બિહાર: નીતિશકુમારના નિર્ણયની રાહ જોઈ રહ્યા છે ભાજપ – આરજેડી

• બિહારમાં બીજેપી હજુ પણ નીતિશકુમારના નિર્ણયની રાહ જોઈ રહી છે, ત્યાર પછી જ તે કંઈક વિચારશે. ભાજપે સ્પષ્ટ જ કરી જ દિધુ છે કે પહેલા નીતીશકુમાર રાજીનામું આપે પછી જ કંઈક ચર્ચા

પટના, 27 જાન્યુઆરી: બિહારની સરકારમાં સવારે શું થશે તેની કોઈને કંઈ ખબર જ નથી, અત્યારે પટનામાં ભારતીય જનતા પાર્ટીની બેઠક ચાલુ છે. આરજેડીની બેઠક થઈ છે. જેડીયુએ રવિવારે પટનામાં ધારાસભ્ય દળની બેઠક પણ બોલાવી છે. આજે સાંજે નીતિશકુમારે પોતાના ખાસ ધારાસભ્યોને સીએમ આવાસ પર બોલાવ્યા છે. માનવામાં આવી રહ્યું છે કે આ પછી કોઈ મોટી જાહેરાત થઈ શકે છે.

નીતીશ મહાગઠબંધન છોડીને NDAમાં જોડાઈ શકે છે: સૂત્રો

એવી અટકળો ચાલી રહી છે કે નીતીશકુમાર મહાગઠબંધન છોડીને NDAમાં જોડાઈ શકે છે. જો કે, આ સત્તાવાર માહિતી નથી. જો નીતીશકુમાર જાહેરાત કરશે તો રાજ્યમાં લડાઈ વધુ રસપ્રદ બની જશે. ભારતીય જનતા પાર્ટીએ નીતિશકુમાર અને તેમની પાર્ટી જેડીયુને પણ સ્પષ્ટ કરી દીધું છે કે પહેલા તમે રાજીનામું આપો, ત્યારપછી જ ભાજપ પોતાનું સ્ટેન્ડ જાહેર કરશે. આ સમગ્ર રમતમાં ભાજપ બહુ વિચારીને ચાલી રહી છે. આ દરમિયાન આરજેડીને કોઈ તક ન મળે તે માટે પાર્ટી પૂરો પ્રયાસ કરી રહી છે.

આરજેડીએ પણ તૈયારીઓ પૂર્ણ કરી લીધી

આરજેડીએ પણ તૈયારીઓ પૂર્ણ કરી લીધી છે. લાલુ યાદવે આજે પટનામાં યોજાયેલી ધારાસભ્ય દળની બેઠકમાં સ્થિતિ સ્પષ્ટ કરી છે. તેમણે તેમના મંત્રીઓને સ્પષ્ટ કહ્યું છે કે કોઈ રાજીનામું આપશે નહીં અને સરકારમાંથી સમર્થન પાછું ખેંચશે નહીં. લાલુ યાદવ જાણે છે કે જો નીતીશકુમાર રાજીનામું આપીને NDAમાં જોડાય છે તો સૌથી મોટી પાર્ટી હોવાના કારણે તેઓ સરકાર બનાવવાનો દાવો કરી શકે છે.

આ પણ વાંચો: “બિહાર મેં ખેલ હોના અભી બાકી હૈ” તેજસ્વી યાદવે કેમ આવું કહ્યું?

બિહારમાં જોઈ વિચારીને પાર્ટીઓ પગલાં લઈ રહી છે

નીતીશકુમાર સરકાર રચવામાં નિષ્ફળ જશે તો આગામી ચૂંટણીમાં આરજેડી જનતાની સહાનુભૂતિ મેળવશે. જેમાં તે કહેશે કે અમે બિહાર માટે કામ કરતા હતા. પરંતુ નીતીશકુમારે રાજીનામું આપી ગઠબંધન તોડી નાખ્યું અને સરકારને પાડી દીધી. રાજકીય નિષ્ણાતોનું કહેવું છે કે આ સ્થિતિમાં માત્ર આરજેડીને જ લાંબાગાળાનો ફાયદો જોવા મળી રહ્યો છે. તેથી તેઓ નીતિશકુમારના નિર્ણયની રાહ જોઈ રહ્યા છે. આરજેડી નથી ઈચ્છતી કે નીતીશ સરકારને પછાડવાનો દોષ તેમના માથે નાખવામાં આવે.

આ પણ વાંચો: નીતિશકુમાર અને તેજસ્વી યાદવ વચ્ચે અંતર વધ્યું, આ તસવીર જોઈ આવી જશે ખ્યાલ