IND vs AFG: શું રોહિત અફઘાનિસ્તાન સામેની પ્રથમ T20માં ઇતિહાસ રચશે? કોહલીનો ‘વિરાટ’ રેકોર્ડ તોડવાની તક

10 જાન્યુઆરી 2024: ભારત અને અફઘાનિસ્તાન વચ્ચે ત્રણ મેચની T20 સિરીઝ રમાશે. આ શ્રેણીની પ્રથમ મેચ 11 જાન્યુઆરીએ મોહાલીમાં રમાશે. ભારતીય કેપ્ટન રોહિત શર્મા આ મેચમાં એક મોટો રેકોર્ડ પોતાના નામે કરી શકે છે. હાલમાં આ રેકોર્ડ પૂર્વ કેપ્ટન વિરાટ કોહલીના નામે છે.

ભારત અને અફઘાનિસ્તાન વચ્ચે પ્રથમ T20 મોહાલીના IS બિન્દ્રા સ્ટેડિયમમાં રમાશે. આ મેચ સાંજે 7 વાગ્યે શરૂ થશે. આ શ્રેણીમાં રોહિત શર્મા અને વિરાટ કોહલીની ટી-20 ટીમમાં વાપસી થઈ છે. ઈજાના કારણે સૂર્યકુમાર યાદવ અને હાર્દિક પંડ્યા આ સિરીઝનો ભાગ નથી.

રોહિત શર્મા માત્ર 44 રન બનાવીને કોહલીને પાછળ છોડી શકે

અફઘાનિસ્તાન સામેની પ્રથમ T20માં માત્ર 44 રન બનાવીને રોહિત શર્મા વિરાટ કોહલીનો મોટો રેકોર્ડ તોડી શકે છે. વાસ્તવમાં ટી20 ઈન્ટરનેશનલમાં કેપ્ટન તરીકે સૌથી વધુ રન બનાવવાનો રેકોર્ડ કિંગ કોહલીના નામે છે. કોહલીએ 50 મેચમાં 1570 રન બનાવ્યા છે. જ્યારે રોહિતના નામે 51 મેચમાં 1527 રન છે. આવી સ્થિતિમાં જો રોહિત પ્રથમ T20માં 44 રન બનાવી લે છે તો તે T20 ઈન્ટરનેશનલમાં કેપ્ટન તરીકે સૌથી વધુ રન બનાવનાર ભારતીય બની જશે.

ઓસ્ટ્રેલિયાનો એરોન ફિન્ચ નંબર-1 છે

ટી20 ઈન્ટરનેશનલમાં કેપ્ટન તરીકે સૌથી વધુ રન બનાવવાના મામલે વિરાટ હાલમાં ચોથા સ્થાને છે. જો રોહિત અફઘાનિસ્તાન સામેની પ્રથમ T20માં 44 રન બનાવશે તો તે કોહલીને પાછળ છોડીને ચોથા નંબર પર આવી જશે. આ રેકોર્ડ લિસ્ટમાં ઓસ્ટ્રેલિયાના પૂર્વ કેપ્ટન એરોન ફિન્ચ ટોપ પર છે. ફિન્ચના નામે 2236 રન છે. આ રેકોર્ડ લિસ્ટમાં બાબર આઝમ 2195 રન સાથે બીજા સ્થાને છે. આ રેકોર્ડ લિસ્ટમાં ન્યુઝીલેન્ડનો કેન વિલિયમસન ત્રીજા સ્થાને છે. તેના નામે 2042 રન છે.