મળો દુનિયાના સૌથી નસીબદાર માણસને, જાણો કોણ છે આ વ્યક્તિ?

• રામલલાની સુંદર પ્રતિમા બનાવનાર અરુણ યોગીરાજે પ્રાણ પ્રતિષ્ઠામાં લીધો ભાગ
• મારા પૂર્વજો, પરિવારના સભ્યો અને ભગવાન રામના આશીર્વાદ હંમેશા મારી સાથે : શિલ્પકાર

અયોધ્યા, 22 જાન્યુઆરી: અયોધ્યા રામલલાની મૂર્તિ બનાવનાર શિલ્પકાર અરુણ યોગીરાજે પોતાને દુનિયાનો સૌથી ભાગ્યશાળી વ્યક્તિ ગણાવ્યો છે. કર્ણાટકના શિલ્પકાર અરુણ યોગીરાજે આજે રામ મંદિરના પ્રાણ પ્રતિષ્ઠામાં ભાગ લીધો હતો. આ દરમિયાન અરુણ યોગીરાજ જણાવ્યું હતું કે , “મને લાગે છે કે હવે હું આ દુનિયા પરનો સૌથી ભાગ્યશાળી વ્યક્તિ છું. મારા પૂર્વજો, પરિવારના સભ્યો અને ભગવાન રામના આશીર્વાદ હંમેશા મારી સાથે રહ્યા છે. ક્યારેક મને એવું લાગે છે કે હું સપનાની દુનિયામાં છું.” સોના અને ફૂલોથી શણગારેલી રામલલાની 51 ઇંચની પ્રતિમાને આજે અયોધ્યાના નવા મંદિરમાં ‘પવિત્ર’ કરવામાં આવી હતી. પીએમ મોદી પ્રાણ પ્રતિષ્ઠા આ કાર્યક્રમમાં મુખ્ય યજમાન હતા.

#WATCH | Ayodhya, Uttar Pradesh: Ram Lalla idol sculptor, Arun Yogiraj says "I feel I am the luckiest person on the earth now. The blessing of my ancestors, family members and Lord Ram Lalla has always been with me. Sometimes I feel like I am in a dream world…" pic.twitter.com/Eyzljgb7zN

— ANI (@ANI) January 22, 2024

રામલલાની પ્રતિમાને ફૂલોથી શણગારવામાં આવી હતી

આજે અયોધ્યાના નવા મંદિરમાં સોના અને ફૂલોથી શણગારેલી રામલલાની 51 ઈંચની મૂર્તિનો પ્રાણ પ્રતિષ્ઠા મહોત્સવ યોજાયો હતો. સમારંભના થોડા સમય પહેલા પ્રતિમાનું અનાવરણ કરવામાં આવ્યું હતું. વડાપ્રધાન મોદી પ્રાણ પ્રતિષ્ઠા સમારોહમાં મુખ્ય યજમાન હતા. આ દરમિયાન અનેક સંતોએ મંદિરના ગર્ભગૃહમાં મંત્રોચ્ચાર સાથે કાર્યક્રમ પૂર્ણ કર્યો હતો.

પ્રાણ પ્રતિષ્ઠા બાદ રામલલાની પ્રથમ ઝલક બહાર આવી

રામ મંદિરમાં પ્રાણ પ્રતિષ્ઠા બાદ રામલલાની પ્રથમ ઝલક બહાર આવી હતી. રામલલાની આંખોમાં નિર્દોષતા, તેમના હોઠ પર સ્મિત, ચહેરા પર અદ્ભુત ચમક દેખાય છે. રામલલાની પહેલી ઝલક હૃદયમાં વસી જઈ તેવી છે. પ્રભુ શ્રીરામની પ્રથમ ઝલક જોઈને એક વાત સ્પષ્ટ થાય છે કે, કર્ણાટકના શિલ્પકાર અરુણ યોગીરાજે ખૂબ જ સુંદર મૂર્તિ બનાવી છે. રામલલાના પ્રાણ પ્રતિષ્ઠા બાદ વડાપ્રધાન નરેન્દ્ર મોદીએ રામલલાની આરતી કરી હતી. આ ભવ્ય અને દિવ્ય દ્રશ્ય મનમોહક હતું.

Ayodhya Shri Ram sculptor Arun Yogiraj hails from Mysuru, Karnataka. pic.twitter.com/ZN2OqzJp85

— Indian Tech & Infra (@IndianTechGuide) January 22, 2024

અયોધ્યાના રામ મંદિરમાં રામલલાના પ્રાણ પ્રતિષ્ઠા સમારોહમાં હાજરી આપ્યા બાદ, પીએમ મોદીએ કહ્યું કે, “આજે ભારત યુવા શક્તિથી ભરેલો દેશ છે. કોણ જાણે કેટલા વર્ષો પછી આવી સકારાત્મક પરિસ્થિતિઓ ઊભી થશે.. તમે એ ભારતના રહેવાસી છો જે આજે ચંદ્ર પર ત્રિરંગો ધ્વજ લહેરાવી રહ્યો છે. જેઓ આજે સૂર્ય પર મિશન પણ મોકલી રહ્યા છે.” જ્યારે મુખ્યમંત્રી યોગી આદિત્યનાથે કહ્યું કે, “ભગવાન રામલલા પોતાના ભવ્ય, દિવ્ય અને નવ્ય ધામમાં બિરાજવા બદલ બધાને હાર્દિક અભિનંદન. આ ક્ષણે મારું હૃદય ભાવુક છે. તમે બધા પણ ભાવુકતા અનુભવતા હશો.”

આ પણ જુઓ :રામ મંદિર પ્રાણ પ્રતિષ્ઠા મહોત્સવ: કોઈ ગળે મળ્યું તો કોઈ ભાવુક થયું, જૂઓ Photos