94 Not Out ! વર્લ્ડ ચેમ્પિયનશીપમાં ‘દાદી’નો ડંકો
વાત એક એવી ઉંમરની મહિલાની જેણે એક એવું કામ કરી બતાવ્યું છે જે કરવું કદાચ નાની ઉંમરના લોકો માટે પણ સપના સમાન હોય. વાત છે 94 વર્ષીય એક મહિલાની. જેમણે આ ઉંમરે વિશ્વભરમાં વગાડ્યો છે ભારતના નામનો ડંકો અને બન્યા છે નાની બાળકીઓ, યુવતીઓથી લઈ દરેક મહિલા માટે ઉદાહરણ.
94-year-old Bhagwani Devi Dagar won a gold and 2 bronze for India at the World Masters Athletics championships 2022 in Finland, yesterday pic.twitter.com/JRPZrBDSAK
— ANI (@ANI) July 11, 2022
94 વર્ષના ભગવાની દેવીએ વર્લ્ડ માસ્ટર્સ એથ્લેટિક્સ ચેમ્પિયનશિપમાં એક ગોલ્ડ મેડલ અને બે બ્રોન્ઝ મેડલ જીત્યા છે. 94 વર્ષની વયે આ પરાક્રમ કરીને ભગવાની દરેક માટે પ્રેરણાસ્ત્રોત બની ગયા છે. તેમણે સાબિત કર્યું કે, ઉંમર માત્ર એક સંખ્યા છે. જો વ્યક્તિમાં કંઈપણ કરવાની ઈચ્છા શક્તિ હોય તો તે ચોક્કસપણે સફળ થાય છે. હરિયાણાનાં ભગવાનની દેવીએ 100 મીટર સ્પ્રિન્ટ ઈવેન્ટમાં ગોલ્ડ મેડલ જીત્યો છે.
ભગવાનની દેવીએ ફિનલેન્ડના ટેમ્પેરમાં આયોજીત 100 મીટર સ્પ્રિન્ટની સ્પર્ધામાં માત્ર 24.74 સેકન્ડમાં રમત પુરી કરી ગોલ્ડ મેડલ જીત્યો હતો. આ સાથે તેમણે ગોળા ફેંકની સ્પર્ધામાં બ્રોન્ઝ મેડલ જીત્યો છે. રમતગમત મંત્રાલયે ભગવાની દેવીને તેમની શાનદાર જીત બદલ અભિનંદન પાઠવ્યા છે. મંત્રાલયે તેમની તસવીર સાથે અભિનંદન સંદેશ લખ્યો છે.
India's 94-year-old #BhagwaniDevi Ji has yet again proved that age is no bar!
She won a GOLD medal at the #WorldMastersAthleticsChampionships in Tampere in the 100m sprint event with a timing of 24.74 seconds.????She also bagged a BRONZE in Shot put.
Truly commendable effort!???? pic.twitter.com/Qa1tI4a8zS
— Dept of Sports MYAS (@IndiaSports) July 11, 2022
રમતગમત મંત્રાલયે ટ્વિટમાં લખ્યું કે, “ભારતના 94 વર્ષીય ભગવાની દેવીએ ફરી એકવાર સાબિત કર્યું છે કે ઉંમર કોઈ અવરોધ નથી! તેમણે ટેમ્પેરમાં #WorldMastersAthleticsChampionships માં 24.74 સેકન્ડના સમયમાં 100 મીટરની સ્પ્રિન્ટ ઈવેન્ટમાં ગોલ્ડ મેડલ જીત્યો છે. આ સાથે તેમણે ગોળા ફેંકમાં પણ બ્રોન્ઝ મેડલ જીત્યો છે.
