માલદીવમાં સારવાર ન મળતાં 14 વર્ષના છોકરાનું મૃત્યુ, મુઈઝઝૂ સરકાર જવાબદાર ?

• મુઈઝઝૂ સરકાર દ્વારા ભારતીય વિમાનને મંજૂરી આપવામાં આવી નહીં

માલે, 21 જાન્યુઆરી: માલદીવના એક 14 વર્ષના છોકરાને મગજની ગાંઠ હતી અને સ્ટ્રોક આવ્યા બાદ તેની હાલત ગંભીર બની ગઈ હતી. આ બાદ તેના પરિવારે તેને ગાફ અલિફ વિલિંગિલીમાં તેના ઘરેથી રાજધાની માલે લઈ જવા માટે એર એમ્બ્યુલન્સની વિનંતી કરી હતી. પરંતુ ભારતીય ફ્લાઇટ માટે પરવાનગી આપવામાં આવી ન આવતા સારવારના અભાવે છોકરાનું મૃત્યુ થયું હતું.

I want the whole world including India🇮🇳& Pakistan🇵🇰to know what a heartless & egoistic monster we have as Maldives 🇲🇻 president @MMuizzu.

This 14 year old boy passed away today cause @MMuizzu refused to give approval to use the Dornier aircraft given by🇮🇳 to fly him from his… https://t.co/uTjH4bMyqE pic.twitter.com/YOAL3ogeF1

— Hassan Kurusee (@HKurusee) January 20, 2024

ભારતીય સેનાની એક નાની ટુકડી માલદીવમાં છેલ્લા ઘણા સમયથી તૈનાત છે. ત્યાંની અગાઉની સરકારની અપીલ પર ભારતે દરિયાઈ સુરક્ષા અને આપત્તિ રાહત કામગીરીમાં મદદ માટે સૈનિકો તૈનાત કર્યા હતા. પરંતુ હવે માલદીવના નવા પ્રમુખ મોહમ્મદ મુઈઝઝૂએ આ સૈનિકોને દેશ છોડવા માટે કહ્યું છે.

મગજની ગાંઠ હોવાને કારણે સ્ટ્રોક આવ્યા બાદ છોકરાની હાલત ગંભીર હતી

આ બધાની વચ્ચે, શનિવારે માલદીવમાં 14 વર્ષીય છોકરાનું કથિત રીતે મૃત્યુ થયું કારણ કે પ્રમુખ મુઈઝઝૂએ તેને એરલિફ્ટ માટે ભારત દ્વારા આપવામાં આવેલા ડોર્નિયર એરક્રાફ્ટનો ઉપયોગ કરવાની પરવાનગી આપવાનો ઇનકાર કર્યો હતો. મળતી માહિતી મુજબ, છોકરાને મગજની ગાંઠ હતી અને તેને સ્ટ્રોક આવ્યા બાદ તેની હાલત ગંભીર બની ગઈ હતી. આ પછી તેના પરિવારે તેને ગાફ અલિફ વિલિંગિલીમાં તેના ઘરેથી રાજધાની માલે લઈ જવા માટે એર એમ્બ્યુલન્સની વિનંતી કરી.

સત્તાવાળાઓ તબીબી સ્થળાંતરની વ્યવસ્થા કરવામાં નિષ્ફળ ગયા હોવાનો પરિવારનો આરોપ

માલદીવિયન મીડિયા અનુસાર, પરિવારનો આરોપ છે કે સત્તાવાળાઓ તાત્કાલિક તબીબી સ્થળાંતરની વ્યવસ્થા કરવામાં નિષ્ફળ ગયા હતા. માલદીવ મીડિયાએ પીડિતાના પિતાને ટાંકીને જણાવ્યું હતું કે, “અમે સ્ટ્રોક પછી તરત જ તેને માલે લઈ જવા માટે આઇલેન્ડ એવિએશનને ફોન કર્યો હતો, પરંતુ તેઓએ અમારા કૉલનો જવાબ આપ્યો ન હતો. તેઓએ ગુરુવારે સવારે 8:30 વાગ્યે ફોનનો જવાબ આપ્યો જ્યારે તેઓ જાણે છે કે આવી ગંભીર પરિસ્થિતિમાં કોઈપણ ગંભીર દર્દી માટે એર એમ્બ્યુલન્સ સૌથી મોટો આધાર હોય છે.

વિનંતીના 16 કલાક પછી છોકરાને માલે લઈ જવામાં આવ્યો

ઉલ્લેખનીય છે કે, આ ઘટનાક્રમ એવા સમયે બહાર આવ્યો છે જ્યારે માલદીવના મંત્રીઓ દ્વારા વડાપ્રધાન નરેન્દ્ર મોદી પ્રત્યે અપમાનજનક ટિપ્પણીઓ બાદ તાજેતરમાં ભારત અને દ્વીપસમૂહ રાષ્ટ્ર વચ્ચેના રાજદ્વારી સંબંધો બગડ્યા છે. છોકરાના મૃત્યુ પર ટિપ્પણી કરતા માલદીવના સાંસદ મિકેલ નસીમે કહ્યું, “લોકોએ પ્રમુખની ભારત પ્રત્યેની દુશ્મનાવટને સંતોષવા માટે પોતાનો જીવ આપીને કિંમત ચૂકવવી જોઈએ નહીં.”

આ પણ જુઓ :સીરિયાના દમાસ્કસમાં ઈઝરાયેલનો હુમલો : ઈન્ટેલિજન્સ ચીફ, ડેપ્યુટી સહિત 10ના મૃત્યુ