ગુરુત્વાકર્ષણ ગાયબ ! છોકરાનો શાળાના સ્ટેજ પર હવામાં મૂનવોક કરતો વીડિયો વાયરલ
- છોકરો તેની ચાલવાની અનોખી સ્ટાઈલને કારણે દરેકનો ફેવરિટ બન્યો
- આ સ્ટાઈલ શું છે, તે લોકોના રસનો વિષય બની ગયો
નવી દિલ્હી, 21 જાન્યુઆરી: સોશિયલ મીડિયા પર હાલ એક વિચિત્ર વિડિયો વાયરલ થઈ રહ્યો છે જે ખરેખર આશ્ચર્યજનક છે. આ જ કારણ છે કે તેને વાયરલ થવામાં વધુ સમય લાગ્યો નથી. વીડિયોમાં દેખાતો છોકરો તેની ચાલવાની અનોખી સ્ટાઈલને કારણે દરેકનો ફેવરિટ બની ગયો છે. એવું લાગે છે કે, તે મૂનવોક કરી રહ્યો છે પરંતુ વાસ્તવમાં આ સ્ટાઈલ શું છે, તે લોકોના રસનો વિષય બની ગયો છે.
View this post on Instagram
વીડિયોમાં એવું તો ખાસ શું છે?
આ વાયરલ થઈ રહેલો વીડિયો કોરિયાનો છે. અહીં એક છોકરો સ્કૂલ યુનિફોર્મમાં જોવા મળે છે. તે સ્ટેજ પર તેના શિક્ષક પાસે જાય છે, પરંતુ જ્યારે શિક્ષક તેને ફરીથી આવવા માટે કહે છે, ત્યારે તે સમજી જાય છે કે તેણી શું ઇશારો કરી રહી છે. પછી છોકરો એવું મૂનવોક કરે છે કે તેના પગ ક્યારેય સ્ટેજને સ્પર્શતા નથી. જેના કારણે ઉપસ્થિત બધા લોકો તાળીઓથી તેનું અભિવાદન કરે છે. આ વીડિયોને ઇન્સ્ટાગ્રામ પર lee_w317 એકાઉન્ટથી શેર કરવામાં આવ્યો હતો. તેનું કેપ્શન કોરિયન ભાષામાં છે. 9 જાન્યુઆરીએ પોસ્ટ કરવામાં આવેલો આ વીડિયો ઘણો જોવામાં અને લાઈક કરવામાં આવી રહ્યો છે.
લોકોએ શું આપી પ્રતિક્રિયા ?
વીડિયો જોઈ રહેલા લોકો કોમેન્ટમાં છોકરાના વખાણ કરતા થાકતા નથી. એક યુઝરે લખ્યું કે, “માત્ર એક સવાલ..ગુરુત્વાકર્ષણ ક્યાં છે?” તો અન્ય યુઝરે લખ્યું કે, “છોકરાએ જાદુઈ મૂવમેન્ટ કરી છે.” લોકો આ છોકરાના વખાણ કરતા થાકતા નથી. જ્યારે બીજા એક યુઝરે લખ્યું કે, “અદ્ભુત-ઉત્તમ અને ખૂબ સુંદર.”
આ પણ જુઓ: ઊડતા વિમાનમાં અચાનક આગ ફાટી નીકળી, વીડિયો થયો વાયરલ
