શું ઐશ્વર્યાને મળશે તારક મહેતા શોમાં એન્ટ્રી?

મુંબઈ, 18 જાન્યુઆરી : લોકપ્રિય શો તારક મહેતા કા ઉલ્ટા ચશ્મામાંથી દયાબેન ઘણા સમયથી ગાયબ છે. શોમાં તેની વાપસીની ચાહકો આતુરતાથી રાહ જોઈ રહ્યા છે. દિશા વાકાણી માટે શોમાં પાછા ફરવું મુશ્કેલ છે, તેથી નિર્માતાઓ લાંબા સમયથી નવી દયાબેનની શોધ કરી રહ્યા છે. અત્યાર સુધી તેને આ આઇકોનિક રોલ માટે કોઇ ચહેરો મળ્યો નથી. હાલમાં જ એક અભિનેત્રીનો દયાબેનના ફેમસ ડાયલોગ ‘હે મા, માતાજી’ પર મિમક્રી કરતો એક વીડીયો વાઈરલ થયો છે. તેથી તેના ફેન્સને લાગે છે કે તે દયાબેનની આઇકોનિક ભૂમિકામાં ફિટ બેસશે.

ઐશ્વર્યાની મિમિક્રી હિટ

અભિનેત્રી ઐશ્વર્યા દયાબેનની મિમિક્રી એટલી પરફેક્ટ કરી છે કે લોકોએ મેકર્સને દયાબેનના રોલમાં તેને કાસ્ટ કરવાની અપીલ કરી છે. અહીં ટીવી એક્ટ્રેસ ઐશ્વર્યા શર્મા જેનો બિગ બોસમાં જાદુ ચાલ્યો નહીં પણ કોણ જાણે, તે કદાચ દયાબેન બનીને દર્શકોના દિલ જીતી લેશે. લોકો આવું કહી રહ્યા છે. બન્યું એવું કે અભિનેત્રીએ તેના ઇન્સ્ટા પર ચાહકો સાથે લાઇવ સેશન કર્યું. તે ફેન્સના સવાલોના જવાબ આપી રહી હતી. ત્યારે એક વ્યક્તિએ તેમને દયાબેનની એક્ટિંગ કરવા કહ્યું.

શું ઐશ્વર્યા આગામી દયાબેન બનશે?

પછી શું, ઐશ્વર્યાએ એક સેકન્ડ પણ બગાડી નહીં અને દયાબેનની એક્ટિંગ કરી. દયાબેનનો ફેમસ ડાયલોગ બોલતા તે કહે છે – હે મા, માતાજી, ટપ્પુ કે પાપા… પત્નીની મિમિક્રી જોઈને તેની બાજુમાં બેઠેલો નીલ હસવા લાગે છે. અભિનેત્રીનો આ વીડિયો ઝડપથી વાયરલ થઈ રહ્યો છે. ફેન્સ ઐશ્વર્યાની મિમિક્રીના વખાણ કરી રહ્યા છે. ઘણાને લાગે છે કે તે દયાબેનની આઇકોનિક ભૂમિકામાં ફિટ થશે. તેથી તેના ફેન્સે નિર્માતાઓને આ રોલમાં ઐશ્વર્યાને કાસ્ટ કરવાની અપીલ કરી હતી. કોઈપણ રીતે, ઐશ્વર્યાની એક્ટિંગનો કોઈ જવાબ નથી. તે સકારાત્મક હોય કે નકારાત્મક, તે દરેક ભૂમિકામાં પોતાનો જાદુ ઉમેરે છે.

Next Daya Ben for #TMKOC !!
•
•
•
•
~ Cutest couple ever 🌟

•• Retweet if you want her as Daya Ben🔁••#NeilBhatt #NeilArmy @neilbhatt4 #BB17 #BigBoss17 #AishwaryaSharma @AishSharma812 pic.twitter.com/CLZJYFNZjy

— 𝐓𝐞𝐚𝐦 𝐍𝐞𝐢𝐥 𝐁𝐡𝐚𝐭𝐭 ✨ (@TeamNeilBhattFC) January 16, 2024

અભિનયમાંથી બ્રેક પર દિશા વાકાણી

દિશા વાકાણી એટલે મૂળ દયાબેન જે 2017 થી શોમાં જોવા મળી નથી. મેટરનિટી લીવ પર ગયા બાદ તે શોમાં પાછી ફરી નથી. હવે તે બે બાળકોની માતા બની ગઈ છે. ચાહકો અને નિર્માતાઓની પ્રથમ પસંદગી હજુ પણ દિશા વાકાણી જ છે, પરંતુ એવું લાગે છે કે પારિવારિક જવાબદારીઓને કારણે તે શોમાં પરત ફરશે નહીં. સમયની સાથે મેકર્સ પણ આ વાત સમજી ગયા છે. એટલા માટે તે આ રોલ માટે નવી અભિનેત્રીની શોધમાં છે. હવે જોવાનું એ છે કે, ઐશ્વર્યાને લઈને લોકોની માંગ પર મેકર્સ શું નિર્ણય લે છે.

આ પણ વાંચો : સુશાંત સિંહ રાજપૂતના નામે વિકી જૈને લગાવ્યા પત્ની પર આરોપ