સરદારજીનો જોવા મળ્યો અનોખો અંદાજ, જુઓ વીડિયો
પંજાબ, 29 જાન્યુઆરી : દુનિયાભરમાં એવા ઘણા લોકો છે જેઓ પોતાની પ્રતિભાના કારણે લોકોને આશ્ચર્યચકિત કરતાં રહે છે. કેટલાક લોકો એવા હોય છે જે વિચિત્ર કરતબો કરીને લોકોના હોશ ઉડાડી દે છે. તાજેતરમાં સરદારજીનો આવો જ એક વીડિયો ઈન્ટરનેટ પર ધૂમ મચાવી રહ્યો છે. વીડિયોમાં સરદારજી જે રીતે રોડ પર પોતાની બુલેટ ચલાવી રહ્યા છે તે જોઈને લોકો આશ્ચર્યચકિત થઈ ગયા છે અને હસવા પણ લાગ્યા છે. વીડિયોમાં ચાલતી બુલેટ પર બેસવાની સરદારજીની સ્ટાઈલે લોકોનું ધ્યાન ખેંચ્યું છે.
બુલેટની બનાવી ટેસ્લા
આ દિવસોમાં પંજાબની સડકો પર કેપ્ચર થયેલો એક વીડિયો ઈન્ટરનેટ પર ખૂબજ વાયરલ થઈ રહ્યો છે, જેને જોઈને તમે પણ એક મિનિટ માટે દંગ રહી જશો. કેટલાક લોકો આ વીડિયોની મજા લેતા કહે છે કે ભારતના લોકો કોઈપણ ગાડીને ટેસ્લામાં બદલી શકે છે. એવું માનવામાં આવે છે કે આ વીડિયો પટિયાલ-સમાના રોડનો છે. વાયરલ થઈ રહેલા આ વીડિયોમાં સરદારજી ખૂબ જ શાનદાર રીતે તેમની બુલેટ પર સવારીની મજા લેતા જોવા મળે છે. વીડિયોને જોતા એવું લાગે છે કે પાછળથી આવી રહેલા એક કાર સવારે આ વીડિયોને મનોરંજન માટે પોતાના કેમેરામાં કેદ કર્યો હતો, જે હાલ સોશિયલ મીડિયા પર વાયરલ થઈ રહ્યો છે.
View this post on Instagram
વીડિયો પર લોકોની પ્રતિક્રિયા
વાયરલ વીડિયોમાં જોઈ શકાય છે કે કેવી રીતે સરદારજી તેમના પગ એક બાજુથી ક્રોસ કરીને બુલેટ પર બેઠા છે. આ વીડિયો 1000thingsinludhiana દ્વારા સોશિયલ મીડિયા પ્લેટફોર્મ ઈન્સ્ટાગ્રામ પર શેર કરવામાં આવ્યો છે. 2 દિવસ પહેલા શેર કરેલા આ વીડિયોને 1 લાખ 35 હજારથી વધુ લોકોએ લાઈક કર્યો છે. યુઝર્સ આ વીડિયો પર અલગ-અલગ પ્રકારના રિએક્શન અને ફની કોમેન્ટસ્ કરી રહ્યા છે. એક યુઝરે લખ્યું, ‘લોકો ખોટા ટેસ્લા ટેસ્લાની બૂમો પાડે છે. ભારતના લોકો એટલા ટેલેન્ટેડ છે કે તેઓ બુલેટ પણ ટેસ્લાની જેમ ચલાવી શકે છે. અન્ય એક યુઝરે લખ્યું, ‘આવો નજારો ફક્ત ભારતમાં જ જોઈ શકાય છે.’ ત્રીજા યુઝરે લખ્યું, ‘પંજાબ પોલીસ આ વ્યક્તિને ગોતે છે.’
આ પણ વાંચો : ભારતીય નૌસેનાએ અરબી સમુદ્રમાં ઈરાનના માછીમાર જહાજને ચાંચિયાઓ પાસેથી છોડાવ્યું
