મરાઠા આરક્ષણ આંદોલન: મનોજ જરંગે પાટીલ CMના હસ્તે કરશે પારણાં
- અમારો વિરોધ હવે સમાપ્ત થઈ ગયો, અમારી વિનંતી સ્વીકારવામાં આવી : મનોજ જરંગે પાટીલ
મહારાષ્ટ્ર, 27 જાન્યુઆરી: મહારાષ્ટ્રમાં ચાલી રહેલા મરાઠા આરક્ષણ આંદોલનનો અંત આવ્યો છે. શનિવારે મનોજ જરંગે પાટીલે વિરોધ સમાપ્ત કરવાની જાહેરાત કર્યા બાદ મરાઠા આરક્ષણ કાર્યકર્તાઓએ પણ ઉજવણી કરી હતી. સરકારે તેમની માંગ સ્વીકારી લીધી છે. મળતી માહિતી મુજબ, મનોજ જરંગે મુખ્યમંત્રી એકનાથ શિંદેની હાજરીમાં ઉપવાસ તોડશે. ઉપવાસ તોડ્યા બાદ મુખ્યમંત્રી એકનાથ શિંદે અને મનોજ જરાંગે સંયુક્ત પત્રકાર પરિષદને સંબોધિત કરી શકે છે. મરાઠા આરક્ષણ આંદોલનના નેતા મનોજ જરંગે પાટીલે કહ્યું છે કે, “મુખ્યમંત્રી એકનાથ શિંદેએ સારું કામ કર્યું છે. અમારો વિરોધ હવે સમાપ્ત થઈ ગયો છે. અમારી વિનંતી સ્વીકારવામાં આવી છે.”
#WATCH | Maratha quota activist Manoj Jarange Patil to end his fast today in the presence of Maharashtra CM Eknath Shinde after the government accepted demands, in Navi Mumbai pic.twitter.com/ogLqes3wHL
— ANI (@ANI) January 27, 2024
કેબિનેટ મંત્રી દીપક કેસકર અને મંગલ પ્રભાત લોઢાના નેતૃત્વમાં એક પ્રતિનિધિમંડળ શુક્રવારે રાત્રે મનોજ જરંગેને મળવા પહોંચ્યું હતું. મનોજ જરંગેની તમામ માંગણીઓ અંગે વટહુકમ બહાર પાડવામાં આવ્યો હતો. વટહુકમની નકલ મનોજ જરંગેને સોંપવામાં આવી હતી. તેમની તમામ માગણીઓ પૂર્ણ કરવામાં આવી છે. માંગણીઓ અંગે જીઆર બહાર પાડવા માંગ કરાઇ હતી.
#WATCH | Navi Mumbai: Maratha reservation activists celebrate after Manoj Jarange Patil announces to end the protests today as the government has accepted their demands pic.twitter.com/V1KxosEHRm
— ANI (@ANI) January 27, 2024
મનોજ જરંગે પાટીલની માંગ શું હતી?
મનોજ જરંગેએ માગણી કરી હતી કે, અંતરાવલી સહિત મહારાષ્ટ્રમાં નોંધાયેલા તમામ કેસ પાછા ખેંચવામાં આવે. તેનો સરકારી આદેશ પત્ર તેમને બતાવવો જોઈએ. જ્યાં સુધી આરક્ષણનો નિર્ણય ન લેવાય ત્યાં સુધી મરાઠા સમાજના બાળકો માટે શિક્ષણ મફત હોવું જોઈએ. આ સાથે સરકારી ભરતીમાં મરાઠાઓ માટે અનામત ક્વોટા રાખવો જોઈએ. આ સિવાય જરંગે તેમના એક નિવેદનમાં વધુમાં કહ્યું કે, “અમારે રેકોર્ડ્સ શોધવામાં પણ મદદ કરવી પડશે. રેકોર્ડની પ્રાપ્તિ પર, તમામ સંબંધીઓને પ્રમાણપત્રો આપવા અને સંબંધીઓ અંગે વટહુકમ બહાર પાડવો.
#WATCH | Navi Mumbai: Supporters of Maratha quota activist Manoj Jarange Patil celebrate, as he announces an end to the protests today after the government accepted their demands. He will break his fast today in the presence of Maharashtra CM Eknath Shinde. pic.twitter.com/w3e6ve8wLx
— ANI (@ANI) January 27, 2024
મુખ્યમંત્રી એકનાથ શિંદેએ સારું કામ કર્યું : મનોજ જરંગે
તે જ સમયે, સરકારે માગણીઓ સ્વીકાર્યા પછી, “મરાઠા આરક્ષણ આંદોલનના નેતા મનોજ જરંગેની પ્રતિક્રિયા બહાર આવી છે. તેમણે કહ્યું છે કે, મુખ્યમંત્રી એકનાથ શિંદેએ સારું કામ કર્યું છે. અમારો વિરોધ હવે સમાપ્ત થઈ ગયો છે. અમારી વિનંતી સ્વીકારવામાં આવી છે. અમે તેમનો પત્ર સ્વીકારીશું.” તેઓ મુખ્યમંત્રીના હાથથી જ્યુસ પીને પોતાના ઉપવાસનું સમાપન કરશે.
