બિહારમાં રાજકીય ઊથલપાથલ વચ્ચે લાલુ યાદવના સંતાનોએ આપી પ્રતિક્રિયા, શું કહ્યું?
- બિહારમાં નીતિશ કુમારે આરજેડી સાથે ચાલી રહેલી સરકારમાંથી રાજીનામું આપી દીધું છે. ત્યાર બાદ લાલુ પ્રસાદ યાદવની પુત્રી રોહિણી આચાર્ય અને પુત્ર તેજ પ્રતાપ યાદવની સાથે તેજસ્વી યાદવે પણ પ્રતિક્રિયાઓ આપી છે
પટના, 28 જાન્યુઆરી: બિહારના રાજકારણમાં મોટો બદલાવ આવ્યો છે. બિહારના મુખ્યમંત્રી નીતિશ કુમારે આરજેડી સાથેનું ગઠબંધન તોડી નાખ્યું છે અને ફરી એકવાર નીતીશ કુમાર એનડીએ ગઠબંધનની સાથે જોડાયા છે. એક તરફ નીતીશ કુમારે પોતાના પદેથી રાજ્યપાલને રાજીનામું સોંપ્યું તો બીજી તરફ તેમના શપથગ્રહણની તૈયારીઓ પણ તેજ થઈ ગઈ છે. નીતીશ કુમાર હવે બીજેપી અને અન્ય સહયોગીઓ સાથે ફરી એકવાર બિહારના સીએમ તરીકે શપથ લેવા જઈ રહ્યા છે. ત્યારે નીતિશ કુમાર બદલાતા પક્ષો પર પૂર્વ મુખ્યમંત્રી લાલુ યાદવના બાળકોની પ્રતિક્રિયા પણ આવી રહી છે.
તેજસ્વી યાદવે કહ્યું- ‘ખેલ હોના અભી બાકી’
સૌથી પહેલા તો આ સમગ્ર ઘટના પર પોતાની પ્રતિક્રિયા આપતા તેજસ્વી યાદવે કહ્યું કે સીએમ નીતિશ કુમાર આદરણીય હતા અને છે. ઘણી વસ્તુઓ તેમના (નીતીશ કુમાર) નિયંત્રણ હેઠળ નથી. તેમણે કહ્યું કે ‘મહાગઠબંધન’માં આરજેડીના સહયોગીઓ હંમેશા મુખ્યમંત્રીનું સન્માન કરે છે. મુખ્યમંત્રી તરીકે તેઓ મારી સાથે સ્ટેજ પર બેસીને પૂછતા હતા કે 2005 પહેલા બિહારમાં શું હતું? મેં ક્યારેય પ્રતિક્રિયા આપી નથી… હવે, વધુ લોકો અમારી સાથે છે. જે કામ બે દાયકામાં નહોતું થયું તે અમે બહુ ઓછા સમયમાં કર્યું છે, પછી તે નોકરીઓ હોય, જાતિની વસ્તી ગણતરી હોય, અનામતમાં વધારો વગેરે હોય. તેજસ્વીએ એમ પણ કહ્યું કે “બિહાર મેં ખેલ હોના અભી બાકી હૈ.”
તેજ પ્રતાપ યાદવે કવિતા લખી
લાલુ પ્રસાદ યાદવના પુત્ર તેજ પ્રતાપ યાદવે પણ ઈન્સ્ટાગ્રામ પર પોસ્ટ કરીને પોતાની પ્રતિક્રિયા વ્યક્ત કરી છે. તેમણે X પર એક કવિતા લખી છે, જેમાં તેમણે ‘લાગણી’ શબ્દ દ્વારા નીતિશ કુમારના ‘મૂલ્યો’ અને તેમના ‘વિચારો’ વિશે વાત કરી છે. તેજ પ્રતાપ યાદવે X પર લખ્યું છે:
जब भाव न जागा भावों में,
उस भावों का कोई भाव नहीं,
ऐसी भावों का कोई स्थान नहीं,
जिनका भाव नहीं अपनों की भावों में,
कहाँ रखी है भाव तेरी, जिनका ख़्याल तेरी भावों में,
बस सत्ता का ख़्याल है तेरी भावों में,
अपनों के भावों का क्या हुआ।तेरा अंत होगा और अंत होगा तेरी भावों का, कोई…
— Tej Pratap Yadav (@TejYadav14) January 28, 2024
રોહિણી આચાર્યએ કચરા સાથે કરી સરખામણી
कूड़ा गया फिर से कूड़ेदानी में
कूड़ा – मंडली को बदबूदार कूड़ा मुबारक pic.twitter.com/gQvablD7fC— Rohini Acharya (@RohiniAcharya2) January 28, 2024
લાલુ પ્રસાદ યાદવની પુત્રી રોહિણી આચાર્યએ પણ પોતાની પ્રતિક્રિયા વ્યક્ત કરી છે. રોહિણી આચાર્યએ કચરાની ગાડીની તસવીર સાથે લખ્યું છે, ‘કચરો પાછો ડસ્ટબિનમાં જાય છે, દુર્ગંધ મારતા કચરાના જૂથને અભિનંદન.’ રોહિણી આચાર્યની આ પોસ્ટનો સીધો સંબંધ નીતીશ કુમારના રાજીનામા અને NDAમાં સામેલ થવા સાથે પણ છે.
બિહારમાં ફરી નીતિશ બનશે મુખ્યમંત્રી
નીતિશ કુમારના રાજીનામાની સાથે જ તેમણે ભાજપ સાથે મળીને નવી સરકાર બનાવવાની પણ જાહેરાત કરી છે. બિહારની આ નવી સરકારમાં એક સીએમ અને બે ડેપ્યુટી સીએમની ફોર્મ્યુલા અપનાવવામાં આવી છે. આમાં નીતિશ કુમારને ફરીથી સીએમ બનાવવામાં આવશે જ્યારે બંને ડેપ્યુટી સીએમ બીજેપીના હશે. ડેપ્યુટી સીએમ પદ માટે સમ્રાટ ચૌધરી અને વિજય સિન્હાનું નામ સામે આવ્યું છે.
આ પણ વાંચો: CM નીતિશ કુમારનું રાજીનામું, NDA બેઠકમાં હાજરી આપી સમર્થન મેળવશે
