એડનની ખાડીમાં હુમલા બાદ ભારતીય નૌકાદળ એક્શનમાં, વેપારી જહાજમાં 21 ભારતીયો સામેલ

વિશાખાપટ્ટનમ (આંધ્ર પ્રદેશ), 27 જાન્યુઆરી: એડનની ખાડીમાં MV માર્લિન લુઆન્ડા વેપારી જહાજ પર હુમલા બાદ INS વિશાખાપટ્ટનમને તૈનાત કરવામાં આવ્યા છે. આ અંગે ભારતીય નૌકાદળે માહિતી આપી હતી.અગાઉ માર્શલ આઇલેન્ડ્સ-ધ્વજવાળા માર્લિન લુઆન્ડાએ એક કોલ જારી કરીને હુમલા બાબતે જણાવ્યું હતું. નૌકાદળે કહ્યું કે વેપારી જહાજને મદદ પૂરી પાડવામાં આવી રહી છે. તેમણે માહિતી આપી હતી કે INS વિશાખાપટ્ટનમ દ્વારા તૈનાત અગ્નિશામક ઉપકરણો સાથે વેપારી જહાજ પર સહાય મોકલવામાં આવી છે.

#IndianNavy‘s Guided missile destroyer, #INSVisakhapatnam, deployed in the #GulfofAden responded to a distress call from MV #MarlinLuanda on the night of #26Jan 24.
The fire fighting efforts onboard the distressed Merchant Vessel is being augmented by the NBCD team along with… pic.twitter.com/meocASF2Lo

— SpokespersonNavy (@indiannavy) January 27, 2024

ભારતીય નૌકાદળે કહ્યું કે આ વેપારી જહાજમાં 22 ભારતીય અને એક બાંગ્લાદેશી ક્રૂ મેમ્બર છે. તેમણે કહ્યું કે ભારતીય નૌકાદળ જહાજોની સુરક્ષા સુનિશ્ચિત કરવા અને દરિયામાં જીવ બચાવવા માટે પ્રતિબદ્ધ છે. 26 જાન્યુઆરીની રાત્રે એમવી માર્લિન લુઆન્ડા તરફથી એક ડિસ્ટ્રેસ કોલ આવ્યો હતો, જેના પર કામ કરતા INS વિશાખાપટ્ટનમને એડનની ખાડીમાં તૈનાત કરવામાં આવી છે.

એવું માનવામાં આવે છે કે યમનના સૈન્ય સંગઠન હુથીઓએ માર્લિન લુઆન્ડા નામના વેપારી જહાજ પર મિસાઈલ હુમલો કર્યો હતો.

આ પણ વાંચો: વેરાવળ નજીક એક વેપારી જહાજ પર ડ્રોન એટેક, હુમલા બાદ પ્રચંડ વિસ્ફોટ