ ડિવાઇસના ટોપ મોડલની કિંમત 26,999 રૂપિયા છે. ઉપલબ્ધતા વિશે વાત કરીએ તો, Realme 12 Pro 5G સિરીઝનું વેચાણ આવતા મહિને 6 ફેબ્રુઆરીથી કંપનીની સત્તાવાર વેબસાઇટ અને ફ્લિપકાર્ટ પર બપોરે 12 વાગ્યાથી શરૂ થશે.
Realme 12 Pro Plus 5G સ્પેસિફિકેશન્સ
ડિસ્પ્લે: આ ફોનમાં 120 Hz રિફ્રેશ રેટ અને 800 nits પીક બ્રાઈટનેસ સપોર્ટ સાથે 6.7 ઈંચની ફુલ-એચડી પ્લસ OLED ડિસ્પ્લે છે.
ચિપસેટ અને રેમઃ સ્પીડ અને મલ્ટીટાસ્કિંગ માટે આ હેન્ડસેટમાં સ્નેપડ્રેગન 7 જનરેશન 2 પ્રોસેસરનો ઉપયોગ કરવામાં આવ્યો છે. આટલું જ નહીં ડાયનેમિક રેમ ફીચરની મદદથી રેમને 24 જીબી સુધી વધારી શકાય છે.
કેમેરા સેટઅપ: પાછળના ભાગમાં 50 મેગાપિક્સલનો સોની IMX 890 કેમેરા, 64 મેગાપિક્સલ ઓમ્નીવિઝન OV64B કેમેરા સેન્સર અને 8 મેગાપિક્સલનો અલ્ટ્રા-વાઇડ એંગલ કેમેરા સાથે. આગળના ભાગમાં 32-મેગાપિક્સલનો સેલ્ફી કેમેરા છે જે 120X ડિજિટલ ઝૂમને સપોર્ટ કરે છે.
બેટરીઃ ફોનમાં લાઈફ લાવવા માટે 67 વોટ ફાસ્ટ ચાર્જ સપોર્ટ સાથે 5000 એમએએચની બેટરી આપવામાં આવી છે, કંપનીનો દાવો છે કે ફોનની બેટરી માત્ર 48 મિનિટમાં 0 થી 100 ટકા સુધી ચાર્જ થઈ જાય છે.
Realme 12 Pro 5G સ્પેસિફિકેશન્સ
ડિસ્પ્લે: ફોનમાં 120 હર્ટ્ઝ રિફ્રેશ રેટ સપોર્ટ સાથે 6.7-ઇંચની ફુલ-એચડી પ્લસ OLED ડિસ્પ્લે છે જે 800 nits પીક બ્રાઇટનેસને સપોર્ટ કરે છે.
ચિપસેટ અને રેમઃ સ્નેપડ્રેગન 6 જનરેશન 1 પ્રોસેસરનો ઉપયોગ સ્પીડ અને મલ્ટીટાસ્કિંગ માટે આ મોડલમાં કરવામાં આવ્યો છે. ડાયનેમિક રેમ ફીચરની મદદથી રેમને 16 જીબી સુધી વધારી શકાય છે.
કેમેરાઃ 50 મેગાપિક્સલ સોની IMX 882 સેન્સર પાછળના ભાગમાં આપવામાં આવ્યું છે, તેની સાથે 32 મેગાપિક્સલનો Sony IMX709 સેન્સર અને 8 મેગાપિક્સલનો અલ્ટ્રા-વાઇડ સેન્સર છે. ફ્રન્ટમાં 16-મેગાપિક્સલનો સેલ્ફી કેમેરો ઉપલબ્ધ છે.
બેટરી: 5000 mAh બેટરી ફોનમાં જીવંતતા લાવે છે જે 67 વોટ ફાસ્ટ ચાર્જને સપોર્ટ કરે છે.
