IND vs AFG: મોહાલીની ઠંડીમાં ખેલાડીઓની હાલત થઈ ખરાબ
મોહાલી, 11 જાન્યુઆરી 2024: ભારત અને અફઘાનિસ્તાન વચ્ચે પ્રથમ T20 મેચ મોહાલીના પંજાબ ક્રિકેટ એસોસિએશન આઈએસ બિન્દ્રા સ્ટેડિયમમાં રમાઈ રહી છે. મોહાલીની કડકડતી ઠંડીએ ખેલાડીઓની હાલત ખરાબ કરી દીધી છે. મેચ દરમિયાન ભારત અને અફઘાનિસ્તાનના ખેલાડીઓ કોઈને કોઈ રીતે પોતાને ઠંડીથી બચાવવાનોપ્રયાસ કરી રહ્યા છે. આ દરમિયાન ભારતીય કેપ્ટન રોહિત શર્મા ‘હોટ વોટર બેગ’નો ઉપયોગ કરતો જોવા મળ્યો હતો.
Rohit Sharma using hot water bag due to heavy cold in Mohali. pic.twitter.com/gFqUBTaQ8p
— Johns. (@CricCrazyJohns) January 11, 2024
લાઈવ મેચ દરમિયાન રોહિત શર્માએ હાથને ગરમ રાખવા માટે ‘હોટ વોટર બેગ્સ’નો ઉપયોગ કર્યો હતો. ભારતીય કેપ્ટનનો હાથ ગરમ કરતો ફોટો સોશિયલ મીડિયા પર વાયરલ થયો હતો. મોહાલીમાં ચાલી રહેલી મેચમાં ટીમ ઈન્ડિયાએ ટોસ જીતીને પહેલા બોલિંગ કરવાનો નિર્ણય કર્યો હતો. ટોસ સમયે અફઘાનિસ્તાનના કેપ્ટન ઈબ્રાહિમ ઝદરાને પણ કહ્યું હતું કે જો તે ટોસ જીત્યો હોત તો તેણે પણ પહેલા બોલિંગ કરી હોત.
રોહિત શર્મા લાંબા સમય બાદ T20Iમાં પરત ફર્યો
અફઘાનિસ્તાન વિરૂદ્ધ રમાઈ રહેલી પ્રથમ ટી20 દ્વારા રોહિત શર્મા લાંબા સમય બાદ T20 ઈન્ટરનેશનલમાં પરત ફર્યો છે. અફઘાનિસ્તાન સામે રમાઈ રહેલી T20 પહેલા, રોહિત શર્માએ 2022 T20 વર્લ્ડ કપમાં T20 ઈન્ટરનેશનલ મેચ રમી હતી, જે ટૂર્નામેન્ટની સેમીફાઈનલ હતી અને નવેમ્બરમાં રમાઈ હતી. જ્યારે વિરાટ કોહલી અંગત કારણોસર મેચનો ભાગ નથી.
થાલાનો નવો અંદાજ સોશિયલ મીડિયામાં વાયરલ, જાણો ચાહકોએ શું કહ્યું…?
અફઘાનિસ્તાને કુલ 158 રન બનાવ્યા હતા
પ્રથમ મેચમાં ભારતે અફઘાનિસ્તાન સામે ટોસ જીતીને બોલિંગ કરવાનો નિર્ણય કર્યો અને બોર્ડ પર 158 રન બનાવ્યા. ટીમ માટે મોહમ્મદ નબીએ 27 બોલમાં 42 રનની સૌથી મોટી ઇનિંગ રમી જેમાં 2 ફોર અને 3 સિક્સ સામેલ હતી. આ સમયગાળા દરમિયાન તેનો બેટિંગ સ્ટ્રાઈક રેટ 155.56 હતો. નબી સિવાય કોઈ અફઘાન બેટ્સમેન 30 રનનો આંકડો પણ પાર કરી શક્યો નહોતો. આ દરમિયાન ભારત તરફથી મુકેશ કુમાર અને અક્ષર પટેલે 2-2 વિકેટ ઝડપી હતી. આ સિવાય શિવમ દુબેને 1 સફળતા મળી.
Jacket 🧥 ON
Warmers ON
Gloves 🧤 ON #TeamIndia have a funny take on their "chilling" ❄️🥶 training session in Mohali. #INDvAFG | @IDFCFIRSTBank pic.twitter.com/rWeodTeDr2— BCCI (@BCCI) January 11, 2024
